Dalesman

کراچی:  عالمی ادارہ صحت نے کہا ہے کہ سندھ کے علاقے رتو ڈیرو میں ایڈز کا ہوشربا پھیلاؤ دنیا میں ایک بڑا واقعہ ہے، مرض کے تدارک کے لیے جامع رپورٹ پیش کریں گے۔ رتو ڈیرو سندھ میں ایڈز کے ہوشربا پھیلاؤ کی روک تھام کے لیے کراچی آنے والی عالمی ادارہ صحت (ڈبیلو ایچ او) کی سات رکنی ٹیم نے گورنر سندھ عمران اسماعیل سے ڈاکٹر پلیتھا ماہیپلا ( Mahipala Palitha ) کی قیادت میں گورنر ہاؤس میں ملاقات کی جس میں ایڈز کے حوالے سے بات چیت کی گئی۔ وفد کی سربراہ ڈاکٹر پلیتھا ماہیپلا نے کہا کہ وفاقی حکومت کی جانب سے ایڈز کی روک تھام کے حوالے سے اقدامات قابل ستائش ہیں۔ رکن ڈاکٹر اولیور مورگن کا کہنا تھا کہ سندھ کے علاقہ رتوڈیرو میں ایڈز کا ہوشربا پھیلاؤ دنیا میں ایک بڑا واقعہ ہے۔ ایک اور رکن جومانا ہرمیز نے بتایا کہ ٹیم تین ہفتہ میں اپنی رپورٹ تیار کرکے گورنر سندھ اور وفاقی وزیر صحت کو پیش کرے گی۔ گورنرسندھ عمران اسماعیل نے کہا کہ ایڈز کی تشخیص کے لیے ٹیسٹنگ کٹس، ادویات کی فراہمی اور معاملے کی مانیٹرنگ وفاقی حکومت کررہی ہے، وزیر اعظم پاکستان نے وفاقی وزیر صحت کو واضح ہدایت کردی ہے کہ صوبے...

 کراچی:  عید کے موقع پر بیرون ملک سے وطن آنے والے پاکستانیوں کو جناح ٹرمینل پر کسٹم عملے کے ناروا سلوک کا سامنا کرنا پڑ رہا ہے اور عملے نے ڈیوٹی وصول کرنے کے بجائے سامان ضبط کرنا شروع کردیا۔ ایکسپریس کے مطابق جناح ٹرمینل پر عیدالفطر کے موقع پر پاکستان آنے والے اوورسیز پاکستانیوں کو وطن واپسی پر مشکلات کا سامنا ہے کیونکہ کسٹم کے ائیرپورٹ پر تعینات عملے نے بیرون ملک سے آنے والے مسافروں کو تنگ کرنا شروع کردیا ہے۔ ذرائع کے مطابق چیکنگ کے نام پر مسافروں کے سامان سے مختلف اشیا نکالنے کے واقعات بھی رپورٹ ہورہے ہیں جبکہ بین الاقوامی آمد پر بیرون ملک سے آنے والے مسافروں کو کسٹم کا عملہ لمبی قطاریں لگوا کر چیک کر رہا ہے۔ ذرائع کے مطابق سعودی عرب، دبئی، مسقط سے آنے والے مسافروں کو سب سے زیادہ پریشانی کا سامنا ہے، اس تناظر میں کسٹم کے عملے اور مسافروں کے درمیان تلخ کلامی کے واقعات بھی رونما ہوئے ہیں۔ مسافروں نے الزام عائد کیا ہے کہ ان کے سامان سے نہ صرف بچوں کی چاکلیٹ اور دیگر گھریلو اشیا کو نکالا جارہا ہے بلکہ ہینڈ بیگ میں لائی جانے والی تازہ سبزیوں تک کو ضبط کیا جارہا ہے،مسافروں کے ...

 کراچی:  سینئر صحافی ادریس بختیار علالت کے باعث 74 سال کی عمر میں انتقال کرگئے۔ ادریس بختیار نے اپنے 50 سالہ دور صحافت میں بین الاقوامی اور مقامی ذرائع ابلاغ کے اداروں سے وابستہ رہے۔ ادریس بختیار پاکستان فیڈرل یونین آف جرنلسٹس (پی ایف یو جے) کے صدر بھی رہے۔ ادریس بختیار نے ابتدائی تعلیم حیدرآباد میں مکمل کی اور بعد ازاں انھوں نے اپنی پیشہ ورانہ زندگی کا آغاز کراچی کے ایک اخبار سے کیا۔ وہ طویل عرصے تک بین الاقوامی نشریاتی ادارے بی بی سی کی اردو سروس سے وابستہ رہے۔ The post سینئر صحافی ادریس بختیار انتقال کرگئے appeared first on ایکسپریس اردو . from ایکسپریس اردو » پاکستان http://bit.ly/2KaYMAN

نیویارک سٹی:  سعودی ولی عہد محمد بن سلمان نے نشاہ ثانیہ سے تعلق رکھنے معروف مصور لیونارڈو ڈا ونچی کی ایک پینٹنگ گزشتہ سال 450 ملین ڈالر میں خریدی تھی اب انکشاف ہوا ہے کہ وہ پینٹنگ جعلی ہے۔ بین الاقوامی خبر رساں ادارے کے مطابق محمد بن سلمان نے لیونارڈو ڈا ونچی کی حضرت عیسیٰ علیہ السلام پر مبنی شہرہ آفاق پورٹریٹ 450  ملین ڈالر میں خریدی تھی تاہم ماپرین نے اس پینٹنگ کے جعلی ہونے کا انکشاف کیا ہے۔ یہ پینٹنگ جسے سلویٹر مندی کا نام دیا گیا 1500 عیسوی میں لیونارڈو ڈا ونچی کا عظیم شاہکار تھی، اس پینٹنگ کو 2017ء میں بحال کرکے نیلام کیا گیا، یہ اب تک فروخت ہونے والی سب سے مہنگی پینٹنگ ہے جس کے خریدار کا نام صیغہ راز میں رکھا گیا تاہم کہا جاتا ہے کہ اسے سعودی شہزادے بدر بن عبداللہ نے اپنے ولی عہد کے لیے خریدا۔ مصور لیونارڈو ڈا وانچی پر کام کرنے والے محقق بین لیوائس نے بھی دعویٰ کیا ہے کہ ولی عہد محمد بن سلمان نے قطر کے ولی عہد کی جانب سے پینٹنگ خریدنے میں دلچسپی لینے پر اتنی خطیر رقم کے عوض یہ شاہکار خریدا تاہم معروف محقق نے ولی عہد کو بیچی گئی پینٹنگ کے غیر مصدقہ ہونے کا ب...

کابل:  طالبان جنگجوؤں کے افغان سیکیورٹی فورسز پر دو مختلف حملوں کے باعث 23 اہلکار ہلاک ہوگئے جب کہ طالبان 4 فوجیوں کو اغوا کر کے لے گئے۔ بین الاقوامی خبر رساں ادارے کے مطابق افغانستان کے صوبے غور میں پولیس چیک پوسٹ پر طالبان جنگجوؤں اور سیکیورٹی فورسز کے درمیان جھڑپ میں 18 پولیس اہلکار ہلاک اور 7 زخمی ہوگئے۔ دوسری جانب لوگر صوبے میں بھی طالبان جنگوؤں نے افغان فوج کی چیک پوسٹ پر حملہ کیا جس کے نتیجے میں 5 اہلکار ہلاک اور 4 زخمی ہوگئے، طالبان جنگجو 4 اہلکاروں کو اغوا کر کے بھی لے گئے۔ افغان فوج نے اتحادی افواج کی مدد سے اغوا کیے گئے اہلکاروں کی بازیابی کے لیے علاقے میں سرچ آپریشن شروع کردیا ہے تاہم اب تک کسی اہلکار کی بازیابی کی اطلاع موصول نہیں ہوئی۔ سرچ آپریشن کے دوران سیکیورٹی فورسز کو مزاحمت کا سامنا ہے۔ ادھر افغان طالبان کا مذاکراتی وفد روس کے دارالحکومت ماسکو پہنچ گیا جہاں دہائیوں تک ایک دوسرے سے خونی جنگ کرنے والے سخت حریفوں کے درمیان امن مذاکرات ہونا ہیں۔ روس میں افغان طالبان کو اعلیٰ حکام نے خوش آمدید کہا۔ The post طالبان کے افغان سیکیورٹی فورسز پر دو حملوں میں 23...

کراچی:  کے الیکٹرک نے بجلی کی فی یونٹ قیمت میں 3 روپے 37 پیسے تک اضافہ کردیا۔ فی یونٹ بجلی کے نئے نرخ مقرر کردیئے گئے جس کے تحت 300 سے 700 یونٹ تک 2 روپے 15 پیسے کا اضافہ کردیا گیا ہے اور اب 300 سے 700 یونٹ استعمال کرنے والے صارفین کو فی یونٹ 17 روپے 60 پیسے ادا کرنا ہوں گے۔ نئی قیمتوں میں  700 یونٹس سے زائد  بجلی کے استعمال پر 3 روپے 37 پیسے اضافہ کیا گیا ہے اور  700 سے زائد یونٹ کا فی یونٹ ریٹ 20 روپے 70 پیسے مقرر کیا گیا ہے، نئی قیمتوں کا اطلاق آئندہ ماہ سے ہوگا۔ کے الیکٹرک کے  مطابق اضافے کا اطلاق 300 یونٹ تک بجلی استعمال کرنے والوں پر نہیں ہوگا، 300 یونٹس تک استعمال کرنے والے صارفین کو فی یونٹ 10 روپے 20 پیسے ہی ادا کرنا ہوں گے۔ The post کے الیکٹرک نے بجلی کی قیمتوں میں اضافہ کردیا appeared first on ایکسپریس اردو . from ایکسپریس اردو » پاکستان http://bit.ly/2Kb51Ez

 مظفر آباد:  ایل او سی پر بھارتی فوج کی فائرنگ سے ایک خاتون زخمی ہوگئی۔ پاک فوج کے شعبہ تعلقات عامہ (آئی ایس پی آر) کے مطابق بھارتی فوج نے لائن آف کنٹرول پر راولاکوٹ سیکٹر کی شہری آبادی پر بلااشتعال فائرنگ کی، بھارتی فوج کی فائرنگ سے گاؤں منڈھار کی رہائشی خاتون سفینہ بی بی زخمی ہوگئی، سفینہ بی بی کو طبی امداد کے لئے قریبی صحت مرکز منتقل کردیا گیا ہے۔   The post ایل او سی پر بھارتی فوج کی فائرنگ سے خاتون زخمی appeared first on ایکسپریس اردو . from ایکسپریس اردو » پاکستان http://bit.ly/2Wb1EoD