نئی دہلی: بھارت میں ڈالر کی اونچی پرواز جاری ہے جس سے انڈین روپیہ چاروں شانے چت ہوگیا۔
بھارتی میڈیا کے مطابق ڈالر کے مقابلے انڈین کرنسی کم ترین سطح پر پہنچ گئی۔ ایک ڈالر 83 بھارتی روپیہ کے برابر ہوگیا جس سے ملک میں مہنگائی کا سونامی آئے گا۔ اشیائے ضروریہ پہلے ہی غریب عوام کی دسترس سے باہر ہیں۔
آج بھارتی روپیہ 82.3062 پر کھلنے کے بعد ڈالر کے مقابلے میں 83 روپے میں بند ہوا جو کم ترین سطح ہے۔ بھارتی روپیہ کی مسلسل تنزلی کے باعث ریزرو بینک آف انڈیا نے ڈالر خریدے تاکہ بھارتی روپیہ مستحکم ہوسکے۔
رائٹرز سے بات کرتے ہوئے دو نجی بینکوں کے تاجروں نے بتایا کہ دو پبلک سیکٹر انٹرپرائزز نے تیل کی برآمدات کے لیے بڑی تعداد میں ڈالر مانگے ہیں جس سے روپے کی قدر میں ریکارڈ کمی واقع ہوئی حالانکہ منگل کو مارکیٹ 82.36 بھارتی روپے فی ڈالر پر بند ہوئی تھی۔
خیال رہے کہ کورونا وبا کے آغاز سے بھارتی معیشت مسلسل گراوٹ کا شکار ہے اور عالمی منڈی میں تیل کی قیمتوں میں اضافے سے تیل خریداری کے باعث ملک میں ڈالر کے ذخائر میں کمی کا سامنا بھی ہے۔
The post ڈالرکی اونچی پرواز؛ بھارتی روپیہ کم ترین سطح پر پہنچ گیا appeared first on ایکسپریس اردو.
from ایکسپریس اردو » انٹر نیشنل https://ift.tt/zGalYIO