نئی دہلی: معروف بھارتی گلوکار سدھو موسے والا کے قاتلوں میں سے دو شوٹرز پولیس مقابلے میں مارے گئے۔
بھارتی میڈیا کے مطابق ریاست پنجاب کے گلوکار سدھو موسے والا کے قاتل شوٹرز جگروپ سنگھ اور من پریت سنگھ اتاری بارڈر کے علاقے میں پناہ لیے ہوئے تھے۔
اطلاع ملنے پر پولیس کی خصوصی پارٹی نے چھاپہ مارا جس پر ملزمان نے فائرنگ کردی۔ پولیس اور ملزمان کے درمیان فائرنگ کا تبادلہ جاری رہا۔ اس دوران پولیس نے بیلسٹک وین بھی منگوائی۔
اس کی مدد سے پولیس اے کے 47 کی گولیوں کی برسات میں سے ہوتے ہوئے ملزمان کے ٹھکانے کے نزدیک تک پہنچی۔ 4 گھنٹے جاری رہنے والے مقابلے میں دونوں شوٹرز مارے گئے۔
پہلے جگروپ سنگھ ہلاک ہوا لیکن من پریت عرف منو کوسا نے ایک گھنٹے تک مقابلہ جاری رکھا اور مارا گیا۔ مقابلے میں پولیس کے 3 اہلکار بھی زخمی ہوئے۔ نجی ٹی وی چینل کا ایک کیمرا مین بھی پولیس مقابلے کی فلم بندی کرتے ہوئے گولی لگنے سے زخمی ہوا۔
واضح رہے کہ سدھو موسے والا کو ان کے آبائی گاؤں کے نزدیک 29 مئی کو گولیاں مار کر قتل کردیا گیا تھا۔ گینگسٹر لارنس بشونی، من پریت اور روپا نے اپنے دیگر کارندوں کے ساتھ مل کر گلوکار پر گولیاں برسائی تھیں۔
The post سدھو موسے والا کے قاتلوں میں سے 2 شوٹرز پولیس مقابلے میں ہلاک appeared first on ایکسپریس اردو.
from ایکسپریس اردو » انٹر نیشنل https://ift.tt/36JyM7h