کیو: امریکی میگزین کیلئے فوٹو شوٹ کروانے پر جنگ زدہ ملک یوکرین کے صدر اور خاتون اوّل تنقید کی زد میں آگئے۔
غیر ملکی میڈیا کے مطابق یوکرین کے صدر ولادیمیر زیلنسکی اور ان کی 44 سالہ اہلیہ اولینا ریلنسکا نے امریکی میگزین ووگ کو خصوصی انٹرویو دیا جس کیلئے اپنے گھر کے علاوہ تباہ شدہ گاڑیوں، عمارتوں اور املاک کے ساتھ فوٹو شوٹ کروایا جو باعث تنقید بنا۔
میگزین کیلئے بنائی تصاویر میں ولادیمیر زیلنسکی اور ان کی اہلیہ کو گھر کے اندر ایک دوسرے کے قریب بیٹھے دکھایا گیا جبکہ دوسری تصویر میں انہوں نے ہاتھ پکڑے ہوئے پوز دیے۔ ایک اور تصویر میں اولینا کو ایک تباہ حال فوجی گاڑی کے ساتھ کھڑے ہوئے دکھایا گیا جبکہ چوتھی تصویر میں اولینا نے ایک عمارت کی سیڑھیوں پر بیٹھ کر تصویر بنوائی۔ اس تصویر کو ووگ میگزین نے یوکرین کی خاتون اول کی “بہادری کی تصویر” قرار دیا اور میگزین کے آن لائن ایڈیشن کا سرورق بھی بنایا۔
“We have no doubt we will prevail.” As the war in Ukraine enters a critical new phase, the country’s First Lady, Olena Zelenska, has become a key player—a frontline diplomat and the face of her nation’s emotional toll. https://t.co/DCXWYnzAsK pic.twitter.com/wcaY5IFGHf — Vogue Magazine (@voguemagazine) July 26, 2022
انٹرویو کیلئے کروائے گئے فوٹو شوٹ کی تصاویر سوشل میڈیا پر وائرل ہوئیں تو یوکرینی شہریوں نے صدر اور خاتون اوّل کو تنقید کا نشانہ بنانا شروع کردیا۔
Massive amount of ukrainian soldiers dying every day, Zelensky : lets have a vogue shooting pic.twitter.com/BrNPYKZYR6
— Levi (@Levi_godman) July 26, 2022
Zelensky and his wife posing for Vogue. The optics are really bad. Terrible. Anyone with half a brain is going to find this photoshoot repellent. But the people with the
flag in their bio will lap it up – this is for them. So very shallow. And very sad.
— Nat (@Arwenstar) July 27, 2022
میڈیا رپورٹس کے مطابق یوکرین کی خاتون اوّل اپریل 2022 میں بھی ووگ میگزین کو خصوصی انٹرویو دے چکی ہیں۔
یوکرین کی خاتون اوّل نے حال ہی میں امریکا کا غیرسرکاری دورہ کیا تھا، اس دوران انہوں نے امریکی کانگریس سے خطاب کیا اور روسی میزائل حملوں میں ہلاک ہونے والے یوکرینی بچوں کی تصاویر بھی دکھائی تاکہ امریکا اتحادیوں کی مزید حمایت لی جاسکے۔
واضح رہے کہ روس نے 24 فروری کو یوکرین پر حملہ کیا۔ اس جنگ میں اب تک مجموعی طور پر12,227 ہلاکتیں ہوئی ہیں، تاہم صدر کے مطابق ہلاکتوں کی اصل تعداد 40,000 سے تجاوز کرگئی ہے اور زخمیوں کی تعداد بھی ہزاروں میں ہے۔
The post جنگ زدہ یوکرین میں صدر اور خاتون اوّل کو میگزین کیلئے فوٹوشوٹ کرانا مہنگا پڑ گیا appeared first on ایکسپریس اردو.
from ایکسپریس اردو » انٹر نیشنل https://ift.tt/mtQ20eP