Dalesman

کابل:  افغانستان کی حکومت نے ماہِ شوال 1443 ہجری کا چاند نظر آنے کا اعلان کرتے ہوئے ملک بھر میں آج عید الفطر منانے کا اعلان کردیا۔ افغان میڈیا رپورٹ کے مطابق افغانستان کے مختلف علاقوں سے ماہِ شوال کے چاند کی شہادات موصول ہوئیں جس کے بعد حکومت نے آج عید الفطر منانے کا اعلان کیا۔ افغان طالبان کے ترجمان ذبیح اللہ مجاہد نے بھی چاند نظر آنے کی تصدیق کرتے ہوئے سرکاری اعلامیہ جاری کردیا۔ عاجل: رئیس ستره محکمه امارت اسلامی افغانستان و مسئول کمیته رویت هلال، محترم شیخ الحدیث مولوي عبدالحکیم حقانی صاحب اعلام نمود که فردا یکشنبه درتمام کشور روز اول عید سعید فطر می باشد. به همین مناسبت به تمام هموطنان ما عید فطر را تبریک و تهنیت عرض میداریم. pic.twitter.com/r2ydhzq933 — Zabihullah (..ذبـــــیح الله م ) (@Zabehulah_M33) April 30, 2022 امارات اسلامیہ افغانستان کے چیف جسٹس اور رویت ہلال کمیٹی کے سربراہ شیخ الحدیث مولوی عبدالحکیم حقانی نے بروز اتوار ملک بھر میں عید الفطر منانے کا اعلان کیا۔انہوں نے عید الفطر کی آمد پر امت مسلمہ اور افغان قوم کو مبارک باد بھی پیش کی۔ واضح رہے کہ سع...

مقبوضہ مغربی کنارے کے قصبے قلقلیہ کے قریب ایک فلسطینی اسرائیلی فوج کی فائرنگ سے شہید ہوگیا۔ عرب نیوز نے فلسطینی وزارت صحت کا حوالہ دیتے ہوئے کہا ہے کہ ہفتے کی صبح مقبوضہ مغربی کنارے میں اسرائیلی فوج کی فائرنگ سے 27 سالہ یحییٰ علی عدوان شہید ہوگیا ہے۔ وزارت نے بتایا کہ یحییٰ علی عدوان کو سینے میں گولی اس وقت لگی جب وہ اور دیگر فلسطینی اسرائیلی فوجیوں کا مقابلہ کر رہے تھے جنہوں نے قلقیلیہ کے قریب عزون نامی علاقے پر حملہ کیا۔ فلسطینی سرکاری میڈیا نے بتایا کہ یحییٰ کی نماز جنازہ میں شرکاء نے مغربی کنارے پر اسرائیلی قبضے اور مقبوضہ مشرقی یروشلم میں مسجد اقصیٰ کے احاطے پر حالیہ چھاپوں کے خلاف نعرے بھی لگائے۔ فلسطینی وزارت خارجہ کے جاری کردہ ایک بیان میں کہا گیا کہ یحییٰ کا قتل مقبوضہ مغربی کنارے میں اسرائیلی انسانی حقوق کی خلاف ورزیوں پر عالمی برادری کی خاموشی کا نتیجہ ہے۔ The post اسرائیلی فوج کی فائرنگ سے ایک فلسطینی شہید appeared first on ایکسپریس اردو . from ایکسپریس اردو » انٹر نیشنل https://ift.tt/VkL4uoy

نئی دہلی:  بھارتی ریاست جھارکھنڈ میں چھے بچوں کے باپ نے اہلیہ کو قتل کرکے خود کو بھی پھانسی لگا لی۔ غیرملکی خبر رساں ادارے کی رپورٹ کے مطابق جھارکھنڈ کے علاقے پاکر میں 38 سالہ شہری نے اپنی بیوی کو بہیمانہ تشدد کا نشانہ بنایا جس کے سبب اس کی موت ہوگئی بعد ازاں ملزم نے خود کشی کی۔ رپورٹ میں بتایا گیا کہ مذکورہ شخص نے گھریلو ناچاکی کی وجہ سے یہ انتہائی قدم اٹھایا، اس واقعے سے قبل میاں بیوی کے درمیان رات گئے لڑائی بھی ہوئی تھی۔ پولیس کا کہنا ہے کہ شہری نے گھر کے پاس ایک درخت پر پھندا لگا کر اپنی جان لی، واقعے کی تحقیقات کررہے ہیں۔ یاد رہے کہ گزشتہ روز ریاست بہار میں ایک شخص نے سرِعام سابق اہلیہ اور بیٹی کو فائرنگ کرکے قتل کیا اور پھر خود کشی کرلی تھی۔ بھارت بھر میں خود کشی کے واقعات میں اضافہ دیکھا گیا ہے۔ The post بھارت میں 6 بچوں کے باپ نے اہلیہ کو قتل کرکے خود کشی کرلی appeared first on ایکسپریس اردو . from ایکسپریس اردو » انٹر نیشنل https://ift.tt/MudOlIm

نئی دہلی:  بھارتی ریاست بہار میں شہری نے سرِعام سابق اہلیہ اور بیٹی کو فائرنگ کرکے قتل کیا اور پھر خود کشی کرلی۔ غیرملکی خبر رساں ادارے کی رپورٹ کے مطابق بہار کے پٹنہ شہر میں راجیو کمار نامی شخص نے راہ چلتی خواتین کو سڑک پر روکا جن میں ایک اس کی سابق اہلیہ اور دوسری کم عمر بیٹی تھی، اس موقع پر تھوڑی بحث ہوئی جس کے بعد شہری نے دونوں کو فائرنگ کرکے موت کے گھاٹ اتارا اور پھر خود کو بھی گولی مار لی۔ پولیس کا کہنا ہے کہ راجیو کمار نے پہلی بیوی سے علیحدگی کے بعد دوسری شادی بھی کرلی تھی لیکن وہ اپنی سابق اہلیہ کو واپس آنے کے لیے دباؤ ڈال رہا تھا نہ ماننے پر اس نے یہ قدم اٹھایا۔ مقامی پولیس نے یہ بھی بتایا کہ مذکورہ خواتین کسی شادی کی تقریب سے واپس آہی تھیں کہ اس دوران فائرنگ کا واقعہ پیش آیا، ملزم کا دماغی توازن بھی ٹھیک نہیں تھا تاہم معاملے کی تفتیش کررہے ہیں، جلد مکمل حقائق سامنے آئیں گے۔ The post بھارت میں شہری نے سرِعام سابق اہلیہ اور بیٹی کو قتل کرکے خود کشی کرلی appeared first on ایکسپریس اردو . from ایکسپریس اردو » انٹر نیشنل https://ift.tt/PYiheDH

ریاض:  سعودی عرب کی سپریم کورٹ نے ملک بھر کے تمام مسلمانوں سے ہفتے کی شام کو چاند دیکھنے کی اپیل کی ہے۔ سرکاری سعودی پریس ایجنسی (SPA) کے مطابق سعودی سپریم کورٹ نے تمام شہریوں سے اپیل کی ہے کہ وہ آنے والے ہفتے کے دن چاند دیکھیں جو کہ شوال کے مہینے کے آغاز اور رمضان کے مقدس مہینے کے اختتام کو ظاہر کرے گا۔ 30 اپریل ان ممالک کے لیے رمضان کا 29 واں دن ہے جنہوں نے 2 اپریل کو رمضان کے پہلے روزے کا مشاہدہ کیا۔ گزشتہ ہفتے متحدہ عرب امارات کے بین الاقوامی فلکیاتی مرکز نے کہا تھا کہ اُن ممالک میں عید الفطر 2 مئی کو ہوگی جہاں رمضان کا مہینہ 2 اپریل کو شروع ہوا تھا۔ فلکیاتی مرکز کا یہ بھی کہنا تھا کہ 30 اپریل کو شوال کا چاند دیکھنا ناممکن ہوگا۔ The post سعودی عرب میں عید کے چاند سے متعلق اہم اعلان appeared first on ایکسپریس اردو . from ایکسپریس اردو » انٹر نیشنل https://ift.tt/Kaw8tV1

 کولکتہ:  بھارت میں مسلمانوں سے مذہبی منافرت کی انتہاء ہوگئی، مغربی بنگال میں متصب ڈاکٹر نے مسلم خاتون کا علاج کرنے سے انکار کردیا۔ بھارتی میڈیا کی رپورٹس کے مطابق بھارتی ریاست مغربی بنگال میں متعصب ڈاکٹر نے علاج کے لیے آئی مسلم حاملہ خاتون کا علاج کرنے سے انکار کردیا جبکہ اسپتال کے عملے نے مریضہ سے ہاتھا پائی بھی کی۔ واقعہ مغربی بنگال کے ندیا ضلع کلیانی کے جے ایم این اسپتال میں پیش آیا جب ایک حاملہ خاتون اور ان کے رشتہ داروں کو صرف اس لئے مارا پیٹا گیا کیونکہ انہیں بنگلہ زبان نہیں آتی ہے اور اردو زبان میں بات چیت کررہے تھے۔ رپورٹس میں کہا گیا ہے کہ مسلم اکثریتی علاقہ کانکی نارہ کے رہنے والے لوگ فریدہ (فرضی نام) نام کی ایک مریضہ کو چیک اپ کے لئے اسپتال لائے تھے۔ چیک اپ کے دودان ڈاکٹر نے مریضہ سے چند سوال کیے۔ جس کا مریضہ نے ہندی میں جواب دیا۔ اسی بات کو لے کر ڈاکٹر مریضہ پر برس پڑی اور کہا کہ جب بنگلہ زبان نہیں آتی ہے تو یہاں نہیں بہار جا کر علاج کروائیں۔ ڈاکٹر کی جانب سے اس طنز پر اسپتال میں ہنگامہ کھڑا ہوگیا، داکٹرز، نرسز سمیت اسپتال کے دیگر عملے نے مریضہ اور اس کی خاتو...

دمشق:  افطار عام کیلئے جمع ہونے والے شامی شہریوں پر داعشی کارندوں نے حملہ کردیا، جس کے نتیجے میں سات افراد لقمہ اجل بن گئے۔ عرب میڈیا کے مطابق خانہ جنگی کا شکار ملک شام کے مشرقی صوبے دیرالزور کے علاقے ابوقصاب میں دہشت گردوں کی جانب نہتے شہریوں پر فائرنگ کا واقعہ پیش آیا ہے جس میں متعدد افراد زخمی بھی ہیں۔ داعشی دہشت گردوں کی جانب سے اس وقت حملہ کیا گیا جب شامی شہری افطار کیلئے ایک مقام پر جمع ہوئے تھے۔ غیرملکی نیوز ایجنسی کا حوالہ دیتے ہوئے عرب نیوز کا کہنا ہے کہ دہشت گرد موٹر سائیکلوں پر سوار تھے جنہوں نے افطار کرنے والوں پر اندھا دھند فائرنگ کردی، فائرنگ کی زد میں آکر 7 افراد جاں بحق اور 4 زخمی ہوگئے۔ میڈیا رپورٹس کے مطابق امریکی فورسز کی کارروائی میں داعشی لیڈر ابوابراہیم القریشی اور اس کے ترجمان کی ہلاکت کے بعد شمال مشرقی شام میں داعش کی دہشت گردانہ کارروائیوں میں اضافہ ہوا ہے۔ لیڈر اور ترجمان کی ہلاکت کے بعد موجودہ ترجمان ابو عمر المہاجر نے انتقامی کارروائیوں کا عندیہ دیا تھا جس کے حالیہ 11 دنوں میں شمال مشرقی شام میں داعش کے 23 دہشت گردانہ حملے ہوچکے ہیں۔   The ...

ادیس ابابا:  ایتھوپیا میں عیسائی انتہاپسندوں کے حملے میں 20 مسلمان جاں بحق جب کہ متعدد زخمی ہوگئے۔ غیر ملکی میڈیا کے مطابق مسلمانوں پر حملے کا تازہ واقعہ افریقہ ملک ایتھوپیا کے ریجن امھارا کے شہر گونڈر میں پیش آیا، جہاں عیسائی انتہاپسندوں نے بزرگ شہری کی نماز جنازہ میں شریک مسلمانوں کا قتل عام کیا۔ امہارا کی اسلامی امور کی کونسل کے صدر سعید محمد کا کہنا ہے کہ قبرستان میں موجود مسلمانوں کے ہجوم پر عیسائی انتہا پسندوں نے بھاری ہتھیاروں اور بمبوں سے حملہ کیا، جس کے نتیجے میں 20 کے قریب کے مسلمان جاں بحق ہوئے جب کہ درجنوں زخمی ہوئے۔ حملے کے بعد حملہ آوروں نے مسلمانوں کی املاک کو لوٹا اور متعدد مساجد کو نذر آتش کیا، انتہاپسندوں کے حملے کا نشانہ بننے والی ایک مسجد میں معمولی نقصان ہوا جب کہ تین مکمل طور پر نذر آتش ہوگئی۔ میڈیا رپورٹس کے مطابق 2019 میں ایتھوپین حکام نے پانچ مشتبہ افراد کو گرفتار کیا تھا جنہوں نے امھارا ریجن کے علاقے موتا میں چار مساجد کو نذر آتش کیا تھا۔ The post ایتھوپیا میں مسلمانوں پر گھات لگاکر حملے؛ 20 افراد جاں بحق appeared first on ایکسپریس اردو . fro...

 ماسکو:  روس نے ملکی کرنسی میں ادائیگی نہ کرنے پر پولینڈ اور بلغاریہ کو گیس کی فراہمی روک دی ہے۔ عالمی خبر رساں ادارے کے مطابق یوکرین پر حملے کرنے کی پاداش میں روس پر اقتصادی اور معاشی پابندیاں عائد کردی گئی ہیں جس کے باعث روسی معیشت کو مسائل کا سامنا ہے۔ روسی حکومت نے معاشی بحران سے نکلنے کے لیے فیصلہ کیا ہے کہ گیس اور دیگر اشیا کی فروخت صرف ملکی کرنسی روبل میں کی جائے جسے کئی یورپی ممالک نے رد کریا ہے جو ڈالر یا یورو میں ادائیگی کرنا چاہتے ہیں۔ روس بھی اپنے فیصلے پر ڈٹ گیا ہے اور جو ممالک روبل میں ادائیگی نہیں کر رہے ہیں انھیں گیس کی فروخت روک دی ہے۔ یوکرین کے حامی پڑوسی ملک پولینڈ کی کمپنی PGNiG نے کہا ہے کہ روسی کمپنی گیس پروم نے گیس کی سپلائی روک دی ہے۔ اسی طرح بلغاریہ کے وزیر توانائی نے بھی شکوہ کیا ہے کہ روسی گیس کمپنی پروم نے بغیر پیشگی اطلاع کے سپائی روک دی ہے۔ بلغاریہ نے بھی روسی کرنسی روبل میں ادائیگی سے انکار کردیا تھا۔ بھارت بھی اُن ممالک میں شامل ہے جس نے پابندی کے باوجود روس سے گیس خریدی اور روسی وزیر خارجہ سرگئی لارووف نے دورۂ بھارت میں خبردار کیا تھا کہ ...

 ماسکو:  اقوام متحدہ کے سربراہ انتونیو گوتریس نے روس میں صدر ولادیمیر پوٹن سے ملاقات کی جس کے دوران یوکرین میں شہریوں کے محفوظ انخلا پر اتفاق کرلیا گیا۔ عالمی خبر رساں ادارے کے مطابق اقوام متحدہ کے سیکرٹری جنرل انتونیو گوتریس روس کے دورے پر پہنچے جہاں انھوں نے پہلے روسی وزیر خارجہ سرگئی لارووف سے ملاقات کی جس کے بعد روسی صدر ولادیمیر پوٹن سے بھی ایک گھنٹے تک یوکرین جنگ پر بات چیت کی۔ دونوں رہنماؤں کے درمیان ہونے والی ملاقات میں جنگ بندی پر بھی گفتگو ہوئی تاہم اس پر اتفاق نہیں ہوسکا البتہ روسی صدر نے یوکرینی شہر ماریوپول کے گیس پلانٹ میں پھنسے افراد کے بحفاظت انخلا پر اتفاق کیا۔ اس حوالے سے اقوام متحدہ کی جانب سے جاری بیان میں کہا گیا ہے کہ مذاکرات میں اس بات پر اتفاق ہوا ہے کہ روسی فوج کے حصار میں ماریوپول کے آزوفسٹال اسٹیل کمپلیکس میں پھنسے لوگوں کے انخلا میں اقوام متحدہ اور ریڈکراس کو کردار ادا کرنا چاہیے۔ یہ خبر پڑھیں :  اقوام متحدہ کے سربراہ روس پہنچ گئے، یوکرین میں جنگ بندی کا مطالبہ   خیال رہے کہ ماریوپول کے ایک گیس پلانٹ کے اندر ایک ہزار شہریوں اور 2 ہزا...

بیجنگ:  چین کا کہنا ہے کہ جامعہ کراچی دھماکے میں ملوث دہشتگردوں کوقیمت چکانا پڑے گی۔ چین کی وزارت خارجہ کے ترجمان کی جانب سے جاری بیان میں جامعہ کراچی دھماکے میں ہلاک افراد کے اہل خانہ سے تعزیت اورہمدردی کا اظہارکیا گیا ۔ چینی وزارت خارجہ کے ترجمان کا کہنا تھا کہ کراچی میں چینی شہریوں کونشانہ بنانے والے دہشتگردوں کوقیمت چکانا پڑے گی۔ چینی شہریوں کا خون رائیگاں نہیں جانا چاہئیے۔ ترجمان کا مزید کہنا تھا کہ چین کے اسسٹنٹ وزیرخارجہ نے چین میں پاکستان کے سفیرکوہنگامی فون کال میں کراچی دھماکے پرشدید تشویش کا اظہارکرتے ہوئے دھماکے میں ملوث دہشتگردوں کی فوری گرفتاری اورپاکستان میں چینی شہریوں کی حفاظت یقینی بنانے کا مطالبہ کیا۔ مستقبل میں ایسے واقعات کو روکنے کے لئے ہرممکن اقدامات کئے جائیں۔ اقوام متحدہ کے سیکریٹری جنرل انتونیوگوتریس نے بھی جامعہ کراچی دھماکے کی مذمت کرتے ہوئے ہلاک افراد کے لواحقین سے ہمدردی اورافسوس کا اظہارکیا۔ The post کراچی دھماکے میں ملوث دہشتگردوں کوقیمت چکانا پڑے گی، چینی وزارت خارجہ appeared first on ایکسپریس اردو . from ایکسپریس اردو » انٹر نیشنل htt...

بنگلور:  بھارتی ریاست کرناٹک میں 12 ویں جماعت کے امتحانات میں 6 طالبات کو حجاب پہننے کی وجہ سے کمرہ امتحان میں داخل ہونے سے روک دیا گیا۔ بھارتی میڈیا کے مطابق ریاست کرناٹک میں 12 ویں جماعت کے امتحانات ہو رہے ہیں اور مسلم دشمن کرناٹک حکومت نے ہائی کورٹ کے فیصلے کو بنیاد بناتے ہوئے باحجاب طالبات کو امتحان دینے سے روک دیا۔ کرناٹک ضلع کے یدگیر میں ایک امتحانی مرکز میں 6 طالبات کو حجاب اتارنے کا حکم دیا گیا تاہم طالبات نے منع کردیا جس پر انتظامیہ نے لڑکیوں کو واپس گھر بھیج دیا۔ یہ خبر بھی پڑھیں :  بھارت کی معروف سماجی کارکن سبری مالا نے اسلام قبول کرلیا   اس سے قبل کرناٹک کے شہر اوڈوپی میں حجاب پر پابندی کے خلاف پٹیشن دائر کرنے والی طالبہ عالیہ اسدی کو بھی ساتھی طالبہ کے ہمراہ امتحان دینے سے روک دیا گیا تھا۔ بھارتیہ جنتا پارٹی کے رہنما نے دھمکی دی ہے کہ اگر ان طالبات نے دوبارہ حجاب پہن کر امتحانی سینٹر یا کالج میں داخل ہونے کی کوشش کی تو توہین عدالت کے تحت کارروائی ہوگی۔ The post کرناٹک میں باحجاب طالبات کو پھر امتحان دینے سے روک دیا گیا appeared first on ایکسپریس اردو ...

مکہ المکرمہ:  تامل ناڈو کی معروف سماجی کارکن سبریمالا جیاکنتھن نے اسلام قبول کرلیا جس کا اعلان انہوں نے مکۃ المکرمہ پہنچ کر کیا۔ سماجی رابطے کی ویب سائٹس پر ان کی ایک ویڈیو وائرل ہورہی ہے جس میں انہیں مسجد الحرام میں کعبہ کے سامنے کھڑے دیکھا جاسکتا ہے اور ویڈیو میں انہوں نے اسلام قبول کرنے کا اعلان کیا۔ بعد ازاں انہوں نے اپنا نام تبدیل کرکے فاطمہ سبریمالا رکھ لیا۔ بعد ازاں انہوں نے سوشل میڈیا پر ایک اور تفصیلی ویڈیو بھی جاری کی جس میں انہوں نے بتایا کہ ’’میں نے خود سے سوال کیا کہ میں مسلمانوں سے اتنی دشمنی کیوں کرتی ہوں اور اس طرح میں نے غیر جانبدار ذہن کے ساتھ قرآن پاک کا مطالعہ شروع کیا‘‘۔ ویڈیو میں انہوں نے کہا کہ ’’مجھے اس طرح حقیقت کی سمجھ آئی اور اب میں اسلام سے بہت زیادہ پیار کرتی ہوں‘‘۔ فاطمہ سبریمالا نے کہا کہ مسلمان ہونا ایک بہت بڑا اعزاز ہے اور مسلمانوں سے مطالبہ کیا کہ وہ سب کو قرآن کا تعارف کروائیں۔ ‘آپ کے ہاتھ میں ایک حیرت انگیز کتاب ہے۔ یہ گھر میں کیوں چھپی ہوی ہے؟ دنیا کو اسے پڑھنا چاہیے‘‘۔     The post بھارت کی معروف سماجی کارکن سبری مالا نے اسلا...

 ماسکو:  روس نے خبردار کیا ہے کہ دنیا کو جوہری جنگ کے امکان کونظرانداز نہیں کرنا چاہیے۔ روس کے وزیرخارجہ سرگئی لاروف نے بیان میں کہا کہ  یہ مصنوعی طورپر خطرہ کھڑا کرنے کی بات نہیں بلکہ جوہری جنگ کا  حقیقی خطرہ موجود ہے۔ ہمیں اسے نظرانداز نہیں کرنا چاہیے۔روسی وزیرخارجہ نے مزید کہا کہ ہم اس خطرے کو کم کرنا چاہتے ہیں۔نیٹو اپنے پراکسی کے ذریعے روس سے جنگ میں مصروف ہے اوراپنے پراکسی کو ہتھیار بھی فراہم کررہا ہے۔ جنگ کا مطلب جنگ ہوتا ہے۔ روس نے 2 ماہ قبل یوکرین پرحملہ کیا تھا اورروسی فوجیں اب بھی یوکرین میں فوجی کارروائی کررہی ہیں۔ یوکرین پرروسی حملے میں اب تک سیکڑوں افراد ہلاک اورزخمی ہوچکے ہیں جبکہ لاکھوں نقل مکانی کرچکے ہیں۔ The post جوہری جنگ کے امکان کو نظرانداز نہیں کرنا چاہیے،روس کی وارننگ appeared first on ایکسپریس اردو . from ایکسپریس اردو » انٹر نیشنل https://ift.tt/X0vntyT

نئی دہلی:  بھارت میں دلت نوجوان انتہاپسندوں کے تشدد سے بچنے کیلئے درجنوں پولیس اہلکاروں کے حصار میں دلہن رخصت کرنے پہنچ گیا۔ غیر ملکی میڈیا کے مطابق پولیس اہلکاروں کے پروٹوکول میں بارات لیجانے کا واقعہ بھارتی ریاست اترپردیش کے بلندشہر میں پیش آیا جہاں ایک دلت نوجوان نے پولیس تھانے میں بارات میں پروٹوکول دینے کی گزارش کی تھی۔ دلت نوجوان کی درخواست پر پولیس کی بھاری نفری نے گھوڑے پر سوار دلہا اور باراتیوں کو اپنے حصار میں لیکر دلہن کے گھر تک پہنچایا۔ دلت نوجوان نے درخواست میں مؤقف اختیار کیا تھا کہ آٹھ ماہ قبل علاقے ایک دلت نوجوان کو گھوڑے پر سوار ہوکر بارات لیجانے پر ٹھاکر برادری نے بدترین تشدد کا نشانہ بنایا گیا جس کے باعث وہ ہلاک ہوگیا تھا۔ نوجوان نے پولیس کو بتایا کہ وہ شدید خوفزدہ ہے کہ اگر گھڑچڑھائی کی رسم کی تو اسے بھی مار دیا جائے گا لہذا پولیس مجھے پروٹوکول دے۔ پولیس نے نوجوان کی خواہش پوری کی اور بارات لیجانے کےلیے بھاری نفری فراہم کی، جس سوشل میڈیا پر وائرل ہونے والی ویڈیو میں دیکھی جاسکتی ہے۔ The post انتہاپسند ہندوؤں کے قاتلانہ حملے کا خوف؛ دلت نوجوان پولیس...

 لندن:  برطانیہ میں چاقو بردار شخص نے ایک گھر میں داخل ہوکر مکینوں پر حملہ کردیا جس کے نتیجے میں 3 خواتین سمیت 4 افراد ہلاک ہوگئے۔ برطانوی میڈیا کے مطابق لندن کے علاقے برمنسی میں ایک گھر میں چار افراد کی لاشیں ملی ہیں جنھیں چاقو کے گہرے وار کرکے قتل کیا گیا ہے۔ پولیس نے سی سی ٹی وی فوٹیجز کی مدد سے ملزم کو گرفتار کرلیا۔ ہلاک ہونے والوں میں 3 خواتین اور ایک مرد شامل ہے۔ مقتولین اور قاتل ایک دوسرے کے واقف کار تھے اس لیے قاتل بآسانی گھر میں داخل ہوگیا تاہم قتل کے محرکات کا تاحال پتہ نہیں چل سکا۔ برطانیہ میں چاقو کے حملوں میں اضافہ ہوا ہے۔ گزشہ برس فروری میں جنوبی لندن میں چاقو سے حملے کے 5 واقعات رونما ہوئے تھے جس پر میئر صادق خان نے تشویش کا اظہار کرتے ہوئے چند اہم فیصلے بھی کیے تھے۔ The post برطانیہ؛ چاقو بردار شخص کے حملے میں 4 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/WUGPgan

 ٹوکیو:  جاپان میں دنیا کی معمر ترین شخصیت کا اعزاز پانے والی کانے تاناکا چند دن کی علالت کے بعد خالق حقیقی سے جا ملیں۔ عالمی خبر رساں ادارے کے مطابق گنیز بک آف ورلڈ ریکارڈ کی جانب سے دنیا کی معمر ترین شخصیت کا اعزاز پانے والی کانے تاناکا جاپان کی مقامی نرسنگ ہوم رہائش پذیر تھیں جہاں آج ان کا انتقال ہوگیا۔ کانے تاناکا 2 جنوری 1903 میں جاپان کے جنوب مغربی علاقے فیوکیوکا میں پیدا ہوئی تھیں وہ جوانی میں نوڈلز اور رائس کیک کی دکان چلاتی تھیں اور 1922 میں شادی کی۔ گنیز بک آف ورلڈ ریکارڈ نے 2019 میں کانے تاناکا کو دنیا کی معمر ترین خاتون کے اعزاز سے نوازا تھا اور انھوں نے اس اعزاز کو اپنی زندگی کا یادگار ترین لمحہ قرار دیا تھا۔ 119 سالہ کانے تاناکا صبح 6 بجے اُٹھ کر لازمی چہل قدمی کرتیں اور دوپہر میں ریاضی کی مشق کرتیں جو ان کا پسندیدہ مضمون تھا۔ اس کے بعد کیلی گرافی بھی کرتیں۔ ایک انٹرویو میں انھوں نے اپنی طویل العمری کا راز واک اور سادہ غذا کو قرار دیا تھا۔ واضح رہے کہ دنیا کا سب سے طویل العمر فرد کا ریکارڈ فرانسیسی خاتون کے پاس ہے جو گینز بُک آف ورلڈ ریکارڈ کے مطابق 1997...

نئی دہلی:  نئی دہلی میں روہنگیا اور بنگلادیشی تارکین وطن مسلمانوں کی دکانوں اور املاک کو مسمار کرنے کے بعد بھارتیہ جنتا پارٹی نے دارالحکومت کے 40 گاؤں کے مسلم نام تبدیل کرنے کے لیے سرگرم ہوگئی ہے۔  کشمیر میڈیا سروس کے مطابق بھارتیہ جنتا پارٹی کے دہلی کے صدر ادیش گپتا مسلمان دشمنی پر مبنی مہم ’’بلڈوزر‘‘ چلا رہے ہیں جس میں روہنگیا اور بنگلادیش سے آئے مسلمان تارکین وطن کی دکانوں اور املاک کو غیر قانونی قرار دیکر مسمار کیا جا رہا ہے۔ ادیش گپتا نے اسی پر بس نہیں کی بلکہ وزیراعلیٰ اروند کجروال سے ایسے 40 گاؤں کے نام تبدیل کرنے کا مطالبہ کیا ہے جن سے اسلام یا مسلمانوں کا تعلق ظاہر ہوتا ہو۔ بی جے پی رہنما نے ان ناموں کو دور غلامی کی یادگار قرار دیا۔ قبل ازیں بھارتیہ جنتا پارٹی نے معروف شہر الہٰ آباد کا نام تبدیل کر کے پریاگراج رکھ دیا گیا تھا۔ بی جے پی رہنما کا مؤقف تھا کہ الہٰ آباد کا پرانا نام پریاگراج ہی تھا جسے دوبارہ بحال کیا گیا ہے۔ بھارت کی حکمراں جماعت بی جے پی نے اپنی سیاست کی بنیاد ہی مسلم دشمنی پر رکھی، گجرات میں مسلم کش فسادات اور بابری مسجد مسمار کی ذمہ دار بھی ...

پیرس:  یورپی ملک فرانس میں ہونے والے صدارتی الیکشن میں ایمانوئیل میکرون دوسری بار پانچ سال کے لیے صدر منتخب ہوگئے ہیں۔ ایمانوئیل میکرون نے خاتون حریف میرین لیپن کو شکست دی۔ انتخابی نتائج کے مطابق ایمانوئیل میکرون نے 57 فیصد جبکہ مخالف امیدوار میرین لی پین نے 43 فیصد ووٹ حاصل کیے۔ ملک بھر میں پولنگ صبح 8 بجے سے شام 7 بجے تک جاری رہی اور 47 ملین سے زیادہ لوگوں نے اپنا حق رائے دہی استعمال کیا۔ فرانس میں 20 سال میں ایمانوئیل میکرون پہلے فرانسیسی صدر ہیں جو دوسری بار منتخب ہوئے۔ میرین لیپن کا تعلق انتہا پسند جماعت سے ہے جس نے موجودہ الیکشن میں اپنی تاریخ کے سب سے زیادہ ووٹ حاصل کیے ہیں، جو اس بات کا اشارہ ہے کہ فرانس میں انتہا پسندی میں اضافہ ہورہا ہے۔ یوں تو ایمانوئیل میکرون نے بھی اپنے اقتدار کے دوران بہت سے اسلام مخالف اقدامات کیے جن میں اس نے توہین آمیز خاکوں کی بھرپور حمایت کی، مسلمانوں پر حجاب نہ پہننے سمیت کئی پابندیاں لگائی گئیں لیکن میرین لیپن خصوصا مسلمانوں کے بارے میں اور زیادہ...

خرطوم:  سوڈان میں دو گروپوں کے درمیان خوفناک تصادم کے نتیجے میں 160 افراد لقمہ اجل بن گئے۔ غیر ملکی میڈیا کے مطابق افریقی ملک سوڈان کے ریجن مغربی دارفور میں غیر عرب اقلیتی گروپ اور حکومتی سرپرستی سرگرمیاں انجام دینے والے عرب گروپ میں خوفناک تصادم ہوا ہے۔ دوطرفہ حملوں کے نتیجے میں جمعے سے اب تک 160 افراد کی ہلاکتوں کی اطلاعات موصول ہوچکی ہیں۔ رپورٹ میں کہا گیا ہے کہ تصادم کا آغاز جمعے کو ہوا جب سوڈان کے عرب جنگجوؤں نے اقلیتی برادری ’مسائلت‘ کے گاؤں پر حملہ کیا اور درجنوں جھوپنڑیوں کو نذر آتش کردیا۔ خیال رہے کہ ڈارفور میں 2003 سے اب تک مسائلت اقلیتی برادری اور عرب نواز حکومت کے درمیان تنازعات کا سلسلہ جاری ہے جس کے نتیجے میں اب تک 3 لاکھ افراد ہلاک اور 25 لاکھ افراد بے گھر ہوچکے ہیں۔ غیر ملکی میڈیا کا کہنا ہے کہ عرب جنگجوؤں کی جانب سے مسائلت برادری کے گاؤں پر حملہ دو قبائلیوں کی ہلاکت کے ردعمل میں کیا گیا تھا۔ The post سوڈان میں دو گروہوں کے مابین تصادم، 160 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/4OIoHiw

 واشنگٹن:  امریکی ریاست نیویارک میں گھر کی گھنٹی شرارتاً بجانے پر شہری نے طیش میں آکر 15 سالہ لڑکے کو گولی مار دی۔ غیرملکی خبر رساں ادارے کی رپورٹ کے مطابق نیویارک کے ساؤتھ ہولڈ نامی علاقے میں کم عمر لڑکوں نے گروپ بنا کر شرارت کرنے کا سوچا اور منصوبہ بنایا کہ وہ رہائشیوں کے گھر کی گھنٹی بلاوجہ بجا کر بھاگ جائیں گے۔ رپورٹ میں بتایا گیا کہ پلان کے مطابق لڑکے جب جیمس نامی 64 سالہ شہری کے گھر کی گھنٹی بجا کر بھاگنے لگے تو اس نے اندر سے ہی فائرنگ کردی جو پندرہ سالہ لڑکے کے بازو پر لگی جس سے وہ زخمی ہوگیا۔ پولیس کا کہنا ہے کہ واقعے کے فوراً بعد متاثرہ لڑکے کو اسپتال منتقل کیا گیا جہاں اس کی حالت خطرے سے باہر ہے جبکہ کارروائی کے نتیجے میں فائرنگ کرنے والے شہری کی گرفتاری عمل میں آگئی ہے جس سے تفتیش کررہے ہیں۔ مقامی پولیس نے یہ بھی بتایا کہ ملزم پر اپنے اسلحے سے بچے کو قتل کرنے کی کوشش کا مقدمہ درج کیا گیا ہے۔ The post امریکا میں شہری نے گھر کی گھنٹی بجانے پر لڑکے کو گولی مار دی appeared first on ایکسپریس اردو . from ایکسپریس اردو » انٹر نیشنل https://ift.tt/YU2y0XA

یروشلم:  اسرائیلی وزارت خارجہ نے کہا ہے کہ یہودیوں کو مسجد اقصی کے احاطے میں عبادت کی اجازت دینے کا کوئی منصوبہ نہیں ہے۔ عالمی میڈیا کے مطابق مسجد اقصی میں اسرائیلی پولیس کی جانب سے مسلم مخالف پرتشدد کارروائیوں کے بعد اسرائیلی وزیر خارجہ ییئر لاپید نے پریس کانفرنس سے خطاب کرتے ہوئے کہا کہ ریاست کا یہودیوں کو مسجد کے احاطے میں عبادت کی اجازت دینے کا کوئی منصوبہ نہیں ہے۔ انہوں نے یہ بھی دعویٰ کیا کہ مسجد اقصیٰ کی جو حیثیت ہے اسرائیل اس کا احترام کرتا ہے۔ وزیر خارجہ نے دوران کانفرنس مسجد اقصیٰ کے لیے یہودی اصطلاح کا استعمال کرتے ہوئے کہا کہ مسلمان Temple Mount پر نماز ادا کرتے ہیں جبکہ غیر مسلم وہاں کا صرف دورہ کرسکتے ہیں، اس میں کوئی تبدیلی نہیں آئے گی۔ ہمارا ٹیمپل ماؤنٹ کو مذاہب کے درمیان تقسیم کرنے کا کوئی منصوبہ نہیں ہے۔ واضح رہے کہ یہودیوں کو الاقصیٰ کمپلیکس کا دورہ کرنے کی اجازت ہے لیکن اس جگہ پر عبادت کرنا ممنوع ہے تاہم رمضان میں جب یہودی اسرائیلی پولیس کی نگرانی میں مسجد اقصی کے احاطے سے گزرے تو انہوں نے اپنی عبادت کے لیے مسجد میں داخل ہونے کا زور و شور سے مطالبہ کرنا شروع ...

تیونس سٹی:  غیر قانونی طور پر اٹلی جانے کی کوشش میں تارکین وطن کی 4 کشتیاں تیونس کے سمندر میں الٹ گئیں جس کے نتیجے میں 12 افراد ہلاک ہوگئے جب کہ 98 کو زندہ بچالیا گیا۔ عالمی خبر رساں ادارے کے مطابق روشن مستقبل کی تلاش میں غیر قانونی طریقے سے اٹلی جانے کی کوشش میں درجن بھر تارکین وطن ڈوب کر ہلاک ہوگئے جب کہ 10 افراد لاپتہ ہیں۔ تیونس کے کوسٹ گارڈ کے ترجمان کا کہنا ہے کہ سمندر سے 98 افراد کو بحفاظت نکال لیا گیا ہے جب کہ 12 لاشیں ملی ہیں۔ 10 افراد اب بھی سمندر میں لاپتہ ہیں۔ اٹلی جانے والی چاروں چھوٹی کشتیوں میں مجموعی طور پر 120 سے زائد افراد سوار تھے۔ جن میں خواتین اور بچے بھی شامل ہیں۔ تیونس حکام کا کہنا ہے کہ گزشتہ برس 20 ہزار سے زائد تارکین وطن کو حراست میں لیا گیا تھا جب کہ 15 ہزار اٹلی پہنچنے میں کامیاب ہوگئے تھے۔ The post تیونس میں تارکین وطن کی کشتیاں الٹ گئیں، 12 ہلاک اور 10 لاپتہ appeared first on ایکسپریس اردو . from ایکسپریس اردو » انٹر نیشنل https://ift.tt/SEjpYxG

بنگلور:  بھارتی ریاست کرناٹک میں حجاب کے بعد اب اذان پر بھی پابندی عائد کرنے کے قانون پر سختی سے عمل درآمد کرانے کا کا فیصلہ کیا گیا ہے جب کہ مسلمانوں کی کاروباری سرگرمیوں پر پہلے ہی قدغن لگائی جا چکی ہے۔ بھارتی میڈیا کے مطابق ریاست کرناٹک میں حکومتی فیصلے کو تسلیم کرتے ہوئے بنگلور ہائی کورٹ نے لاؤڈ اسپیکر پر اذان دینے پر پابندی عائد کرنے کا فیصلہ دیا تھا۔ ہائی کورٹ کے فیصلے کے بعد کرناٹک کی تمام مساجد کو نوٹس بھیجے گئے تھے جس میں حکم دیا گیا تھا کہ لاؤڈ اسپیکر پر اذان نہ دی جائے۔ اس سے دیگر افراد کے کاموں میں خلل پڑتا ہے۔ یہ خبر بھی پڑھیں :  کرناٹک میں حجاب کے بعد مسلمانوں کے کاروبار پر بھی پابندی اس حوالے سے ریاست کے وزیراعلیٰ باساوراج بوممائی نے کہا کہ عدالتی حکم پر فوری طور پر عمل درآمد کرایا جائے گا۔ آئین اور قانون کی پاسداری سب پر لازم ہے۔ مودی سرکاری کی سرپرستی میں کرناٹک ہی وہ ریاست ہے جس نے سب سے پہلے تعلیمی اداروں میں حجاب پر پابندی عائد کی تھی جس پر طالبات کے احتجاج نے اس مسئلے کو عالمی سطح پر اجاگر کیا تھا۔ حجاب پر پابندی کے بعد بھی ریاست کرناٹک میں مسلم...

ابوجہ:  نائیجیریا میں ایک غیر قانونی آئل ریفائنری میں زوردار دھماکے میں 100 افراد ہلاک اور متعدد زخمی ہوگئے۔ عالمی خبر رساں ادارے کے مطابق نائیجیریا کی ریاست ریور میں ایک آئل ریفائنری کے ٹینک زوردار دھماکے سے پھٹ گئے۔ دھماکے کے بعد خوفناک آگ بھڑک اُٹھی جس میں ملازمین بری طرح جھلس گئے۔ فائر بریگیڈ کے عملے نے گھنٹوں کی مشقت کے بعد آگ پر قابو پالیا لیکن اس دوران 100 افراد بری طرح جل کر ہلاک ہوگئے جب کہ متعدد کو زخمی حالت میں اسپتال منتقل کیا گیا۔ تیل سے مالا مال ملک نائیجیریا کی یہ آئل ریفائنری غیر قانونی طور پر تعمیر کی گئی تھی جس میں حفاظتی انتظامات نہ ہونے کے برابر تھے۔ بیروزگاری اور غربت کے شکار ملک نائیجیریا میں شہری کسی بھی ایسی آئل ریفائنری میں کام کرنے پر مجبور ہے جہاں حفاظتی انتظامات اور سہولیات ناپید ہیں۔ واضح رہے کہ یوں تو نائیجیریا تیل سے مالا مال ملک ہے لیکن سیاسی عدم استحکام، کرپشن اور بحرانوں کے باعث بیروزگاری اور غربت کا شکار ہے۔ The post نائیجیریا کی آئل ریفائنری میں خوفناک دھماکا، 100 افراد ہلاک appeared first on ایکسپریس اردو . from ایکسپریس اردو » ...

 سری نگر:  مقبوضہ کشمیر میں بھارتی وزیراعظم نریندر مودی کے جلسہ گاہ سے چند کلومیٹر دور زور دار دھماکا ہوا ہے جس کے بعد علاقے میں سیکیورٹی سخت کردی گئی۔ بھارتی میڈیا کے مطابق جموں کشمیر کے گاؤں لالیانہ میں وزیراعظم نریندر مودی نے عوامی اجتماع سے خطاب کرنا تھا تاہم جلسہ گاہ سے صرف 12 کلومیٹر دوری پر زوردار دھماکا ہوا ہے۔ زوردار دھماکے کی آواز سنتے ہی پولیس کی دوڑیں لگ گئیں اور جلسے کے انتظامات کو روک دیا گیا۔ دھماکے کی جگہ بہت بڑا گڑھا پڑ گیا۔ دھماکے میں کوئی جانی اور مالی نقصان نہیں ہوا۔ یہ خبر پڑھیں :  مودی کا دورہ مقبوضہ کشمیر،قابض بھارتی فورسزنے 3 نوجوانوں کوشہید کردیا   دھماکے کے بعد سیکیورٹی کو مزید سخت کردیا گیا ہے تاہم جلسے کی منسوخی کا تاحال کوئی فیصلہ نہیں ہوسکا ہے۔اس حوالے سے وزیراعظم کا سیکیورٹی اسٹاف مشاورت میں مصروف ہے۔ Jammu | "Suspected blast" reported by villagers in open agricultural land in Lalian village, Bishnah Suspecting it to be a lightning strike or a meteorite; Investigation is underway, say police. pic.twitter.com/6PFaD8hHN0 — ANI ...

 نیویارک:  سیکرٹری جنرل اقوام متحدہ انتونیو گوتریس آئندہ ہفتے روس اور یوکرین کا دورہ کریں گے اور دونوں ممالک کے سربراہان سے ملاقات کریں گے۔ عالمی خبر رساں ادارے کے مطابق روسی فوج کے یوکرین پر حملے دو ماہ سے جاری ہیں۔ ماریپول شہر مکمل طور پر تباہ ہوگیا ہے جب کہ دارالحکومت کیف کے قصبے سے اجتماعی قبر بھی برآمد ہوئی تھی۔ عالمی طاقتوں کی جانب سے روس پر سخت اقتصادی پابندیاں عائد کی گئی ہیں، اس کے باوجود روسی فوج نے حملوں کا سلسلہ بند نہیں کیا جس کے بعد اقوام متحدہ کے سیکرٹری جنرل نے روس اور یوکرین کے دورے کا فیصلہ کیا ہے۔ سیکرٹری جنرل انتونیو گوتریس منگل کے روز روس جائیں گے اور صدر ولادیمیر پوٹن سے ملاقات کریں گے۔ اس کے علاوہ وہ روسی وزیر خارجہ سرگئی لارووف کے ساتھ ظہرانے میں شرکت کریں گے۔ یہ خبر بھی پڑھیں :  روسی فوج کی یوکرین میں کارروائیاں جنگی جرائم تصور کی جا سکتی ہیں، اقوام متحدہ   انتونیو گوتریس کے ترجمان نے میڈیا کو بتایا کہ سیکرٹری جنرل روسی صدر سے ملاقات کے بعد جمعرات کو یوکرین پہنچیں گے اور صدر وولودیمیر زیلنسکی سے ملاقات کریں گے۔ دونوں ممالک کے دورے کے د...

پیرس:  یورپی ملک فرانس میں اگلے صدر کو پانچ سال کے لیے منتخب کرنے کے لیے ووٹنگ کا دوسرا مرحلہ جاری ہے۔ کچھ حتمی پولز کے مطابق فرانس کو موجودہ صدر ایمانوئیل میکرون کو 57.5 فیصد ووٹوں کی واضح برتری حاصل ہے جبکہ مخالف امیدوار میرین لی پین کو اب تک 43.5 فیصد ووٹ ڈالے گئے ہیں۔ دیگر پولز تقریباً 10 پوائنٹس کی برتری کی نشاندہی کرتے ہیں۔ ملک بھر میں پولنگ اسٹیشنز صبح 8 بجے کھلتے اور شام 7 بجے بند ہو جاتے ہیں۔ تقریباً 47 ملین سے زیادہ لوگ اپنا حق رائے دہی استعمال کرنے کے لیے رجسٹرڈ ہیں اور توقع ہے کہ ووٹنگ ختم ہوتے ہی ایگزٹ پول جاری کیے جائیں گے۔ The post فرانسیسی صدر کے انتخاب کیلیے ووٹنگ جاری، ایمانوئیل میکرون کو برتری appeared first on ایکسپریس اردو . from ایکسپریس اردو » انٹر نیشنل https://ift.tt/JQCIXmU

 مظفر آباد:  بھارتی وزیراعظم نریندر مودی آج جموں و کشمیر کا دورہ کر رہے ہیں جس کے خلاف آزاد کشمیر کے مختلف اضلاع میں احتجاج کیا جا رہا ہے۔ کل جماعتی حریت کانفرنس کی کال پر مقبوضہ جموں و کشمیر میں بھی عام ہڑتال کی جا رہی ہے۔ مودی کے متنازع دورے کے خلاف مظفرآباد میں پاسبان حُریت کے زیر اہتمام دھرنا دیا گیا، برہان وانی شہید چوک میں شہریوں کی بڑی تعداد مودی مخالف دھرنے میں شریک ہوئے۔ دھرنے کے شرکاء نے سیاہ پرچم لیے مودی کے دورے کے خلاف احتجاج کیا۔ مظاہرین نے پلے کارڈز اٹھا رکھے تھے جن پر ’’اسٹاپ مودی جموں و کشمیر آزادی چاہتا ہے‘‘ کے نعرے درج تھے جبکہ دھرنے میں شریک مظاہرین ’’گو مودی گو بیک‘‘ کی شدید نعرے بازی کر رہے تھے۔ The post بھارتی وزیراعظم کا دورہ جموں و کشمیر، آزاد کشمیر میں احتجاج appeared first on ایکسپریس اردو . from ایکسپریس اردو » انٹر نیشنل https://ift.tt/zKWZHLi

کیف:  یوکرین کی فضائیہ کا ایک اےاین-26 انتونوو کارگو طیارہ جنوب مشرقی علاقے میں گر کر تباہ ہو گیا جس کے نتیجے میں پائلٹ ہلاک اور عملے کے دو ارکان زخمی ہو گئے۔ عالمی خبر رساں ادارے کے مطابق یوکرین فضائیہ کا تکنیکی پرواز پر مامور کارگو طیارہ پاور لائن سے ٹکرا کر ہچکولے کھاتے ہوئے زمین بوس ہوگیا اور طیارے کے دو ٹکڑے ہوگئے۔ زمین پر گرنے کے بعد طیارے میں آگ بھڑک اُٹھی۔ حادثے میں پائلٹ ہلاک اور عملے کے 2 ارکان زخمی ہوگئے۔ جس علاقے میں طیارہ گر کر تباہ ہوا وہاں جزوی طور پر روسی مسلح افواج کا قبضہ ہے۔ تاہم روسی فوج نے طیارے کو گرانے کی ذمہ داری قبول نہیں کی ہے اور یوکرینی فوج کا کہنا ہے کہ طیارہ پاور لائن سے ٹکرانے کے باعث حادثے کا شکار ہوا۔ Photo from the crash site of the An-26 in the #Zaporozhye region. pic.twitter.com/dBPKUo6lEq — NEXTA (@nexta_tv) April 22, 2022 واضح رہے کہ 24 فروری کو بھی یوکرینی فضائیہ کا طیارہ گر کر تباہ ہوگیا تھا۔ The post یوکرینی فضائیہ کا کارگو طیارہ گر کر تباہ، پائلٹ ہلاک appeared first on ایکسپریس اردو . from ایکسپریس اردو » انٹر ن...

 واشنگٹن:  امریکا نے سازش سے متعلق قومی سلامتی کمیٹی کے بیان کا خیرمقدم کیا ہے۔ امریکی محکمہ خارجہ کی نائب ترجمان جیلینا پورٹر نے میڈیا بریفنگ میں کہا کہ سازش سے متعلق پاکستان کی قومی سلامتی کمیٹی کے اعلامیے کا خیرمقدم کرتے ہیں۔ مزید پڑھیں:  سابق حکومت کے خلاف غیرملکی سازش کے ثبوت نہیں ملے، قومی سلامتی کمیٹی نائب ترجمان کا مزید کہنا تھا کہ امریکا مسلسل یہ کہتا آیا ہے کہ سازش سے متعلق افواہوں میں کوئی صداقت نہیں ہے۔ پاکستان سے دیرینہ تعاون کواہمیت دیتے ہیں۔ مضبوط ، خوشحال اورجمہوری پاکستان امریکی مفادات کے لئے بہت اہم ہے۔ محکمہ خارجہ کی ترجمان نے کہا کہ سازش سے متعلق پاکستان کی قومی سلامتی کمیٹی کے اعلامیے کا خیرمقدم کرتے ہیں۔ The post امریکا کا پاکستانی قومی سلامتی کمیٹی کے سازش سے متعلق اعلامیے کا خیرمقدم appeared first on ایکسپریس اردو . from ایکسپریس اردو » انٹر نیشنل https://ift.tt/v2HpCk8

 ٹوکیو:  جاپان میں ایک ٹیچرکو سوئمنگ پول کا نل 4 مہینے تک کھلا رکھنے کا نتیجہ بھاری بل کی صورت میں بھگتنا پڑا۔ جاپان کے ایک اسکول میں سوئمنگ پول کے انچارج ٹیچرنے جون میں سوئمنگ پول کا نل کھولا جو ستمبر تک مسلسل  کھلا ہی رہا۔ ٹیچر کا خیال تھا کہ سوئمنگ پول میں مسلسل پانی کھلا رکھنے سے سوئمنگ پول کورونا وائرس سے محفوظ رہے گا۔ ٹیچر کو اپنے اندازے کی بھاری قیمت ادا اس وقت ادا کرنا پڑی جب انہیں 27 ہزار ڈالر کا پانی کا بل موصول ہوا۔ کچھ ٹیچرز نے پانی کا نل بند کرنے کی کوشش کی لیکن انچارج نے نل بند نہیں کرنے دیا۔ نل کھلا رہنے سے 2 ماہ میں 4 ہزارٹن  پانی ضائع ہوا جس سے سوئمنگ پول 11 مرتبہ بھرا جاسکتا تھا۔ مقامی تعلیمی بورڈ کے اہلکار کا کہنا تھا کہ عام طورپر کلورین اورفلٹرمشینیں سوئمنگ پول کے پانی کی کوالٹی کوبرقراررکھتے ہیں لیکن ٹیچر کو یہ غلط فہمی ہوگئی کہ سوئمنگ پول میں مسلسل پانی آتا رہے تو پول کورونا سے محفوظ رہے گا۔ The post 4 مہینے تک سوئمنگ پول کا نل کھلا چھوڑنےپرٹیچرکوبھاری بل بھرنا پڑا appeared first on ایکسپریس اردو . from ایکسپریس اردو » انٹر نیشنل https...

مقبوضہ بیت المقدس:  اسرائیل نے مسجد اقصٰی میں نمازجمعہ  ادا کرنے والوں کومنشترکرنے کے لئے ڈرون کے ذریعے آنسو گیس چھوڑ دی۔ عرب میڈیا کے مطابق اسرائیل  نے مسجد اقصٰی میں نماز جمعہ ادا کرنے والے ڈیڑھ لاکھ  نمازیوں پرڈرون کے ذریعے آنسو گیس کی شیلنگ کی جس کے نتیجے میں سیکڑوں نمازیوں کی حالت غیرہوگئی۔ متعدد نمازیوں کو دم گھٹنے کے باعث فیلڈ اسپتال منتقل کیا گیا۔اسرائیلی فوجی اپنی روایتی دہشتگردی کا مظاہرہ کرتے ہوئے مسجد اقصٰی میں گھس گئے اورنمازیوں پرلاٹھی چارج کیا ربرکی گولیاں برسائیں  جس سے متعدد فلسطینی زخمی ہوگئے۔ Watch: Israeli forces use drones to drop tear gas on Palestinian worshipers in the al-Aqsa compound. #AlAqsa #Palestine https://t.co/DvGrqDiUsF pic.twitter.com/r5NtnQjXif — Al Arabiya English (@AlArabiya_Eng) April 22, 2022 دوسری جانب مغربی کنارے میں اسرائیلی مظالم کیخلاف احتجاج کرنے والے مظاہرین اوراسرائیلی فوجیوں کے درمیان جھڑپیں بھی ہوئیں۔ The post اسرائیل کی دہشتگردی،مسجد اقصٰی میں نمازیوں پرڈرون سےآنسوگیس چھوڑدی appeared first on ا...

ریاض:  مدینہ منورہ کی شاہراہ پرعازمین کی بس الٹنے کے نتیجے میں 8 عازمین جاں بحق اور43 زخمی ہوگئے۔ عالمی ادارے ریڈ کریسنٹ کے مدینہ منورہ میں دفترکی جانب سے جاری بیان کے مطابق مدینہ منورہ حجرہ شاہراہ پرعازمین کی بس الٹنے سے 8 عازمین جاں بحق اور43 زخمی ہوگئے۔بس میں 51 عازمین سوارتھے۔ حادثے کی اطلاع ملتے ہی امدادی کارکن جائے حادثہ پرپہنچے اورلاشوں اورزخمیوں کواسپتال منتقل کیا۔ زخمیوں میں سے 3 کی حالت تشویشناک ہے۔سعودی حکام کا کہنا ہے کہ بس حادثے کی وجوہات جاننے کے لئے تحقیقات جاری ہیں۔   The post مدینہ منورہ میں بس  حادثہ،8 عازمین جاں بحق appeared first on ایکسپریس اردو . from ایکسپریس اردو » انٹر نیشنل https://ift.tt/oUBCfDW

 واشنگٹن:  امریکا میں شادی کے مہمانوں کوبھنگ ملا کھانا کھلانے پردلہن اورتقریب کے کیٹرر کوگرفتارکرلیا گیا۔ امریکی ریاست فلوریڈا میں شادی کی ایک تقریب میں مہمانوں کے کھانے میں بھنگ ملانے پردلہن اورکیٹرر کوگرفتارکرلیا گیا۔شادی کی تقریب میں شامل مہمانوں نے پیٹ میں درد اور قے کی شکایت کی تھی اورمتعدد  مہمانوں کو طبیعت خراب ہونے پراسپتال منتقل کیا گیا تھا۔ پولیس نے2 ماہ کی تحقیقات کے دوران  شادی کی تقریب کے کھانے اورمشروبات کے نشہ آورٹیسٹ بھی کروائے تھے جن کی رپورٹس آنے کے بعد دلہن اور کیٹرر کو گرفتارکیا۔دلہن ڈانیا سوبودا اور کیٹرر جوئے سلین برائن کو ملاوٹ ، کوتاہی برتنے اور چرس فراہم کرنے کے الزامات کا سامنا ہے۔ شادی کی تقریب 19 فروری کو فلوریڈا کے شہرلانگ ووڈ میں ہوئی تھی۔ The post مہمانوں کوبھنگ ملا کھانا کھلانے پردلہن گرفتار appeared first on ایکسپریس اردو . from ایکسپریس اردو » انٹر نیشنل https://ift.tt/lQaPtFG

بیجنگ:  کورونا کے بڑھتے ہوئے کیسز کے باعث چین کے شہرشنگھائی میں کورونا کی پابندیاں مزید سخت کردی گئیں۔ غیرملکی خبرایجنسی کے مطابق چین کے شہرشنگھائی میں کورونا کے مریضوں کی تعداد میں اضافے کے بعد لاک ڈاؤن کی پابندیاں مزید سخت کردی گئی ہیں۔حکام کا کہنا ہے کہ کورونا مریضوں اوران سے رابطے میں آنے والوں کو سرکاری قرنطینہ مراکز میں منتقل کیا جائے گا۔ کورونا سے سب سے زیادہ متاثرعلاقوں میں جراثیم کش اسپرے کی مہم کوتیز کیا جائے گا۔ شنگھائی میں پانچ ہفتوں سے لاک ڈاؤن نافذ ہے۔ شہر کے مختلف علاقوں میں عمارتیں خالی کروا کرجراثیم کش دواؤں کا اسپرے بھی کیا گیا تھا۔حکام نے شہریوں کولاک ڈاؤن کی پابندی کرنے اوراحتیاط تدابیراختیار کرنے کی ہدایت کی ہے۔   The post کورونا کےبڑھتے کیسزکے بعد شنگھائی میں لاک ڈاؤن مزید سخت appeared first on ایکسپریس اردو . from ایکسپریس اردو » انٹر نیشنل https://ift.tt/yBgH4wo

نئی دہلی:  بھارت میں حجاب کیخلاف درخواست دائرکرنے والی طالبات کوامتحان میں نہیں بیٹھنے دیا گیا۔ بھارتی میڈیا کے مطابق ریاست کرناٹک میں تعلیمی اداروں میں باحجاب طالبات کے داخلے پرپابندی کیخلاف درخواست دائرکرنے والی دو طالبات کو کالج کے فائنل امتحان میں شرکت سے روک دیا گیا۔ دونوں باحجاب طالبات دیگرطلبا کی طرح جب امتحان دینے کالج پہنچیں تو کالج انتظامیہ نے انہیں کمرہ امتحان میں داخل نہیں ہونےدیا۔برقع پہنی طالبات 45 منٹ تک کالج پرنسپل اوراساتذہ سے امتحان میں بیٹھنے کے لئے اجازت کی درخواست کرتی رہیں لیکن کسی نے ان کی ایک نہ سنی۔ Pro-Hijab Petitioners Not Allowed To Take Class 12 Final Exams In Hijab https://t.co/QQTLdLVY85 pic.twitter.com/X3GUAO0k1p — NDTV (@ndtv) April 22, 2022 کرناٹک میں باحجاب طالبات کے تعلیمی اداروں میں داخلے پرپابندی عائد کی گئی ہے۔ ہندوانتہاپسندوں کی حامی کرناٹک ہائیکورٹ اوربھارتی سپریم کورٹ مسلمان طالبات کی حجاب پرپابندی کیخلاف درخواست رد کرچکی ہیں۔ The post حجاب پرپابندی کیخلاف درخواست دینے والی طالبات کوامتحان نہیں دینے دیا گیا appeared first on ا...

 اسلام آباد /  مظفر آباد:  امریکی کانگریس کی خاتون رکن الہان عمر نے بھارت کے غیر قانونی زیر قبضہ جموں و کشمیر کی موجودہ صورتحال کے بارے میں معلومات کے حصول کیلئے آزاد جموں و کشمیر کا دورہ کیا۔ کشمیر میڈیا سروس کے مطابق الہان عمر نے آزاد جموں و کشمیر کے صدر سلطان محمود سے ملاقات کے بعد پریس کانفرنس سے خطاب کرتے ہوئے کہا کہ امریکی خارجہ امور کی کمیٹی نے اس سے قبل مقبوضہ جموں و کشمیر میں انسانی حقوق کی خلاف ورزیوں کی رپورٹس کی تحقیقات کیلئے سماعتیں کیں اور مودی انتظامیہ کی مسلم دشمنی پر بات کی۔ انہوں نے یقین دلایا کہ کشمیر تنازعہ کو امریکہ میں مستقبل کی سماعتوں میں شامل کیا جائے گا۔ آزاد جموں و کشمیر کے صدر نے کہا کہ پاکستان اور امریکا کے درمیان شاندار تعلقات ہیں اور اس تعلق میں الہان عمر کا دورہ سنگ میل ہو گا۔ The post مسئلہ کشمیر بائیڈن حکومت کے سامنے اٹھاؤں گی، الہان عمر appeared first on ایکسپریس اردو . from ایکسپریس اردو » انٹر نیشنل https://ift.tt/GjS3mJh

سرینگر:  بھارتی وزیراعظم نریندرمودی کے دورہ مقبوضہ کشمیرسے قبل قابض بھارتی فوجیوں کی فائرنگ سے 2کشمیری نوجوان شہید ہوگئے۔ کشمیری میڈیا کے مطابق بھارتی وزیراعظم نریندری مودی کے مقبوضہ جموں وکشمیرکے دورے سے قبل بھارتی فوجیوں نے ریاستی دہشتگردی کا مظاہرہ کرتے ہوئے 2 کشمیری نوجوانوں کوشہید کردیا۔ دونوں نوجوانوں کو مقبوضہ جموں میں سنجوان چھاؤنی کے علاقے میں جمعے کی صبح جعلی مقابلے کے دوران شہید کیا گیا۔ قابض بھارتی فورسزنے شہید نوجوانوں پرالزام عائد کیا کہ وہ دہشتگرد وارداتوں میں ملوث تھے۔ فائرنگ کے بعد بھارتی فورسزنے مختلف علاقوں میں چھاپوں اورناکہ بندی کے دوران متعدد نوجوانوں کوگرفتارکرلیا۔کشمیریوں کومساجد میں  نمازجمعہ کی ادائیگی سے بھی روک دیا گیا ہے۔   The post مودی کا دورہ مقبوضہ کشمیر،قابض بھارتی فورسزنے2 نوجوانوں کوشہید کردیا appeared first on ایکسپریس اردو . from ایکسپریس اردو » انٹر نیشنل https://ift.tt/QYBal21

کیف:  لوگوں کی نقل مکانی سے متعلق اعداد و شمار جمع کرنے والی غیر سرکاری تنظیم نے اپنی رپورٹ میں انکشاف کیا ہے کہ روس حملے کے بعد سے یوکرین سے اب تک 77 لاکھ سے زائد افراد بے گھر ہوچکے یا نقل مکانی کرچکے ہیں۔ بین الاقوامی نیوز ایجنسی رائٹرز کے مطابق یوکرین پر روسی حملے کے بعد سے اب تک جنگ زدہ ملک کی 17 فیصد سے زائد آبادی اپنا گھر، کاروبار و جائیداد چھوڑ کر ہجرت کرچکی ہے۔ غیر سرکاری عالمی تنظیم برائے مہاجرین کے جاری کردہ اعداد و شمار کے مطابق اپریل کے ابتدائی 17 دنوں میں مزید 6 لاکھ افراد سے زائد نے یوکرین میں ہی نقل مکانی کی، جس کے بعد بے گھر ہونے یا نقل مکانی کرنے والے افراد کی تعداد 77 لاکھ سے زائد ہوگئی ہے۔ عالمی تنظیم کی جانب سے حالیہ اعداد و شمار 11 اپریل سے 17 اپریل تک جمع کیے گئے جس سے پتہ چلتا ہے کہ بے گھر ہونے یا نقل مکانی کرنے والوں کی 60 فیصد تعداد خواتین کی ہے۔ رپورٹ میں کہا گیا ہے کہ نقل مکانی کرنے والوں کی نصف تعداد نے یوکرین میں ہی پناہ لی، جن میں سے اکثریت کا تعلق مشرقی یوکرین سے ہے جہاں جنگ کے باعث غذائی قلت پیدا ہوچکی ہے۔ اقوام متحدہ کے اعداد و شمار کے مطابق 2...

کابل:  افغانستان میں طالبان حکومت نے اعلان کیا ہے کہ ویڈیو شیئرنگ ایپ ٹک ٹاک اور پب جی گیم پر پابندی کردی گئی ہے۔ غیر ملکی میڈیا کی رپورٹ کے مطابق حکومتی کابینہ نے اپنے بیان میں کہا ہے کہ یہ موبائل ایپس افغانستان کے نوجوانوں کو سیدھے راستے سے بھٹکا رہی ہیں۔ جس کے باعث وزارت ٹیلی کمیونیکیشن کو انہیں بند کرنے کا حکم دے دیا گیا ہے۔ اس سے قبل افغانستان کے بے دخل کیے گئے سابق صدر اشرف غنی کی حکومت نے بھی پب جی گیم پر پابندی عائد کرنے کی کوشش کی تھی تاہم وہ اس میں ناکام رہے تھے۔ رپورٹ کے مطابق افغانستان میں سوشل میڈیا کے 40 لاکھ صارفین ہیں جن میں فیس بک سب سے مقبول ہے، تین کروڑ 80 لاکھ کے ملک میں محض 90 لاکھ افراد انٹرنیٹ تک رسائی رکھتے ہیں۔ افغانوں میں نہائیت مقبول ہیں۔ سخت گیر طالبان کے گزشتہ سال اقتدار میں آنے کے بعد لوگوں کے پاس تفریح کے بہت کم ذرائع رہ گئے ہیں، کیونکہ انہوں نے موسیقی، فلموں اور ٹی وی ڈراموں پر پابندی عائد کر دی ہوئی ہے۔ واضح رہے کہ ویڈیو شیئرنگ ایپ ٹک ٹاک پاکستان سمیت کئی ممالک میں پابندی کا شکار ہوچکی ہے۔ The post طالبان نے ٹِک ٹاک اور بپ جی پر پابندی لگادی ...

ابوظبی:  متحدہ عرب امارات کی وزارت افرادی قوت نے عید الفطر کی سرکاری تعطیلات کا اعلان کردیا۔ عرب میڈیا کے مطابق متحدہ عرب امارات کی فیڈرل اتھارٹی کی جانب سے عید الفطر پر 30 اپریل 29 رمضان سے 4 مئی تین شوال تک چھٹی کا اعلان کیا گیا ہے۔ ماہرین فلکیات کا کہنا ہے کہ رواں برس عید الفطر دو مئی کو ہوگئی جب کہ چھٹیوں کا آغاز 29 رمضان سے ہوگا تاہم چاند نکلنے کے امکانات 30 رمضان کو ہے۔ ماہرین فلکیات کے پیش کردہ اعداد و شمار کے اعتبار سے اگر چاند 30 تاریخ کو نکلا تو اماراتی شہری عید الفطر پر پانچ روز کی تعطیلات سے لطف اٹھائیں گے۔ واضح رہے کہ ان تعطیلات کا اعلان متحدہ عرب امارات کے وفاقی سرکاری ملازمین کےلیے کیا گیا ہے۔ The post متحدہ عرب امارات میں عید الفطر کی تعطیلات کا اعلان appeared first on ایکسپریس اردو . from ایکسپریس اردو » انٹر نیشنل https://ift.tt/8Mb3Esd

ریاض:  مراکشی نوجوان نے سعودی عرب میں منعقدہ تلاوت قرآن پاک کا مقابلہ جیت کر 13 ڈالرز سے زائد انعامی رقم اپنے نام کرلی۔ عرب میڈیا کے مطابق سعودی حکام کی جانب سے قرآن پاک کو خوش لحن انداز میں پڑھنے کے مقابلوں کا انعقاد کئی برسوں سے کیا جارہا ہے جس میں دنیا بھر سے قاری قرآن شرکت کرتے ہیں انتہائی خوبصورت لحن میں تلاوت قرآن پاک کرتے ہیں۔ رواں برس 80 ممالک سے 40 ہزار قاری قرآن نے شرکت کی، جس میں تمام امیدواروں نے بہترین ادائیگی اور خوش لحانی سے قرآت کی لیکن فاتح کا تاج مراکش کے یونس مصطفیٰ غربی نے اپنے سر سجایا اور 13 لاکھ 30 ہزار ڈالرز کا پہلا انعام جیتا۔ مقابلے میں دوسری پوزیشن برطانیہ کے محمد ایوب آصف نے حاصل کی جنہیں 5 لاکھ 33 ہزار ڈالرز کی انعامی رقم دی گئی، 2 لاکھ 76 ہزار ڈالرز کی تیسری رقم بحرین کے محمد مجاہد نے جیتی جب کہ ایران کے سیّد جاسم موسوی نے چوتھی حاصل کی اور 1 لاکھ 33 ہزار ڈالرز کا انعام جیتا۔ عرب میڈیا کے مطابق مقابلے کے فاتحین کا فیصلہ کرنے والے 13 رکنی بینچ میں مسجد نبوی اور مسجد الحرام کے مؤذن، دنیا کے بہترین قاری قرآن شامل تھے۔ The post مراکشی نوجوان د...

افغانستان کے شہر مزار شریف کی مسجد میں دھماکے سے اب تک پانچ افراد جاں بحق اور کم از کم 65 زخمی ہوگئے۔ افغان میڈیا کے مطابق طالبان کمانڈر محمد آصف وزیری نے بتایا کہ دھماکا اہل تشیع کی مسجد کے اندر ہوا لیکن فی الحال دھماکے کی ذمہ داری کسی نے قبول نہیں کی۔ دھماکے میں زخمی ہونے والے افراد کو فوری اسپتال منتقل کر دیا گیا۔ وزیراعظم پاکستان شہباز شریف نے افغانستان کے شہر مزار شریف کی مسجد میں دھماکے کی شدید مذمت کرتے ہوئے قیمتی انسانی جانوں کے زیاں پر افسوس کا اظہار کیا ہے۔ وزیراعظم کا کہنا تھا کہ پاکستان ہمیشہ سے ہمسایہ ملک افغانستان میں امن کا خواہاں رہا ہے۔ واضح رہے کہ کچھ روز قبل کابل میں اسکول کے باہر تین دھماکے ہوئے تھے جن میں بچوں سمیت 6 افراد جاں بحق اور متعدد زخمی ہوگئے تھے۔ The post افغانستان کے شہر مزار شریف کی مسجد میں دھماکا، پانچ افراد جاں بحق appeared first on ایکسپریس اردو . from ایکسپریس اردو » انٹر نیشنل https://ift.tt/0ZrxnBA

 نیویارک:  بھارتی وزیراعظم کا ہرجگہ اپنی تصویرلگوانے کا شوق امریکا میں مذاق بن گیا۔امریکی شہری کی مودی کا مذاق اڑانے کی ویڈیو سوشل میڈیا پروائرل ہوگئی۔ ویڈیو میں نیویارک کے ایک کلب کے سامنے موجود امریکی شہری اپنے موبائل پرایک سرٹیفیکیٹ لوگوں کودکھاتے ہوئے کہہ رہے ہیں میں کورونا ویکسین سرٹیفکیٹ پریہ تصویردیکھ کرحیران رہ گیا کیونکہ یہ اس شخص کی شکل سے بالکل مختلف تھی جس کا سرٹیفیکیٹ تھا۔ Showed the vaccine certificate outside a Blues club in Manhattan, New York as it was mandatory. The certificate had the picture of Modi. American gentleman who was checking it was totally amazed by the Modi picture in the certificate. Here is what he said: pic.twitter.com/HcNNo3ydYA — Anurag Minus Verma (@confusedvichar) April 21, 2022 امریکی شہری نے مودی کا مذاق اڑاتے ہوئے کہا کہ میں نے کسی پوچھا کہ یہ کون ہے توپتا چلا کہ یہ بھارتی وزیراعظم ہیں۔ اگرایسا ہے تو پھراس سرٹیفیکیٹ پرمودی کی نہیں بلکہ ڈونلڈ ٹرمپ کی تصویرہونا چاہیے۔انہوں نے بھارتی وزیراعظم کو ’مسٹرکووڈ مودی ‘ قراردیا۔ ...

سرینگر:  مقبوضہ کشمیرمیں بھارتی فورسزنے ریاستی دہشتگردی کرتے ہوئے نوجوان کوشہید کردیا۔ کشمیری میڈیا کے مطابق قابض بھارتی فوجیوں نے بارہ مولا کے علاقے میں فائرنگ کرکے نوجوان کوشہید کردیا۔ بھارتی فورسزنے نوجوان کوحریت پسند تنظیم کا کارکن ہونے کا الزام لگا کرجعلی مقابلے میں شہید کیا۔ بھارتی فورسزنے بارہ مولا کا محاصرہ کرلیا اورگھرگھرتلاشی میں متعدد نوجوانوں کوگرفتارکرلیا۔ نوجوان کی شہادت کے بعد بھارتی مظالم کیخلاف احتجاج کرنے والے سیکڑوں افراد پربھارتی فوجیوں نے تشدد کیا جس کے باعث کئی افراد زخمی ہوگئے۔ بارہ مولا اورنواحی علاقوں کا محاصرہ جاری ہے اورموبائل اورانٹرنیٹ سروس بھی بند ہے۔بھارتی فورسزنے لوگوں کوگھروں سے باہر نہ نکلنے کی ہدایت کی ہے۔قابض بھارتی فوج کا نام نہاد آپریشن جاری ہے۔ The post مقبوضہ کشمیرمیں بھارتی فوج کی ریاستی دہشتگردی،نوجوان شہید appeared first on ایکسپریس اردو . from ایکسپریس اردو » انٹر نیشنل https://ift.tt/57q1LB4

 واشنگٹن:  برطانیہ کے شہزادے ہیری کی جانب سے امریکا کواپنا گھرقراردینے پرتنازع کھڑا ہوگیا ہے۔ غیرملکی میڈیا کوانٹرویو میں برطانوی شہزادہ چارلس اورلیڈی ڈیانا کے چھوٹے بیٹے شہزادہ ہیری کا کہنا تھا کہ امریکا ہی اب میرا گھرہے۔ شہزادہ ہیری اپنی اہلیہ میگھن مارکل اوربچوں کے ساتھ امریکا میں رہائش پذیر ہیں۔ شہزادہ ہیری کے بیان پرانہیں برطانوی عوام اورمیڈیا کی جانب سے شدید تنقید کا سامنا ہے اوران کی اپنے ملک سے محبت اوروفاداری کے بارے میں سوالات کئے جارہے ہیں۔ شہزادہ ہیری نے انٹرویو میں اپنے والد شہزادہ چارلس اوربھائی شہزادہ ولیم کی کمی محسوس کرنے سے متعلق سوال کا جواب دینے سے گریزکیا۔ شہزادہ ہیری کا یہ بھی کہنا تھا کہ سیکیورٹی کے مسائل کی وجہ سے ان کا برطانیہ جانا فی الحال ممکن نظرنہیں آتا اس لئے وہ اپنی دادی اورملکہ برطانیہ کی جون میں ہونے والی پلاٹینیم جوبلی کی تقریب میں شرکت نہیں کرسکیں گے۔ The post برطانوی شہزادہ ہیری کا امریکا کواپنا گھرقراردینے پرتنازع appeared first on ایکسپریس اردو . from ایکسپریس اردو » انٹر نیشنل https://ift.tt/O4G2U16

 ماسکو:  روس نے طویل فاصلے تک مار کرنے والے بین البراعظمی جوہری بیلیسٹک میزائل کا تجربہ کیا ہے۔ غیرملکی میڈیا کے مطابق روس نے بین البراعظمی بیلسٹک میزائل  سرمت کا تجربہ کیا ہے۔روس کا نیا میزائل فرانس کے رقبے کے برابر علاقے کوتباہ کرنے کی صلاحیت رکھتا ہے اورریکارڈ 18 ہزارکلومیٹرتک ہدف کونشانہ بنا سکتا ہے۔ روسی وزارت دفاع کا بیان میں کہنا ہے کہ سرمت دنیا کا سب سے طاقتور میزائل ہے جس کی رینج سب سے زیادہ ہے۔نیا میزائل روس کی  اسٹریٹجک نیوکلیئر فورسز کی صلاحیت میں مزید اضافہ کرے گا۔ سرمت دیگر قسم کے وار ہیڈز کے ساتھ ہائپرسونک گلائیڈ گاڑیاں لے جانے کی صلاحیت بھی رکھتا ہے۔ روس کے صدر ولادمیر پیوٹن نے نئے میزائل کوسب سے طاقت ور میزائل اور اسٹریٹیجک اثاثہ قرار دیا ہے۔ امریکی محکمہ دفاع  پینٹاگون کا کہنا ہےکہ روس کا میزائل تجربہ امریکا اور اس کے اتحادیوں کے لیے خطرے کا باعث نہیں۔ The post روس کا بین البراعظمی بیلسٹک میزائل کا تجربہ appeared first on ایکسپریس اردو . from ایکسپریس اردو » انٹر نیشنل https://ift.tt/Ve5WLih

کیف:  روسی فوجیوں کے چیک پوسٹ پر حملے کے دوران یوکرینی سپاہی کے جیب میں رکھے موبائل فون نے ان کی زندگی بچالی۔ عالمی خبر رساں ادارے کے مطابق یوکرین میں روسی حملے تواتر سے جاری ہیں۔ روس نے ایک اور شہر پر قبضے کا دعویٰ کیا ہے جب کہ یوکرینی فوج نے کیف اور لیووف کے کئی علاقوں کا قبضہ واگزار کرا لیا ہے۔ سوشل میڈیا پر وائرل ہونے والی ویڈیو میں دیکھا جا سکتا ہے کہ چیک پوسٹ پر موجود یوکرینی فوج کا ایک اہلکار اپنی جیب سے موبائل فون نکال کر دکھاتا ہے جس میں ایک گولی پھنسی ہوئی ہوتی ہے۔ موبائل فون پر گولی اس وقت لگی تھی جب روسی افواج نے اس چیک پوسٹ پر حملے کے دوران اندھادھند فائرنگ کی تھی۔ اگر یوکرینی اہلکار کی جیب میں موبائل فون نہیں ہوتا تو گولی جان لیوا ثابت ہوسکتی تھی۔ سوشل میڈیا صارفین نے یوکرینی فوج کے سپاہی کی ہمت اور عزم و استقلال کی تعریف کی۔ The post موبائل فون نے یوکرینی سپاہی کی زندگی بچالی، ویڈیو وائرل appeared first on ایکسپریس اردو . from ایکسپریس اردو » انٹر نیشنل https://ift.tt/XwqhIPW

بیجنگ:  چین نے مسلمانوں کی مقدس کتاب قرآن مجید کے نسخوں کو نذر آتش کرنے کے حالیہ واقعے کے بعد سویڈن کو تنقید کا نشانہ بنایا ہے۔ چینی روزنامہ گلوبل ٹائمز کے مطابق چین کی وزارت خارجہ کے ترجمان وانگ وین بِن نے اس افسوسناک واقعے کا حوالہ دیتے ہوئے کہا کہ آزادی اظہار کی آڑ میں ثقافتی یا مذہبی امتیاز کو ہوا دینے یا معاشرے میں انتشار پھیلانے کی کوشش نہیں کرنی چایے۔ وزارت خارجہ کا یہ بھی کہنا تھا کہ ہمیں امید ہے کہ سویڈن مسلمانوں سمیت دیگر اقلیتی گروہوں کے مذہبی عقائد کا بھی احترام کرے گا۔ واضح رہے کہ گزشتہ ہفتے سویڈن میں انتہا پسند دائیں بازو اسٹرام کرس گروپ کے رہنما راسمس پالوڈن نے سویڈن کے جنوبی لنکوپنگ شہر میں قرآن پاک کے ایک نسخے کو جلایا تھا جس کے بعد راسمس نے آئندہ ریلیوں میں بھی اس ناپاک عمل کو دہرانے کی دھمکی دی تھی۔ ترکی، سعودی عرب اور دیگر مسلم ممالک نے واقعے کی مذمت کرتے ہوئے اسے مسلمانوں کے خلاف شدید اشتعال انگیزی قرار دیا ہے۔ The post سویڈن کو مسلمانوں کے عقائد کا احترام کرنا چاہیے، چین appeared first on ایکسپریس اردو . from ایکسپریس اردو » انٹر نیشنل https://ift.t...

کوالا لمپور:  ملائیشیا کے حراستی مرکز کو توڑ کر فرار ہونے کی کوشش میں 6 روہنگیا تارکین وطن جان کی بازی ہار گئے۔ عالمی خبر رساں ادارے کے مطابق میانمار کی فوج کے ظلم و ستم سے بچنے کے لیے مہینوں کا بحری سفر طے کرتے ہوئے ملائیشیا پہنچنے والے تارکین وطن کو حراست میں لے لیا گیا تھا۔ ہزار کے لگ بھگ تارکین وطن کو ملائیشیا کے دور درزا علاقے کے ایک حراستی مرکز میں رکھا گیا تھا۔ حراستی کیمپ میں سیکیورٹی فورس سے تصادم کے دوران 528 افراد فرار ہوگئے۔ پولیس نے فرار ہونے والے روہنگیا تارکین وطن کا تعاقب کیا جس کے دوران 6 افراد کی لاشیں ہائی وے سے ملیں۔ ہلاک ہونے والوں میں 2 خواتین بھی شامل ہیں۔ The post ملائیشیا میں حراستی مرکز سے 500 سے زائد روہنگیا تارکین وطن فرار، 6 ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/8upcF94

ریاض:  سعودی فرمانروا شاہ سلمان بن عبدالعزیز نے تعلیمی اداروں میں عید کی تعطیلات کا آغاز جمعرات سے کرنے کا حکم دیا ہے۔ عالمی خبر رساں ادارے کے مطابق سعودی عرب میں فرمانروا شاہ سلمان بن عبدالعزیز کے حکم کے تحت عید الفطر پر تعلیمی ادارے 21 اپریل سے 7 مئی تک بند رہیں گے۔ قبل ازیں عید الفطر پر تعطیلات کا آغاز 25 اپریل سے ہونا تھیں لیکن سعودی فرمانروا نے تازہ حکم نامے میں تعطیلات کے آغاز کی تاریخ میں تبدیلی کی ہے۔ سعودی عرب میں عمومی طور پر عید کی تعطیلات کا آغاز 21 رمضان سے ہوتا ہے تاکہ آخری عشرے کی طاق راتوں میں عبادت کی سعادت حاصل کرسکیں۔ The post سعودی عرب؛ عید پر تعلیمی اداروں میں 15 روز کی تعطیلات کا اعلان appeared first on ایکسپریس اردو . from ایکسپریس اردو » انٹر نیشنل https://ift.tt/cJyNd4l

 لندن:  برطانوی وزیر اعظم بورس جانسن نے کورونا لاک ڈاؤن کی خلاف ورزی کرتے ہوئے سالگرہ کی تقریب کے انعقاد پر پارلیمنٹ سے معافی مانگ لی۔  عالمی خبر رساں ادارے کے مطابق برطانوی وزیراعظم بورس جانسن نے اپوزیشن ارکان کی جانب سے تحقیقات کی درخواست جمع کرانے کے بعد پارلیمنٹ سے معافی مانگ لی اور وضاحت دی کہ مجھے اندازہ نہیں تھا کہ سالگرہ کی نجی تقریب بھی لاک ڈاؤن کی خلاف ورزی ہے۔ برطانوی وزیراعظم  بورس جانسن نے مزید کہا کہ اب انھیں اپنی غلطی کا احساس ہوگیا ہے۔ مجھے جیسے ہی نوٹس ملا میں نے اپنی غلطی تسلیم کی اور عوام بھی اپنے وزیراعظم سے اس رویے کی امید رکھتے ہیں۔ خیال رہے کہ اپنے ہی نافذ کردہ کورونا لاک ڈاؤن کی خلاف ورزی کے الزامات کو وزیراعظم بورس جانسن مسترد کرتے آئے ہیں تاہم شدید عوامی دباؤ کے بعد فروری میں عوام سے معافی مانگ لی تھی۔ تاہم اپوزیشن نے وزیراعظم بورس جانسن سے مستعفی ہونے کا مطالبہ کرتے ہوئے اُن پر پارلیمنٹ کو گمراہ کرنے کا سنگین الزام عائد کیا تھا اور وزیراعظم کے خلاف کارروائی کے لیے پارلیمنٹ میں تحریک بھی جمع کرائی تھی۔ وزیراعظم بورس جانسن کے خلاف تح...

نئی دہلی:  مودی سرکار نے مسلمان دشمنی کا مظاہرہ کرتے ہوئے سپریم کورٹ کے حکم کے خلاف مسلمانوں کے گھر اور مسجد کے قریب بنی دکانیں گرا دیں۔ بھارتی میڈیا کے مطابق  مقامی انتظامیہ نے چالیس قبل تعمیر کئے گئے مسلمانوں کے گھروں اورمسجد کے گیٹ اور قریب بنی  دکانوں کوتجاوزات قراردیتے ہوئے ان پربلڈوزر چلا دئیے۔ بھارتی سپریم کورٹ نے گھروں اوردکانوں کومسمار نہ کرنے کا حکم دیا تھا۔مسلمانوں کے گھروں اوردکانوں کو مقامی ہندوانتہاپسند رہنماؤں کے حکم پرگرایا جا رہا ہے۔مسلمانوں کو گھروں اوردکانوں سے سامان نکالنے کا بھی موقع نہیں دیا گیا۔ چند روز قبل بھی نئی دہلی میں  ہندوؤں کے مذہبی جلوس میں شریک انتہاپسند ہندوؤں نے مسلمانوں کے علاقوں میں لوٹ مارکی تھی اورمسلمانوں کوتشدد کا نشانہ بنایا تھا۔پولیس نے ہندوحملہ آوروں کوگرفتارکرنے کے بجائے درجنوں مسلمانوں کوگرفتارکیا تھا جواب بھی جیل میں ہیں۔ The post مودی سرکارکا اسلاموفوبیا، نئی دہلی میں مسلمانوں کےگھراوردکانیں مسمار appeared first on ایکسپریس اردو . from ایکسپریس اردو » انٹر نیشنل https://ift.tt/caDwWQ8

کولمبو:  سری لنکا میں حکومت کے خلاف احتجاج کرنے والے مظاہرین پرپولیس کی فائرنگ سے ایک شخص ہلاک اورمتعدد زخمی ہوگئے۔ غیرملکی میڈیا کے مطابق سری لنکا میں سنگین معاشی بحران پرمختلف شہروں میں حکومت کے خلاف احتجاج جاری ہے۔ دارالحکومت کے کولمبو کے نواحی علاقے میں مظاہرین پرپولیس کی فائرنگ سے ایک شخص ہلاک اوردرجنوں زخمی ہوگئے۔ سری لنکا میں بدترین معاشی بحران کا شکار ہے۔ ملک میں دواؤں اورکھانے پینے کی اشیا کی قلت ہوگئی ہے اورایندھن کی کمی کے باعث دس گھنٹے سے زائد لوڈشیڈنگ کی جارہی ہے۔ سری لنکا کی حکومت نے معاشی بحران پرقابو پانے کے لئے آئی ایم ایف سے فوری طورپرقرض فراہم کرنے کی درخواست کی ہے۔ The post سری لنکا میں مظاہرین پرپولیس کی فائرنگ، ایک شخص ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/QxG7I25

کابل:  افغانستان کے دارالحکومت کابل کے ایک ہائی اسکول میں دھماکوں میں 4 افراد ہلاک اور14 زخمی ہوگئے۔ غیرملکی خبرایجنسی کے مطابق افغان دارالحکومت کابل کے ایک ہائی اسکول میں 3 دھماکے ہوئے جس کے نتیجے میں 4 افراد ہلاک اور14 زخمی ہوگئے۔ دھماکوں کے بعد سیکورٹی اہلکاروں نے علاقے کوگھیرے میں لے کرناکہ بندی کردی۔علاقے میں سرچ آپریشن جاری ہے۔ کچھ زخمیوں کی حالت تشویشناک ہے۔ حکام نے ہلاکتوں میں اضافے کا خدشہ ظاہرکیا ہے۔ اب تک کسی تنظیم نے دھماکوں کی ذمہ داری قبول نہیں کی ہے۔   The post کابل کے اسکول میں دھماکے،4 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/7VQGzPW

نئی دہلی:  بھارت میں ایک اورانسانیت سوز واقعہ میں اونچی ذات کے ہندونے دلت لڑکے کواپنے پاؤں چاٹنے پرمجبورکردیا۔ بھارت میں ہندوانتہاپسندوں نے مسلمانوں سمیت اقلیتوں اورنچلی ذات کے لوگوں کا جینا مشکل کردیا۔اترپردیش کے شہر رائے بریلی میں اونچی ذات کے ہندونے دلت لڑکے کواپنے پاؤں چاٹنے پرمجبورکردیا۔ سوشل میڈیا پروائرل ویڈیو میں دلت لڑکے کوکان پکڑ کرزمین پربیٹھے دیکھا جاسکتا ہے۔موٹرسائیکل پربیٹھا انتہاپسند ہندودلت لڑکے کواپنے پاؤں چاٹنے کا حکم دیتا ہے جبکہ اس کے دیگرساتھی ہنستے ہوئے دکھائی دیتے ہیں۔ On Camera: Dalit Boy Assaulted, Forced To Lick Feet In UP's Rae Bareli https://t.co/6zlIaJoe56 NDTV's Alok Pandey reports pic.twitter.com/xee2f2F9GV — NDTV (@ndtv) April 19, 2022 اونچی ذات کے ہندوؤں نے دلت لڑکے پرمنشیات بیچنے کا الزام لگا کرانسانیت سوز سلوک کیا اورلڑکے کوبار بارمعافی مانگنے پرمجبورکرتے رہے۔ پولیس کا کہنا ہے کہ دلت لڑکے کی شکایت پر7افراد کوگرفتارکرلیا گیا ہے۔   The post بھارت میں اونچی ذات کے ہندوؤں کا دلت لڑکے پرظلم،پیرچاٹنے پرمجبورکردیا appeared first ...

 واشنگٹن:  امریکا کا کہنا ہے کہ پاکستان کواہم شراکت دار اورپارٹنر کے طور پردیکھتے ہیں۔ امریکی محکمہ خارجہ کے ترجمان نیڈ پرائس نے میڈیا بریفنگ میں کہا کہ پاکستان سے 75سالہ تعلقات بہت اہمیت کے حامل ہیں۔ پاکستان کواہم شراکت دار پارٹنر کے طورپردیکھتے ہیں۔ انہوں نے مزید کہا کہ علاقائی اورعالمی مسائل پرپاکستان کی نئی حکومت کے ساتھ مل کرکام جاری رکھنا چاہتے ہیں۔ امریکی محکمہ خارجہ کے ترجمان کا کہنا تھا کہ افغانستان پر پاکستان کے ساتھ کام کرتے رہے ہیں اور کرتے رہیں گے خصوصاً ایسے افغانستان کے لیے جو اپنے شہریوں بشمول اقلیتوں، خواتین اور بچیوں کے بنیادی حقوق کی عزت کرے۔ The post عالمی اورعلاقائی مسائل پرپاکستان کی نئی حکومت کیساتھ کام کرنا چاہتے ہیں،امریکا appeared first on ایکسپریس اردو . from ایکسپریس اردو » انٹر نیشنل https://ift.tt/0szdHXP

بیت المقدس:  اسرائیلی پولیس نے آج مسلسل چوتھے روز مسجد اقصیٰ میں داخل ہو کر نمازیوں کو تشدد کا نشانہ بنایا اور انھیں جبری طور پر بیدخل کرکے صحن خالی کروالیا۔ عالمی خبر رساں ادارے کے مطابق اسرائیلی پولیس نے مسجد اقصٰی میں یہودیوں کو عبادت کا موقع دینے کے لیے مسلمان نمازیوں کو جبری طور پر باہر نکال دیا۔ اس امتیازی سلوک پر احتجاج کرنے والے نمازیوں کو تشدد کا نشانہ بنایا گیا اور 18 کو حراست میں لے لیا گیا۔ نماز فجر کے بعد یہودیوں کا ایک گروپ مسجد اقصیٰ میں داخل ہوا اور اس جگہ عبادت کرنی چاہی جو صرف مسلمانوں کے لیے مختص ہے اس پر نمازیوں نے احتجاج کیا تو پولیس بیچ میں آگئی۔ اسرائیلی پولیس نے یہودیوں کو عبادت کرنے کی اجازت دیدی اور مسلمانوں کو مسجد اقصیٰ سے جبری طور پر بیدخل کردیا۔ یہ مسلسل چوتھا روز ہے جب اسرائیلی پولیس نے نمازیوں کو بیدخل کرکے یہودیوں کو عبادت کی اجازت دی۔ مسجد اقصیٰ کے کسٹوڈین اردن اور اسرائیلی حکومت کے درمیان رمضان سے قبل مذاکرات ہوئے تھے اور ماہ مقدس میں مسلمانوں کی بڑی تعداد کی آمد کے امکان پر خصوصی انتظامات اور ضابطہ اخلاق پر اتفاق کیا گیا تھا۔ تاہم اسرائیل ...

ماسکو:  روس نے یوکرین کے شہر لیووف پر میزائل داغے جس کے نتیجے میں 6 افراد ہلاک اور متعدد زخمی ہوگئے۔ عالمی خبر رساں ادارے کے مطابق روس نے یوکرین کے شہر لیووف پر میزائل حملہ کیا۔ حملے میں ایک عمارت مکمل طور پر تباہ ہوگئی جب کہ 6 افراد ہلاک ہوگئے۔ یوکرین کا شہر لیووف یورپی یونین اور نیٹو رکن پولینڈ سے محض 70 کلومیٹر کی دوری پر ہے۔ لیووف کے میئر نے حملے میں 6 افراد کی ہلاکت کی تصدیق کی ہے تاہم مرنے والوں کی شناخت ظاہر نہیں کی۔ روسی فوج نے دعویٰ کیا ہے کہ گزشتہ رات یوکرین کے کئی فوجی ٹھکانوں پر حملے کیے ہیں اور اسلحہ ڈپو تباہ کردیئے گئے جس میں ہلاکت بھی ہوئی۔ ادھر ماریپول میں روسی فوج کے یوکرینی فوج کو ہتھیار ڈالنے کی مہلت ختم ہو رہی ہے تاہم یوکرینی صدر نے کہا ہے کہ ہمت نہیں ہاریں گے اور آخری دم تک لڑتے رہیں گے۔ The post روس کا یوکرین پر میزائل حملہ؛ 6 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/3X2o9Fz

 واشنگٹن:  امریکا میں بے رحم پوتے نے اپنی 82 سالہ دادی کو مہینوں تک فریج میں بند کرکے موت کے گھاٹ اتار دیا۔ میڈیا رپورٹ کے مطابق امریکی ریاست جیورجیا کے علاقے آرموکی میں انتیس سالہ روبرٹ کیتھ ٹنچر نامی پوتے نے معمر خاتون کو شاپر بیگ میں بند کرکے فریج میں رکھا جس کے باعث ان کی موت واقع ہوئی۔ رپورٹ میں بتایا گیا کہ ڈورس نامی ضعیف خاتون دسمبر میں حادثاتی طور پر گھر میں گر زخمی ہوئیں تو پوتے نے بجائے اسپتال لے جانے کے انہیں فریج میں بند کردیا جس سے وہ ہلاک ہوگئیں، پولیس نے ملزم کو گرفتار کرکے قانونی کارروائی شروع کردی ہے۔ ابتدائی طور پر کہا جارہا ہے کہ ٹنچر ذہنی مریض ہے جبکہ پولیس کا کہنا ہے کہ مقتولہ پاؤں پھسلنے کے باعث گری تھیں اور وہ زخمی حالت میں سانس بھی لی رہی تھیں لیکن ملزم نے اسی حالت میں انہیں بڑے سے فریج میں ڈال دیا تھا۔ پولیس نے بتایا کہ خاتون کے اچانک غائب ہونے پر خاندان والوں نے لاپتہ ہونے کی رپورٹ درج کرائی، تحقیقات کے دوران سارا ماجرا کھل کر سامنے آگیا، ملزم نے کہا وہ اپنی دادی سے بہت محبت بھی کرتا تھا۔ The post سفاک پوتے نے دادی کو فریج میں بند کرکے مار ڈالا...

بیجنگ:  چین میں کووڈ کی نئی لہرکے باعث 3 افراد ہلاک ہوگئے۔ غیرملکی خبرایجنسی کے مطابق  چین کے شہرشنگھائی میں کورونا کی نئی لہر سے 3افراد ہلاک ہوگئے۔ شنگھائی میں کورونا وائرس کے پھیلاؤ کوروکنے کے لئے مارچ سے لاک ڈاؤن نافذ ہے۔ شنگھائی کے کمیشن برائے صحت کی جانب سے جاری بیان میں کہا گیا ہے کہ کورونا کی نئی لہرمیں ہلاک ہونے والے تینوں افراد نے ویکسین نہیں لگوائی تھی اوران کی عمریں 89 سے 91 سال کے درمیان تھیں۔ حکام کے مطابق شنگھائی میں 60 سال کی عمر سے زائد صرف 38 فیصد افراد نے کورونا کی ویکسین لگوائی ہے۔شہرمیں بڑے پیمانے پرکورونا ٹیسٹنگ جاری ہے۔ The post چین میں کورونا کی نئی لہرمیں 3 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/XsKgiSo

اسٹاک ہوم:  سوئیڈن میں قرآن پاک کی بے حرمتی کے بعد مختلف شہروں میں احتجاج اورہنگاموں میں متعدد افراد زخمی ہوگئے۔ غیرملکی میڈیا کے مطابق سوئیڈن میں مسلمان دشمن انتہا پسند تنظیم کی جانب کی قرآن پاک کے نسخے جلائے جانے کے بعد مختلف شہروں میں ہنگامے اوراحتجاج کا سلسلہ جاری ہے۔ دائیں بازو کی مسلمان دشمن تنظیم نے سوئیڈن میں ایک مہم کا آغاز کیا ہے جس میں قرآن پاک کے نسخے جلائے جارہے ہیں۔ اس گھناؤنی مہم کیخلاف سوئیڈن کے مختلف شہروں میں مسلمان سراپا احتجاج ہیں۔ قرآن پاک کی بے حرمتی کے خلاف گزشتہ 4 روز سے جاری احتجاج کے دوران پولیس اورمظاہرین میں جھڑپوں میں متعدد افراد زخمی ہوگئے۔ ہنگاموں کے دوران بس سمیت بہت سی گاڑیوں کوآگ لگا دی گئی۔ پولیس نے 30 سے زائد مظاہرین کوگرفتارکرلیا۔ قرآن پاک کی بے حرمتی کے خلاف ایران اورعراق نے سوئیڈن کے سفیرکو طلب کرکے شدید احتجاج کیا جبکہ سعودی عرب نے اس مکروہ واقعہ کی مذمت کی ہے۔ The post سوئیڈن میں قرآن پاک کی بیحرمتی پر احتجاج اورہنگامے appeared first on ایکسپریس اردو . from ایکسپریس اردو » انٹر نیشنل https://ift.tt/gAGn1Br

دسپور:  بھارتی ریاست آسام میں گرج چمک کے ساتھ طوفانی بارشوں نے بڑے پیمانے پر تباہی مچادی جس کے نتیجے میں 14 افراد ہلاک اور متعدد زخمی ہوگئے۔ عالمی خبر رساں ادارے کے مطابق آسام میں طوفان اور مسلسل ہونے والی بارشوں نے نظام زندگی کو مفلوج کرکے رکھ دیا۔ سڑکیں تالاب کا منظر پیش کر رہی ہیں اور بڑی تعداد میں درخت جڑ سے اکھڑ کر گر گئے اور درجنوں گھر تباہ ہوگئے۔ بجلی کے پول اور تاریں گرنے سے تمام بڑے شہر تاریکی میں ڈوب گئے۔ ٹرینوں اور بسوں کی آمد و رفت بھی روک دی گئی۔ اس دوران مختلف واقعات میں ہلاک ہونے والوں کی تعداد 14 ہوگئی جب کہ درجن سے زائد زخمی ہیں۔ اسپتالوں میں ایمرجنسی نافذ کردی گئی ہے اور میونسپل اداروں کو ہنگامی حالات کے تحت تیار رہنے کی ہدایت کی گئی ہے۔ امدادی کاموں کے دوران لاشیں ملنے کا سلسلہ جاری ہے تاہم مسلسل بارشوں کے باعث ریسکیو کا کام معطل کرنا پڑا۔ بھارتی محکمۂ موسمیات نے آسام اور منی پور سمیت دیگر تین ریاستوں میں آئندہ 5 روز تک بارشوں کا سلسلہ جاری رہنے کی پیشن گوئی کی ہے اور شہریوں کو بلا ضرورت گھر سے نہ نکلنے کی ہدایت کی گئی ہے۔ The post بھارت میں طوفانی بار...

تیونس سٹی:  مصر سے مالٹا 750 ٹن ایندھن لے جانے والا بحری جہاز تیونس کے جنوب مشرقی ساحل پر ڈوب گیا۔ عالمی خبر رساں ادارے کے مطابق زیلو نامی بحری جہاز مصر سے مالٹا سیکڑوں ٹن ایندھن لے کر روانہ ہوا تھا۔ تیونس کے ساحل پر بحری جہاز کو انتہائی خراب موسم کا سامنا کرنا پڑا جس پر عملے نے تیونس کے حکام سے ان کی سمندری حدود میں داخلے کی اجازت مانگی تھی۔ بحری جہاز کو اجازت تو مل گئی تاہم خلیج قابس میں ہی جہاز میں پانی داخل ہونا شروع ہو گیا تھا اور اس کا انجن روم بھی پانی سے بھر گیا تھا اور جہاز تیزی سے ڈوبنے لگا۔ خطرے کو بھانپتے ہوئے تیونسی کوسٹ گارڈ نے جہاز کے عملے کو دوسری کشتی میں سوار کرا کر محفوظ مقام پر پہنچا دیا۔ تیونس کے کوسٹ گارڈ کے افسر نے میڈیا کو بتایا کہ اب تک ڈوبنے والے بحری جہاز سے ایندھن کے اخراج کی کوئی اطلاع نہیں ملی۔   The post تیونس میں سیکڑوں ٹن ایندھن لے جانے والا بحری جہاز ڈوب گیا appeared first on ایکسپریس اردو . from ایکسپریس اردو » انٹر نیشنل https://ift.tt/hnMK89r

کیف:  روس نے یوکرین کے شہر ماریوپول کا کنٹرول حاصل کرنے کا دعوی کرتے ہوئے یوکرینی فوج کو شہر میں ہتھیار ڈالنے کا الٹی میٹم دے دیا۔ عالمی خبر رساں ادارے رائٹر کے مطابق یوکرین کے شہر ماریوپول میں روس اور یوکرینی افواج کے درمیان گھمسان کی لڑائی کے بعد یوکرینی افواج دفاع انداز اختیار کرچکی ہے اور روسی افواج کا پلہ بھاری ہے۔ روس کی بمباری سے شہر مارپول کھنڈر کا منظر پیش کررہا ہے اور شہر تقریبا روس کے قبضے میں آچکا ہے۔ ماریوپول کے میئر کا کہنا ہے کہ شہر مکمل طور پر تباہ ہوچکا ہے۔ روس نے یوکرینی افواج کو ماریوپول شہر میں ہتھیار ڈالنے کے لیے اتوار تک کا وقت دیا ہے۔ روسی افواج کا دعویٰ ہے کہ دو ماہ کی گھمسان کی لڑائی کے بعد اب انہیں ایک بڑی کامیابی بندرگاہ کے حامل شہر ماریوپول پر قبضے کی صورت میں مل چکی ہے، شہر پر تقریباً اب ان کا کنٹرول ہے۔ The post روس کا یوکرینی افواج کو ماریوپول شہر میں ہتھیار ڈالنے کا الٹی میٹم appeared first on ایکسپریس اردو . from ایکسپریس اردو » انٹر نیشنل https://ift.tt/U8toPLk

افغانستان کو اپنی جغرافیائی حیثیت کی وجہ سے مغرب، مشرق، شمال اور جنوب کے درمیان ایک پُل کا درجہ حاصل ہے۔ یہ خطہ اپنے قدرتی وسائل، تاریخی نوادرات اور آثارقدیمہ کے لحاظ سے ہمیشہ تاریخ کے ہر دور میں دنیا کی بڑی بڑی طاقتوں اور حملہ آوروں کا مرکز نگاہ رہا اور جو بھی یہاں آیا تو کسی خاص عقیدے یا نظریے کو پھیلانے کی غرض سے نہیں بل کہ افغانستان کے قدرتی وسائل اور قیمتی معدنیات کو لوٹنے کی نیت سے آیا۔ ابتدائی انسانی تاریخ سے لے کر آج تک افغانستان دنیا کی قدیم اور عظیم تہذیبوں اور ثقافتوں کا گہوارہ رہا ہے جس کے آثار اب بھی کسی نہ کسی شکل میں موجود ہیں۔ آج بھی افغانستان کے مختلف علاقوں اور پہاڑوں میں قبل از تاریخ دور کے غاروں میں رہنے والے انسانوں کی زندگی اور بودوباش کے آلات و اوازار اور دیگر باقیات ملتے ہیں جسے آثارقدیمہ کے ماہرین نے پچاس ہزار سالہ قدیم قرار دیا ہے جن میں اس وقت کے آرٹ اور ہنر کے ابتدائی نقش ونگار اور دیگر نمونے آج بھی پہاڑوں کے مختلف غاروں میں پائے جاتے ہیں۔ تحریر کی ایجاد کے ساتھ جمشید بادشاہ نے بلخ میں ایک مضبوط آریائی تمدن کی بنیاد رکھی اس کے بعد زرتشت کے زما...