پیانگ یانگ: شمالی کوریا نے بین البراعظمی بیلسٹک میزائل کا تجربہ کیا ہے۔
غیرملکی میڈیا نے جاپان اور جنوبی کوریا کے حکام کے حوالے سے بتایا کہ شمالی کوریا نے بین البراعظمی بیلسٹک میزائل کا تجربہ کیا ہے۔
جاپانی حکام کے مطابق شمالی کوریا کا میزائل فضا میں تقریباً ایک گھنٹے تک رہا اور 1100 کلومیٹر دور جاپان کے جنوب میں سمندر میں گرا۔ شمالی کوریا کا یہ بین البراعظمی بیلسٹک میزائل2017 کے میزائل کے مقابلے میں زیادہ طاقتور ہے جو6 ہزارکلومیٹر سے زیادہ بلندی تک پہنچا۔
اس سے قبل مرتبہ شمالی کوریا نے 2017 میں بین البراعظمی بیلسٹک میزائل کا تجربہ کیا تھا۔
امریکا نے شمالی کوریا کے میزائل تجربے کی مذمت کی ہے۔ وائٹ ہاؤس کی پریس سیکریٹری جین ساکی نے بیان میں تجربے کی مذمت کرتے ہوئے کہا کہ یہ تجربہ اقوام متحدہ کی سلامتی کونسل کی متعدد قراردادوں کی کھلی خلاف ورزی ہے۔تجربے سے خطے میں بلا ضرورت تناؤ میں اضافہ اورصورتحال غیرمستحکم ہونے کا خطرہ ہے۔
The post شمالی کوریا کا بیلسٹک میزائل کا تجربہ appeared first on ایکسپریس اردو.
from ایکسپریس اردو » انٹر نیشنل https://ift.tt/8MIAeSH