Dalesman

 واشنگٹن:  امریکا کا کہنا ہے کہ متحدہ عرب امارات پرحوثی باغیوں کےحملے کے دوران امریکی فورسزنے  پیٹریاٹ میزائل فائر  کئے۔ وائٹ ہاؤس کی پریس سیکریٹری جین ساکی نے میڈیا بریفنگ میں کہا کہ امریکی فورسزنے حوثی باغیوں کی جانب سے بیلسٹک میزائل فائرکرنے کی جوابی کارروائی میں پرزمین سے فضا میں مارکرنے والے پیٹریاٹ میزائل استعمال کئے۔کارروائی متحدہ عرب امارات کی فورسزکے ساتھ مشترکہ طورپرکی گئی۔ پریس سیکریٹری کا مزید کہنا تھا کہ امریکی صدرجوبائیڈن نے وزیردفاع کو متحدہ عرب امارات اورسعودی عرب کوحوثی باغیوں کیخلاف ہرممکن مدد فراہم کرنے کے احکامات دئیے تھے۔ انہوں نے مزید کہا کہ امریکا متحدہ عرب امارات کے ساتھ قریبی رابطے میں ہے اورمل کرکام کررہا ہے۔تمام خطرات کا  متحدہ عرب امارات اوراس کے لوگوں کا تحفظ یقینی بنائیں گے۔ The post متحدہ عرب امارات پرحملے میں حوثی باغیوں کیخلاف پیٹریاٹ میزائل استعمال کئے،امریکا appeared first on ایکسپریس اردو . from ایکسپریس اردو » انٹر نیشنل https://ift.tt/7f0e8rhF3

لبنان نے دعویٰ کیا ہے کہ اس نے حالیہ برس کے سب سے بڑے کریک ڈاؤن میں کم از کم 17 اسرائیلی جاسوس نیٹ ورکس کو بے نقاب اور اس کے وابستہ 21 افراد کو گرفتار کیا ہے۔ غیرملکی خبررساں ادارے ’اے ایف پی‘ کے مطابق قائم مقام وزیر اطلاعات عباس حلبی نے بتایا کہ وزیر داخلہ بسام مولوی نے کابینہ کو آگاہ کیا کہ سیکیورٹی فورسز نے اسرائیل کے لیے کام کرنے والے 17 جاسوسی نیٹ ورکس پر قابو پالیا ہے۔ مزید پڑھیں:  اسرائيل کے 2014 کے بعد پہلی بار لبنان پر فضائی حملے خیال رہے کہ ہمسایہ ممالک لبنان اور اسرائیل ابھی تاحال حالت جنگ میں ہیں۔ عباس حلبی نے اسرائیلی نیٹ ورکس میں کام کرنے والے افراد کی تعداد بتائے بغیر کہا کہ یہ ’مقامی اور علاقائی طور پر‘ کام کرتی ہیں۔ انہوں نے کہا کہ یہ گرفتاریاں لبنان کی اندرونی سیکیورٹی فورسز (آئی ایس ایف) کی جانب سے کی گئی کارروائی کا حصہ تھیں۔ پارلیمنٹ کے اسپیکر نبیہ بیری نے آپریشن کو ’شاندار کامیابی‘ قرار دیا۔ The post لبنان میں اسرائیلی جاسوسی نیٹ ورکس کے 21 افراد گرفتار appeared first on ایکسپریس اردو . from ایکسپریس اردو » انٹر نیشنل https://ift.tt/P6dehvxDi

ابوظبی:  متحدہ عرب امارات  نے حوثی باغیوں کا ایک اورمیزائل حملہ ناکام بناتے ہوئے یمن میں میزائل لانچ کرنے والا پلیٹ فارم تباہ کردیا۔ متحدہ عرب امارات کی وزارت دفاع کی جانب سے جاری بیان کے مطابق جوائنٹ کمانڈ آپریشن میں یمن کے علاقے ال جاف میں  یواے ای پرمیزائل حملوں کے لئے استعمال ہونے والا حوثی باغیوں کا پلیٹ فارم تباہ کردیا گیا۔ پلیٹ فارم سے یواے ای کی جانب بیلسٹک میزائل بھی فائرکیا گیا تھا جسے ہدف سے پہنچنے سے قبل ہی تباہ کردیا گیا۔ میزائل اورمیزائل پلیٹ فارم کوتباہ کرنے کی کارروائی گزشتہ  رات کی گئی۔ UAE MOD Joint Operations Command announces at 00:50 UAE time the destruction of platform for ballistic missile launched from Al-Jawf, Yemen towards UAE. Missile was intercepted at 00:20 by air defences. Video of successful destruction of missile platform and launch site pic.twitter.com/CY1AoAzfrp — وزارة الدفاع |MOD UAE (@modgovae) January 30, 2022 یواے ای کی وزارت دفاع نے ٹوئٹرپرمیزائل لانچ کرنے کے لئے استعمال ہونے والے پلیٹ فارم کوتباہ کرنے کی ویڈیو بھی ...

نئی دہلی:  بھارت کی مغربی ریاست یو پی میں بھارتیہ جنتا پارٹی (بی جے پی) کے امیدواروں کے قافلے کو کالے جھنڈے دکھانے، ان پر کیچڑ پھینکنے کے ایک درجن سے زائد واقعات پیش آئے ہیں۔ دی انڈین ایکسپریس کی رپورٹ کے مطابق بی جے پی کے امیدوار 10 اور 14 فروری کو ہونے والے انتخابات کے سلسلے میں انتخابی مہم پر تھے۔ چھور نامی گاؤں میں 24 جنوری کی شام کو بی جے پی سیوالکھاس کے امیدوار منیندر پال سنگھ پر حملہ ہوا جس کے بعد پولیس نے بی جے پی سے اپنی وفاداری نبھاتے ہوئے شکایت کے بغیر ہی 20 شہریوں جبکہ 65 نامعلوم افراد کے نام ایف آئی آر درج کرلی۔ انہوں نے صحافیوں کو بتایا کہ میں نے کوئی شکایت درج نہیں کرائی ہے حالانکہ میرے پیچھے آنے والی 7 کاروں کو پتھراؤ میں نقصان پہنچا ہے۔ بی جے پی رہنما نے مزید کہا کہ یہ ہمارے ہی لوگ ہیں، میں نے انہیں معاف کر دیا لیکن جمہوریت میں ووٹ مانگنے والوں کے ساتھ ایسے واقعات نہیں ہونے چاہئیں۔ پولیس نے کہا کہ ہم دستیاب ویڈیو فوٹیج کے ذریعے مظاہرین کی شناخت کر رہے ہیں اور ان کے خلاف کارروائی کریں گے۔ واضح رہے کہ بی جے پی نے 2017 کے انتخابات میں مغربی یوپی میں کلین سویپ...

پیانگ یانگ:  عالمی ماہرین کا کہنا ہے کہ شمالی کوریا نے 2017 کے بعد کا سب سے طاقتور ترین میزائل تجربہ کیا ہے۔ عالمی خبر رساں ادارے کے مطابق جنوبی کوریا اور جاپان نے شمالی کوریا پر بیلسٹک میزائل کے تجربے کا الزام عائد کیا ہے جو ان کے بقول مشرقی ساحل پر کیا گیا۔ رواں ماہ شمالی کوریا کی جانب سے یہ ساتواں میزائل تجربہ ہے اور عالمی ماہرین کا دعویٰ ہے کہ دور تک مار کرنے والا یہ شمالی کوریا کا اب تک کا سب سے طاقتور بیلسٹک میزائل تجربہ ہے۔ میزائل کے عالمی تجزیہ کاروں کا کہنا ہے کہ دستیاب ڈیٹا سے یہ تجربہ درمیانی رینج کا بیلسٹک میزائل تجربہ لگتا ہے جو ممکنہ طور پر ہواسونگ-12 میزائل ہے جب کہ دفاعی و جنگی تجزیہ نگار انکت پانڈے نے ٹویٹر پر لکھا کہ شمالی کوریا کا یہ میزائل تجربہ 2017 کے بعد کا سب سے طاقتور تجربہ ہے۔ شمالی کوریا کے حکمراں کم جونگ اُن ملکی دفاع کو مضبوط تر کرنے کے عزم کا اظہار کرتے رہے ہیں اور عالمی پابندیوں کو خاطر میں نہ لاتے ہوئے مسلسل بیلسٹک میزائل تجربات بھی کر رہے ہیں۔ واضح رہے کہ جنوبی کوریا اور سابق امریکی صدر ڈونلڈ ٹرمپ کے ساتھ تاریخی ملاقاتوں اور مذکرات کی ناکامی کے...

جنیوا:  اقوام متحدہ کی ایک رپورٹ میں انکشاف کیا گیا ہے کہ یمن میں جنگ کے لیے حوثی باغیوں نے بڑی تعداد میں جنگجو بچے شامل کیے ہیں اور صرف ڈیڑھ سال میں 2 ہزار بچے ہلاک ہو چکے ہیں۔ عالمی خبر رساں ادارے کے مطابق اقوام متحدہ کی سیکیورٹی کونسل میں پیش کی گئی رپورٹ میں انکشاف کیا گیا ہے کہ حوثی باغیوں نے مساجد، مدارس اور اسکولوں میں جاکر اپنے نظریات کا پرچار کیا اور نوعمر جنگجوؤں کی بھرتی کا عمل شروع کیا تھا۔ اقوام متحدہ کے ماہرین کی ایک رپورٹ میں کہا گیا ہے کہ 7 سال سے جاری جنگ میں حوثی باغیوں کے اکسانے پر ہزاروں بچوں نے جنگی تربیت حاصل کر کے باقاعدہ جنگ میں حصہ لیا اور جنوری 2020 سے مئی 2021 کے دوران تقریباً 2 ہزار نوعمر جنگجو بچے ہلاک ہو چکے ہیں۔ یمن کی جنگ میں حوثی باغیوں کی جانب سے نوعمر لڑکوں کو بھرتی کرنے پر عالمی تنظیمیں پہلے بھی احتجاج کرتی آئی ہیں اور اقوام متحدہ کی ثالثی میں ہونے والے مذاکرات میں بھی یہ نکتہ پہلی ترجیح تھا تاہم مذاکرات بے نتیجہ ثابت ہوئے تھے۔ واضح رہے کہ یمن میں 2014 سے حوثی باغیوں اور سعودی فوجی اتحاد کے درمیان گھمسان کی جنگ جاری ہے جس میں سوا لاکھ ...

روم:  اٹلی کے موجودہ صدر سرجیو ماتاریلا آئندہ 7 برسوں کے لیے بھی بھاری اکثریت سے صدر منتخب ہوگئے۔  عالمی خبر رساں ادارے کے مطابق اٹلی میں ہونے والے صدارتی الیکشن میں موجودہ سربراہ مملکت 80 سالہ سرجیو ماتاریلا نے ایک ہزار نو قانون ساز نمائندوں میں سے 759 کی حمایت حاصل کرکے میدان مار لیا ہے۔ جنوری 2015 میں صدر کا عہدہ سنبھالنے والے سرجیو ماتاریلا اگلے مزید سات برس کے لیے اس عہدے پر کام کرتے رہیں گے۔ وزیراعظم ماریو دراگی نے صدارتی انتخابی عمل کے دوران پیدا ہونے والے سیاسی بحران کے خاتمے کو اطالوی عوام کے لیے خوش آئند قرار دیا ہے۔ صدارتی انتخاب میں ووٹنگ کے آٹھویں مرحلے سے قبل سرجیو ماتاریلا نے کہا تھا کہ مستقبل کے لیے ان کے کچھ اور ارادے ہیں، لیکن ضرورت پڑنے پر وہ ملک کے لیے دستیاب ہوں گے۔ صدر سرجیو ماتاریلا آئندہ ہفتے بدھ یا جمعرات کو صدارتی عہدے کا دوبارہ حلف اٹھائیں گے۔ سرجیو ماتاریلا صدر بننے سے قبل نائب وزیراعظم، وزیر دفاع اور وزیر برائے پارلیمانی امور بھی رہے ہیں۔   The post اٹلی میں 80 سالہ سرجیو ماتاریلا دوبارہ صدر منتخب ہوگئے appeared first on ایکسپریس ار...

ورجینیا:  امریکا میں ایک سابق اسکول ٹیچر کو داعش خواتین کی بٹالین ’’اے کے 47‘‘ کی قیادت کرنے کے الزام میں گرفتار کیا گیا ہے۔  عالمی خبر رساں ادارے کے مطابق امریکی ریاست ورجینیا کے شہر الیگزینڈریا سے ایلیسن فلوک ایکرن نامی 42 سالہ سابق اسکول ٹیچر کو حراست میں لیا گیا ہے۔ گرفتار ہونے والی خاتون پر خواتین اور بچوں کو اے کے 47 چلانے، گرنیڈ اور خودکش بمبار بیلٹ کے استعمال کی تربیت دینے کا الزام ہے۔ الیگزینڈریا کے اٹارنی نے اپنے بیان میں بتایا کہ ایلیسن فلوک ایکرن المعروف اُم محمد الاامریکی اس وقت امریکا کی تمام ریاستوں میں خواتین اور بچوں کی بٹالین کی قیادت کر رہی تھیں اور دہشت گرد تنظیم کو ضروری سامان پہنچاتی تھی۔ ایلیسن فلوک ایکرن کے بارے میں پہلی بار شکایت 2019 میں درج کروائی گئی تھی تاہم اب خاتون کو گرفتار کر کے امریکی عدالت میں پیش کیا گیا جہاں استغاثہ نے الزام عائد کیا کہ ایلیسن فلوک ایکرن امریکا میں ایک کالج اور شاپنگ مال پر حملے کے لیے کچھ افراد کی بھرتی اور منصوبہ بندی کررہی تھی۔ امریکی تفتیشی ادارے ایف بی آئی کی جانب سے جمع کرائے گئے بیان حلفی میں کہا گیا ...

 سری نگر:  مقبوضہ کشمیر میں قابض بھارتی فوج نے نام نہاد سرچ آپریشن کے دوران مزید 5 کشمیری نوجوانوں کو شہید کردیا۔ مقبوضہ جموں و کشمیر میں بھارتی فوجیوں نے اپنی ریاستی دہشت گردی کی تازہ کارروائیوں میں پلوامہ اور بڈگام اضلاع میں 5 کشمیری نوجوانوں کو شہید کر دیا۔ فوجیوں نے ضلع پلوامہ کے علاقے نائرہ میں محاصرے اور سرچ آپریشن کی آڑ میں  4 نوجوانوں کو شہید کیا اور بڈگام کے علاقے چرار شریف میں آپریشن کے دوران ایک نوجوان کو شہید کردیا۔ واضح رہے گزشتہ اتوار کو بھی قابض بھارتی فوج نے ضلع شوپیاں میں سرچ آپریشن کے نام پر داخلی اور خارجی راستوں کو بند کرکے گھر گھر تلاشی لی اور ایک گھر پر اندھا دھند فائرنگ کردی جس کے نتیجے میں 2 کشمیری نوجوان شہید ہوگئے تھے۔ The post بھارتی فوج کی ریاستی دہشت گردی؛ آپریشن کی آڑ میں مزید 5 کشمیری نوجوان شہید appeared first on ایکسپریس اردو . from ایکسپریس اردو » انٹر نیشنل https://ift.tt/zAhyJUiD3

قسط نمبر 1 یہ درست ہے کہ دنیا میں انسانی تہذیبیں بہت قدیم ہیں اور دنیا کے مختلف مقامات پر ایسی تہذیبوں کے آثار قدیمہ دس ہزار سال سے زیادہ قدامت کے ساتھ دریافت ہوئے ہیں جیسے ہمار ے ہاں ہڑپہ موہنجوداڑو اور مہر گڑھ، مگر دنیا کی مستند تاریخ حروف تہجی کی ایجاد کے بعد تقریباً ساڑھے تین ہزار سال پرانی تسلیم کی جاتی ہے، اس تاریخ میں پہلی بنیاد سلطنتوں کی بجائے تہذیبوں کو قرار دیا گیا۔ اگرچہ یہ تہذیبیں بھی سلطنتوں کے قیام سے مربوط ہیں، یہ تہذیبیں مصر، بابل نینوا، یونان، روم، ایران، ہندوستان، چین کی تہذیبیں کہلاتی ہیں اور اِن کے بعد اسلامی تہذیب دنیا میں آئی جو گذشتہ تہذیبوں کے قومی تشخص کے مقابلے میںدین کی بنیاد پر اور پوری عالمی برادری کے لیے تھی اس لیے یہ وقفے وقفے سے عرب، افریقہ، ایشیا، یورپ، ہندوستان اور سنٹرل ایشیا کی قدیم تہذیبوں کی اچھی باتوں کو اپناتی اور برے تصورات کو جھٹلاتی آگے بڑھتی رہی مگر اس پر بھی ملوکیت ’’بادشاہت‘‘ کے فرسودہ نظام نے قبضہ کر لیا۔ 1492 ء یہ وہ سال ہے جب ایک جانب اسپین سے مسلمانوں کے اقتدار کا خاتمہ ہوا تو ساتھ ہی کولمبس نے امریکہ دریافت کر لیا یعنی سولہویں ص...

نئی دہلی:  امریکی اخبار کی رپورٹ میں انکشاف کیا گیا ہے کہ بھارت نے 2017 میں اسرائیل سے ہتھیاروں کی خریداری کے ساتھ جاسوسی کے لئے استعمال ہونے والا سوفٹ وئیر اسپائی وئیرخریدنے کا بھی معاہدہ کیا۔ بھارتی حکومت اوراسرائیل کے ہتھیاروں کی خریدی کے معاہدے میں اسپائی وئیرکی خریداری بھی شامل تھی۔ امریکی اخبار کی رپورٹ میں انکشاف کیا گیا ہے کہ مودی سرکار نے 2017 میں اسرائیل سے اسپائی وئیرپیگاسس خریدنے کا بھی معاہدہ کیا۔ اسپائی وئیرکوسیاسی مخالفین اوردیگرشخصیات کی جاسوسی کے لئے استعمال کیا جانا تھا۔ بھارت نے 2017 میں اسرائیل سے 2 بلین ڈالرزمالیت کے ہتھیاروں کی خریداری کا معاہدہ کیا تھا جس میں جاسوسی کے لئے استعمال ہونے والا اسپائی وئیربھی شامل تھا۔ بھارت اوراسرائیل کی حکومتوں نے اسپائی وئیرکی فروخت کے معاہدے کوعوامی سطح پرتسلیم نہیں کیا ہے۔ کانگریس پارٹی کے رہنما راہول گاندھی نے اسپائی وئیرکی خریداری کے انکشاف پرمودی سرکار کوکڑی تنقید کا نشانہ بناتے ہوئے کہا کہ یہ غداری ہے۔ حکومت نے سیاسی مخالفین، ججز اورعام آدمی کی جاسوسی کے لئے آلات خریدے جوغداری کے مترادف ہے۔ کانگریس نے اسپائی وئیر...

 واشنگٹن:  امریکا میں پل ٹوٹنے سے 10 افراد زخمی ہوگئے۔ غیرملکی خبرایجنسی کے مطابق امریکی شہرپٹس برگ میں پل ٹوٹنے سے 10 افراد زخمی ہوگئے۔ حادثے کے وقت پل پرایک بس اور6گاڑیاں موجود تھیں۔ پل ٹوٹنے سے کچھ گھنٹے  قبل امریکی صدرجوبائیڈن نے علاقے کا دورہ کیا تھا اورمقامی انتظامیہ سے انفرااسٹرکچر اورپلوں کی مرمت پربات کی تھی۔ حکام کے مطابق پل ٹوٹنے کے بعد پل کے نیچے سے گزرنے والی گیس کی لائن بھی لیک ہوگئی جس سے پورے علاقے میں گیس پھیل گئی۔متاثرہ علاقے میں لوگوں کی آمد ورفت کو بند کردیا گیا ہے اورلوگوں کواحتیاط برتنے کی ہدایت کی گئی ہے۔ حکام کا کہنا ہے کہ امریکا میں 45000 پل خستہ حالت میں ہیں جن پرکسی بھی وقت کوئی حادثہ پیش آسکتا ہے۔ مخدوش پلوں میں سے 3000 ریاست پینسلوانیا میں واقع ہیں۔ امریکی صدرجوبائیڈن نے گزشتہ سال نومبرمیں سڑکوں اورپلوں کی مرمت کے لئے 110 بلین ڈالرفراہم کرنے کے بل پردستخط کئے تھے۔ The post امریکا میں پل ٹوٹنے سے 10 افراد زخمی appeared first on ایکسپریس اردو . from ایکسپریس اردو » انٹر نیشنل https://bit.ly/3raWkzg

کیف:  یوکرین کا کہنا ہے کہ روس کے ساتھ اس کے تنازع کے بارے میں مغرب افراتفری نہ پھیلائے۔ یوکرین کے صدر ولاد میر زیلینسکی نے میڈیا سے گفتگومیں کہا کہ حملے کی خبروں نے یوکرین کی معیشت کوخطرے میں ڈال دیا ہے۔ یوکرین کے صدرنے کہا کہ کچھ ممالک کے معزز رہنما یہ کہہ رہے ہیں کہ کل جنگ ہوجائے گی۔یہ افراتفری اورگھبراہٹ پھیلانے والے بیانات  ہمارے ملک کومہنگی پڑیں گی۔ ملک میں عدم استحکام یوکرین کے لئے بڑا خطرہ ہے۔ سفارت کاروں کوواپس بلانے کے اعلان پرتنقید کرتے ہوئے یوکرینی صدرولادمیرزیلینسکی کا کہنا تھا کہ کچھ ملک اپنے سفارتکاروں کوواپس بلا رہے ہیں۔سفارت کارکپتان کی طرح ہوتے ہیں جنہیں ڈوبتے ہوئے جہازسے سب سے آخر میں نکلنا چاہئیے۔ یوکرین ٹائٹینک نہیں ہے اس لئے سفارتکاروں کوواپس بلانا غیرضروری اقدام ہے۔ چند روز قبل امریکا نے یوکرین کے دارالحکومت کیف میں اپنے سفارت خانے سے غیر ضروری سفارتی عملے اور اہل خانہ کو وطن واپس آنے کا حکم دیا تھا۔ امریکی محکمہ خارجہ کا کہنا تھا کہ سفارتی عملے کو واپس بلانے کا فیصلہ روس کی جانب سے یوکرین پر مسلسل حملے کی دھمکیوں کے بعد کیاگیا۔ The post مغرب یوک...

 لندن:  ایک برطانوی شخص کو ہالینڈ میں پاکستانی سیاسی بلاگر کو قتل کرنے کی منصوبہ بندی کرنے کا مجرم پایا گیا ہے۔ غیرملکی خبررساں ادارے ’اے ایف پی‘ کے مطابق جیوری ٹرائل نے سپر مارکیٹ ورکر 31 سالہ محمد گوہر خان کو بلاگر احمد وقاص گورایا کو پاکستان میں قتل کرنے کی سازش کا مجرم قرار دیا۔ جج نے سزا 11 مارچ تک ملتوی کر دی۔ پراسیکیوٹر ایلیسن مورگن نے کہا کہ احمد وقاص گورایا ہالینڈ میں اپنی بیوی اور دو بچوں کے ساتھ رہتا تھا اور ایسا لگتا ہے کہ سوشل میڈیا پر طنزیہ پوسٹس میں پاکستانی حکام کے خلاف بات کرنے پر انہیں نشانہ بنایا گیا۔ مزیدپڑھیں:  آرٹیکل 66 مورگن نے کنگسٹن اپون ٹیمز میں جیوری کو بتایا کہ محمد گوہر خان کو ’پاکستان میں موجود لوگوں میں سے کسی نے سپاری دی‘۔ انہوں مزید کہا کہ 2018  میں احمد وقاص گورایا کو ’ایف بی آئی سے اطلاع ملی تھی کہ انہیں نشانہ بنایا جا سکتا ہے‘۔ احمد وقاص گورایہ ایک دہائی سے زیادہ عرصے سے پاکستان سے باہر مقیم تھے اور انہوں نے مقدمے کی سماعت میں شرکت نہیں کی۔ مشرقی لندن سے تعلق رکھنے والے محمد گوہر خان پر گزشتہ برس جون میں نیدرلینڈز میں احمد وق...

صنعا:  یمن کے شہر مارب میں حوثی باغیوں نے میزائل حملہ کیا جس کے نتیجے میں 5 افراد جاں بحق اور 23 زخمی ہوگئے۔ عالمی خبر رساں ادارے کے مطابق یمن میں سعودی اتحادی افواج اور مسلح حوثی باغیوں کے درمیان گھمسان کی جنگ جاری ہے اور اس بار میدان جنگ شہر مارب ہے۔ سعودی سربراہی میں قائم اتحادی افواج نے مارب شہر میں حوثی باغیوں کو شکست دیکر قبضہ واگزار کرانے کا اعلان کیا ہے تاہم آج پھر شہر میزائل حملوں سے گونجتا رہا۔ سعودی اتحادی افواج کے ترجمان نے دعویٰ کیا ہے کہ شکست خوردہ حوثی باغیوں نے رہائشی علاقوں پر میزائل حملے کیے ہیں جن میں بچوں سمیت 5 افراد جاں بحق اور 23 زخمی ہوگئے۔ واضح رہے کہ یمن میں حوثی باغیوں اور سعودی عرب کی سربراہی میں قائم عسکری اتحاد کے درمیان 2014 سے گھمسان کی جنگ جاری ہے جس میں 1 لاکھ 12 ہزار  ہلاکتیں ہوئیں جب کہ 3 لاکھ سے زائد افراد بے گھر اور 84 ہزار بچے بھوک سے ہلاک ہوگئے. The post یمن میں حوثی باغیوں کے میزائل حملے میں 5 افراد جاں بحق اور 23 زخمی appeared first on ایکسپریس اردو . from ایکسپریس اردو » انٹر نیشنل https://ift.tt/3r8zfgC

تہران:  ایران نے سعودی عرب کو تہران میں سفارتخانہ کھولنے کی پیشکش کی ہے۔ ایران کے وزیر خارجہ امیر عبد الہیان نے بیان میں کہا کہ  سعودی عرب سفارتی تعلقات معمول پرلانا چاہے تو ایران کے دروازے سعودی عرب کے لئے کھلے ہیں۔ ایرانی وزیرخارجہ نے مزید کہا کہ دونوں ممالک باہمی تعلقات بحال کریں اورایک دوسرے کے ملکوں میں سفارت خانے کھولیں۔ سعودی عرب نے کچھ روز قبل ایران کو او آئی سی میں اپنی ذمہ داریاں سنبھالنے کی اجازت دی تھی جس کے بعد ایرانی سفارتکاروں نے سعودی عرب میں  اپنی ذمہ داریاں سنبھالیں تھیں۔ The post ایران کی سعودی عرب کوتہران میں سفارت خانہ کھولنے کی پیشکش appeared first on ایکسپریس اردو . from ایکسپریس اردو » انٹر نیشنل https://ift.tt/3AAoZke

 نیویارک:  اقوام متحدہ کے سیکرٹری جنرل انتونیوگوتریس نے کہا ہے کہ افغانستان میں روزمرہ کی زندگی جہنم بن چکی ہے۔ سلامتی کونسل سے خطاب کرتے ہوئے اقوام متحدہ کے سیکریٹری جنرل انتونیو گوتریس کا کہنا تھاکہ افغانستان میں روزمرہ کی زندگی جہنم بن چکی ہے۔ افغانستان میں امدادی کارروائیاں محدود کرنے والے قوانین معطل کئے جائیں اورعالمی امداد سے سرکاری ورکرز کی تنخواہیں ادا کی جائیں۔ انتونیوگوتریس نے مزید کہا کہ ایسے اصولوں اور شرائط کو معطل کرنے کی ضرورت ہے جو نہ صرف افغانستان کی معیشت بلکہ زندگی بچانے والی کارروائیوں کو بھی محدود کرتے ہیں۔ طالبان دہشتگردی کے خطرات کم کرنے کیلئےعالمی برادری اورسکیورٹی کونسل کےساتھ  مل کر کام کریں۔ The post افغانستان میں معمول کی زندگی جہنم بن چکی ہے، سیکریٹری جنرل اقوام متحدہ appeared first on ایکسپریس اردو . from ایکسپریس اردو » انٹر نیشنل https://ift.tt/3KNk2cQ

تہران:  ایران میں پولیس نے سوشل میڈیا کے لیے خوفناک پرینک ویڈیوز بنانے کے الزام میں 17 طلبا کو گرفتار کرلیا۔ غیرملکی خبررساں ادارے ’رائٹرز‘ کے مطابق پولیس نے بتایا کہ سوشل میڈیا پر اپنے صارفین کی تعداد میں اضافے کے لیے تہران کی سڑکوں پر ’خوف و ہراس‘ پھیلاتے تھے۔ مزیدپڑھیں: جرمنی میں ’خوفناک‘ نظر آنے کیلئے نوجوان نے ہزاروں ڈالر خرچ کردیے علاوہ ازیں ایرانی اخبارات نے رپورٹ کیا کہ ملزمان فرضی قتل اور خودکشی کے منظر کشی کے علاوہ تہران میٹرو میں مسافروں کے چہروں پر کیک بھی پھینک دیا کرتے تھے۔ تہران کے پولیس چیف جنرل حسین رحیمی نے ایرانی اخبار کو بتایا کہ پولیس نے کچھ ایسے افراد کو گرفتار کیا ہے جو لوگوں کے اعصاب اور عوام کے امن و سلامتی سے کھیل کر دارالحکومت کی سڑکوں پر خوفناک فوٹیج بناتے تھے۔ انہوں نے بتایا کہ ہم نے 17 افراد کو گرفتار کیا جنہوں نے ان غیر قانونی کاموں کو سرانجام دیا۔ یہ بھی پڑھیں:  امریکا میں پرینک ویڈیو بنانے والے یوٹیوبر کو ڈاکو سمجھ کر گولی ماردی گئی زیر حراست ایک ملزم نے بتایا کہ میں لوگوں کو خوش کرنا اور اپنے انسٹاگرام پیج پر فالوورز کی تعداد بڑھا...

سانیا:  چین میں ایک افسوسناک واقعے نے پوری قوم کو جھنجھوڑ کر دکھ دیا ہے۔ 17 سال قبل اپنی اولاد کو دوسری فیملی کے ہاتھوں بیچنے والے والدین کے پاس اُن کا بیٹا لوٹ آیا لیکن انہوں نے اُسے اپنانے سے انکار کیا جس پر بیٹے نے دلبرداشتہ ہوکر خودکشی کرلی۔ بین الاقوامی میڈیا کے مطابق لیو زیژو نے چین کے شہر سانیا میں ساحل سمندر پر خودکشی کی۔ اپنی موت سے پہلے لیو نے 10،000 الفاظ پر مبنی خودکش نوٹ بھی سوشل میڈیا پر پوسٹ کیا تھا۔ لیو نے سوشل میڈیا پر اپنے سگے والدین کو تلاش کرنے کے مشن سے متعلق پوسٹ شیئر کی تھی جس کے بعد ان کے فالوورز 1 لاکھ سے زیادہ ہوگئے تھے۔ لیو نے صارفین کو بتایا تھا کہ وہ 2004 اور 2006 کے درمیان پیدا ہوئے۔ والدین نے انہیں دوسری فیملی کے ہاتھوں بیچ دیا تھا تاہم جب وہ 4 سال کے تھے تو اُن کے رضاعی والدین آتش بازی کے دوران پیش آئے ایک حادثے میں ہلاک ہوگئے۔ لیو کے اپنے اصل والدین کی تلاش کے مشن کی خبر مقامی پولیس کو بھی پہنچی جس کے بعد پولیس نے ڈی این اے ٹیسٹ کی مدد سے لیو کو اُن کے والدین کا پتہ دیا۔ دسمبر میں لیو نے پوسٹ شیئر کی کہ انہوں نے اپنے والدین کو تلاش کرلیا ہے۔ ...

ریاض:  سعودی حکومت نے کورونا پابندیوں کے باعث واپس مملکت نہ ہونے والے تارکین وطن کے اقاموں اور ویزوں میں ایک بار پھر مفت توسیع کا اعلان کردیا۔ عرب میڈیا کی رپورٹ کے مطابق سفری پابندی والے ممالک میں موجود سعودی اقامہ ہولڈرز کے اقامے اور ایگزٹ ری انٹری ویزوں میں 31 مارچ 2022 تک مفت توسیع کردی گئی ہے۔ رپورٹ میں بتایا گیا کہ سعودی وزارت خزانہ اور قومی ادارہ برائے معلومات کے مشترکہ تعاون سے اقامہ (سعودی عرب کا رہائشی اجازت نامہ) اور ایگزٹ ری انٹری ویزے کی مفت تجدید کی گئی ہے۔ یہ سہولت خودکار طریقے سے مذکورہ زمروں میں شامل غیرملکیوں کو فراہم کردی جائے گی۔ اسی طرح وہ ممالک جہاں سے سعودی عرب آنے پر پابندی ہے وہاں موجود سعودی وزٹ ویزا ہولڈرز کے ویزے کی میعاد بھی 31 مارچ 2022 تک بڑھا دی جائے گی۔ خیال رہے کہ یہ سہولت صرف ان غیرملکیوں کے لیے ہے جو سعودی سفری پابندی سے متاثر ہیں۔ The post سعودی حکومت نے غیرملکیوں کے اقامے اور ویزوں میں مفت توسیع کردی appeared first on ایکسپریس اردو . from ایکسپریس اردو » انٹر نیشنل https://ift.tt/3H4KsUZ

 واشنگٹن:  یوکرین پرجاری کشیدگی کے باعث امریکی فوجیوں کوہائی الرٹ کردیا گیا۔ امریکی محکمہ دفاع پینٹاگون کے مطابق یوکرین کے معاملہ پرجاری کشیدگی کے باعث 8 ہزار500 امریکی فوجیوں کوہائی الرٹ کردیا گیا ہے۔نیٹوکی جانب سے درخواست ملنے پر امریکی فوجیوں کو ریپڈ ری ایکشن فورس کے حصے کے طورپرتعینات کیا جائے گا۔ پینٹاگون کے پریس سیکریٹری کے مطابق امریکی فوجیوں کو روس کی سرگرمیاں دیکھتے ہوئے علاقے میں تعینات کیا جاسکتا ہے تاہم امریکی فوجیوں کو براہ راست یوکرین میں تعینات نہیں کیا جائے گا۔ امریکا نے یوکرین میں روس کی جارحیت کا خدشہ ظاہرکیا ہے۔ روس نے یوکرین میں کسی فوجی کارروائی کی تردید کی ہے تاہم ایک لاکھ روسی فوجی یوکرین کے قریب تعینات ہیں۔ The post یوکرین پرکشیدگی، امریکی فوجیوں کوہائی الرٹ کردیا گیا appeared first on ایکسپریس اردو . from ایکسپریس اردو » انٹر نیشنل https://ift.tt/3fVYRag

پورٹ او پرنس:  ہیٹی میں 5.3شدت کے زلزلے سے 2 افراد ہلاک اور50 زخمی ہوگئے۔ غیرملکی خبرایجنسی کے مطابق ہیٹی کے جنوبی علاقے میں 5.3شدت کے زلزلے میں 2 افراد ہلاک اوردرجنوں زخمی ہوگئے۔ زلزلے سے سیکڑوں گھروں کو بھی نقصان پہنچا۔ زلزلے کے باعث لوگ گھبراہٹ میں گھروں سے نکل آئے۔ زلزلے سے چھت گرنے اورلینڈ سلائیڈنگ سے2 افراد ہلاک ہوگئے۔ ریسکیوحکام کے مطابق زلزلے سے 50 افراد زخمی ہوئے جبکہ 600 سے زائد مکانات اوردیگرعمارتوں کو نقصان پہنچا۔ زلزلے کے بعد علاقے میں آفٹرشاکس بھی محسوس کئے گئے۔ حکام نے ہلاکتوں میں اضافے کا خدشہ ظاہرکیا ہے۔ The post ہیٹی میں 5.3شدت کا زلزلہ،2 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/3nUjo3c

برلن:  جرمن یونیورسٹی ‘ہائیلڈبرگ’ میں طالب علم کی فائرنگ سے ایک شخص ہلاک اور 3 زخمی ہوگئے۔ عالمی میڈیا رپورٹس کے مطابق جرمنی میں قائم ہائیلڈبرگ یونیورسٹی میں لیکچر کے دوران مسلح طالب علم نے فائرنگ کردی جس کے نتیجے میں ایک شخص ہلاک اور تین زخمی ہوئے۔ رپورٹس میں دعویٰ کیا جارہا ہے کہ یونیورسٹی میں اندھا دھند فائرنگ کرنے کے بعد حملہ آور نے خود کو بھی گولی مار کر اپنی زندگی ختم کرلی۔ اب تک یہ واضح نہیں کہ حملہ کرنے والے طالب علم کی موت پولیس کی جوابی فائرنگ سے ہوئی یا اس نے خودکشی کی۔ ابتدائی طور پر چار زخمیوں کی اطلاعات تھیں جن میں سے ایک زخموں کی تاب نہ لاتے ہوئے ہلاک ہوگیا۔ جرمن پولیس نے بتایا کہ مسلح طلبہ نے اس وقت فائرنگ کی جب لیکچر جاری تھا بعد ازاں وہ موقع سے فرار ہوگیا تھا۔ پولیس حکام نے حملہ آور کی موت کا سبب نہیں بتایا۔ ملزم کی تاحال شناخت بھی سامنے نہیں آئی۔ پولیس نے حملے کی وجہ جاننے کے لیے تحقیقات کا آغاز کردیا ہے۔ The post جرمن یونیورسٹی میں طالب علم کی فائرنگ سے ایک شخص ہلاک، 3 زخمی appeared first on ایکسپریس اردو . from ایکسپریس اردو » انٹر نیشنل https://i...

اوسلو:  طالبان نمائندوں اور مغربی سفارتکاروں کے درمیان ناروے میں مذاکرات کا آغاز ہوچکا ہے۔ مذاکرات میں طالبان کے مطالبات کا جائزہ لیا جائے گا۔ بین الاقوامی میڈیا اے پی کے مطابق طالبان کے مطالبات میں سے ایک مطالبہ افغانستان کے 10 بلین ڈالرز کے منجمد اثاثوں کو بحال کرنے کا ہوگا۔ طالبان کے وفد نمائندے شفیع اللہ اعظم نے میٹنگ سے پہلے میڈیا نمائندوں سے گفتگو کرتے ہوئے کہا تھا کہ ہماری مغربی ممالک سے درخواست ہے کہ سیاسی اختلافات کو پسِ پشت ڈال کر افغان شہریوں کے مسائل کا سوچا جائے اور اس کیلئے افغانستان کے منجمد اثاثوں کو فوری بحال کیا جائے۔ این بی سی نیوز کے مطابق ناروے میں مذاکرات شروع ہونے سے پہلے طالبان کے نائب وزیر اطلاعات و ثقافت نے اپنے ٹویٹ میں کہا تھا کہ امید ہے کہ یہ سفر کئی نیک مقاصد کے حصول کا ذریعہ بنے گا اور یورپ اور طالبان کے درمیان بہتر تعلقات کا باعث ثابت ہوگا۔ واضح رہے کہ متعدد امدادی اداروں اور بین الاقوامی ایجنسیوں کے اندازے کے مطابق 9 ملین افغانی فاقہ کشی کی قریب ہیں۔ لوگوں نے اپنے بچوں اور ذاتی اشیاء کو کھانے کے بدلے بیچنا شروع کردیا ہے اور سردیوں میں ...

نئی دہلی:  بھارت میں ہندوانتہاپسند مودی سرکارکی سرپرستی میں قابو سے باہرہوگئے۔ کرناٹک کے ایک اسکول میں مسلمان طلبا کونماز جمعہ کی ادائیگی سے روک دیا۔ بھارتی میڈیا  کے مطابق کرناٹک کے ایک اسکول میں ہندوانتہاپسندوں کی جانب سے طلبا کوزبردستی نمازجمعہ کی ادائیگی سے روکنے کا  واقعہ سامنے آگیا۔ کرناٹک کے ایک سرکاری اسکول میں ہندوانتہاپسندوں نے اس وقت دھاوا بول دیا جب 20 مسلمان طلبا نماز جمعہ ادا کررہے تھے۔ ہندوانتہاپسندوں نے طلبا کونماز پڑھنے سے روک دیا۔ اسکول میں توڑ پھوڑ کی اورپرنسپل کو برا بھلا کہا اوردھمکیاں دیں۔ دھمکیوں کے بعد اسکول پرنسپل نے نماز کی ادائیگی کی اجازت منسوخ کردی لیکن ہندوانتہاپسندوں کی سرپرست انتظامیہ نے پھربھی اسکول پرنسپل کیخلاف انکوائری شروع کردی۔ The post بھارت میں مسلمانوں کونمازکی ادائیگی سے روکنے کا ایک اورواقعہ appeared first on ایکسپریس اردو . from ایکسپریس اردو » انٹر نیشنل https://ift.tt/3nQNXH7

نیو زرچر زیتنگ(Neue Zürcher Zeitung) سوئٹزر لینڈ کا ممتاز اخبار ہے۔1جنوری 2022ء کو اخبار نے پاکستان کے ایٹمی منصوبے سے منسلک ایک خصوصی رپورٹ شائع کی۔ یہ رپورٹ امریکا، مغربی جرمنی اور سوئٹزرلینڈ کی حکومتوں کی خفیہ (کلاسیفائیڈ)فائلوں کی بنیاد پہ مرتب کی گئی جنھیں حال ہی میں افشا(ڈی کلاسیفائیڈ)کیا گیا ہے۔ان فائلوں نے انکشاف کیاہے کہ 1979ء سے لے کر 1982ء تک اسرائیلی حکمران اپنی خفیہ ایجنسی کے ذریعے پاکستان کو ایٹمی طاقت بننے سے روکنے کے لیے کوشاں رہے حتی کہ موساد کے ایجنٹوں نے مغربی جرمنی اور سوئٹزرلینڈ میں ان کمپنیوں کے دفاتر پہ بم حملے کیے جو ایٹم بم بنانے میں استعمال ہونے والا ضروری سازوسامان پاکستان کو مہیا کر رہی تھیں۔موساد کے ایجنٹوں نے یورپی کمپنیوں کے مالکان اور افسروںکو دہمکیاں بھی دیں۔ کوئی ردعمل نہیں آیا یہ دہماکہ خیز رپورٹ منظرعام پہ آئے کئی دن گذر چکے مگر جرمنی اور سوئٹرزلینڈ کی حکومتوں نے کسی قسم کے ردعمل کا اظہار نہیں کیا۔اگر یہ انکشاف ہوتا کہ ان یورپی ممالک میں پاکستان یا ایران کی خفیہ ایجنسیوں نے بم دہماکے کیے ہیں تو وہاں شور مچ جاتا۔یورپی میڈیا طول طویل رپورٹیں چھاپ ...

کابل:  افغانستان کے صوبے ہرات میں ایک مسافر بس میں ہونے والے بم دھماکے میں 7 افراد جاں بحق اور 9 زخمی ہوگئے۔ عالمی خبر رساں ادارے کے مطابق افغانستان کے صوبے ہرات میں ایک منی بس میں دھماکا ہوا ہے، دھماکا اتنا شدید تھا کہ بس کے پرخچے اُڑ گئے اور خوفناک آگ بھڑک اُٹھی۔ شہریوں نے اپنی مدد آپ کے تحت دھماکے میں ہلاک اور زخمی ہونے والوں کو بمشکل بس سے نکال کر قریبی اسپتال منتقل کیا جہاں 7 مسافروں کی ہلاکت اور 9 کے زخمی ہونے کی تصدیق کی گئی ہے۔ پولیس کا کہنا ہے کہ مسافر بس کے فیول ٹینک پر بم نصب کیا گیا تھا۔ تاحال کسی گروپ نے حملے کی ذمہ داری قبول نہیں کی تاہم طالبان کے افغانستان میں اقتدار سنبھالنے کے بعد سے ایسی کارروائیوں میں داعش ملوث رہی ہے۔ جاں بحق ہونے والوں میں 4 خواتین بھی شامل ہیں جب کہ زخمیوں میں بچے بھی شامل ہیں۔ مسافر بس دھماکا شیعہ اکثریتی علاقے میں ہوا۔ ہلاکتوں میں اضافے کا خدشہ ظاہر کیا جا رہا ہے۔ The post افغانستان میں مسافر بس بم دھماکے میں 7 افراد جاں بحق appeared first on ایکسپریس اردو . from ایکسپریس اردو » انٹر نیشنل https://ift.tt/3FTyHzt

نئی دہلی:  بھارتی وزیر اعظم اور ان کی جماعت بھارتیہ جنتا پارٹی (بی جے پی) کو ہفتے میں دوسری مرتبہ سبکی کا سامنا کرنا پڑا جب گزشتہ روز نریندر مودی اپنے خطاب میں ’بیٹی پڑھاؤ‘ کے بجائے ’بیٹی پٹاؤ‘ کہہ گئے۔ نریندر مودی ’بیٹی بچاؤ، بیٹی پڑھاؤ‘ سے متعلق ایک مہم میں قوم سے خطاب کررہے تھے، ان کی جانب سے بیٹی پڑھاؤ کی جگہ ’بیٹی پٹاؤ‘ کی ادائیگی ہونے کے بعد سوشل میڈیا پر انہیں شدید تنقید کا سامنا ہے اور میمز شیئر کی جارہی ہیں۔ بھارتی ذرائع ابلاغ نے بھی بیٹی بچاؤ، بیٹی پٹاؤ پر میمز نشر کی ہیں۔ ایک ٹوئٹر صارف نے لکھا کہ ملک کے وزیر اعظم کو’بچاؤ‘ اور ’پٹاؤ‘ کے فرق کا احساس ہی نہیں ہے۔     बेटी पटाओ?? आज फिर टेलीप्रांपटर ने धोखा दे दिया क्या? pic.twitter.com/TewCQNMzu2 — Surya Pratap Singh IAS Rtd. (@suryapsingh_IAS) January 20, 2022 ایک ٹوئٹر صارف نے لکھا کہ مودی نے قوم کو نیا نعرہ دے دیا۔ Modi ji launched New Slogan for Single Bois before Valentines Day 🤝 #BetiBachaoBetiPatao pic.twitter.com/qUZYfhroeP — 【𝗘𝗿】 【𝗔𝗮𝗸】 【𝗧𝗵𝘂】 【⚽】 (@ErAakThu) January 20, 2022 ...

 واشنگٹن:  صدر جو بائیڈن نے امریکا کی تاریخ میں پہلی بار ایک مسلم خاتون کو وفاقی جج نامزد کردیا جن کا تعلق بنگلادیش سے ہے۔ عالمی خبر رساں ادارے کے مطابق امریکا کے صدر جوبائیڈن نے ڈسٹرکٹ کورٹ برائے ایسٹرن ڈسٹرکٹ آف نیویارک کے لیے امریکن سول لبرٹیز یونین الینائی کی لیگل ڈائریکٹر نصرت جہاں کو نامزد کیا ہے۔ بنگلادیشی نژاد 44 سالہ نصرت جہاں امریکا کی وفاقی جج بننے والی پہلی مسلم خاتون ہوں گی۔ جوبائیڈن اب تک 83 عدالتی نامزدگیاں کرچکے ہیں جن میں زیادہ کثیر النسل اور مختلف طبقات سے تعلق رکھنے والوں کے علاوہ خواتین بھی شامل ہیں۔ صدر جوبائیڈن کی جانب سے نصرت جہاں کی بطور وفاقی جج نامزدگی کو ابھی امریکی سینیٹ سے منظور ہونا باقی ہے تاہم حکومت کی اکثریت کے باعث منظوری کا قوی امکان ہے۔   The post صدر جوبائیڈن نے امریکا میں پہلی مسلم خاتون کو وفاقی جج نامزد کردیا appeared first on ایکسپریس اردو . from ایکسپریس اردو » انٹر نیشنل https://ift.tt/3tLweoh

لندن:  برطانوی دارالحکومت میں خفیہ کیمروں کے ذریعے 51 خواتین کی برہنہ ویڈیوز اور تصاویر بنانے والے سینیئر پولیس افسر کو 3 سال قید کی سزا سنائی گئی ہے۔  عالمی خبر رساں ادارے کے مطابق لندن کی میٹرو پولیٹن پولیس کے 40 سالہ سینیئر ڈیٹیکٹو انسپکٹر نیل کوربل کے خلاف 19 متاثرہ خواتین نے شکایت دائر کی تھی جس میں الزام عائد کیا گیا تھا کہ پولیس افسر نے دھوکے سے خفیہ کیمروں کی مدد سے ان کی برہنہ ویڈیوز بنائیں۔ تفتیش کے دوران پولیس افسر نیل کوربل کے قبضے سے ملنے والی ہارڈ ڈرائیو میں 51 خواتین کی نازیبا تصاویر اور برہنہ ویڈیوز موجود تھیں۔ پختہ ثبوت ملنے پر پولیس افسر نے اپنے جرائم کا اعتراف کرلیا۔ پولیس افسر نے دورانِ تفتیش انکشاف کیا کہ وہ پورنوگرافی کی لت میں مبتلا ہے اور خواتین کی برہنہ تصاویر سے لذت اُٹھانے کے لیے ایسا کیا کرتا تھا جس کے لیے مختلف ماڈلز کو ہوٹل کے کمروں میں شوٹنگ کے بہانے بلایا۔ انسپکٹر نیل کوربل نے مزید بتایا کہ ہوٹل کے کمروں میں ٹشو کے ڈبوں، فون چارجرز، ایئر فریشنرز، گلاسوں، چابیوں اور ہیڈ فونز میں خفیہ کیمرے نصب کرتے تھے۔ ایک برہنہ شوٹنگ کے دوران خاتون ماڈل کو ...

کوالا لمپور:  ملائیشیا کے سابق وزیراعظم 96 سالہ مہاتیر محمد کو تشویشناک حالت میں دل کے اسپتال میں داخل کیا گیا ہے۔ عالمی خبر رساں ادارے کے مطابق ملائیشیا کے سابق وزیراعظم مہاتیر محمد کو دل میں تکلیف کے باعث کوالالمپور میں قومی ادارہ برائے امراض قلب کے اسپتال منتقل کیا گیا ہے جہاں ان کی حالت تشویشناک بتائی جا رہی ہے۔ 96 سال کی عمر میں قابل رشک صحت کے حامل رہنما کی علالت کی خبر سن کر ہزاروں کی تعداد میں ان کے حامی اسپتال کے باہر جمع ہوگئے۔ اسپتال کے ترجمان نے بتایا کہ سابق وزیراعظم کو سینے میں درد کی شکایت پر اسپتال لایا گیا اور کورونری کیئر یونٹ میں ان کا علاج جاری ہے۔ اپنے سیاسی کیریئر میں 24 سال تک مختلف عہدوں پر خدمات انجام دینے والے مہاتیر محمد کی میڈیا ٹیم اور اسپتال انتظامیہ نے سابق وزیراعظم کی طبیعت کے بارے میں تاحال مکمل معلومات فراہم نہیں کی ہیں۔ The post ملائیشیا کے سابق وزیراعظم مہاتیر محمد تشویشناک حالت میں اسپتال میں داخل appeared first on ایکسپریس اردو . from ایکسپریس اردو » انٹر نیشنل https://ift.tt/3qR0uw5

کابل:  طالبان نے افغانستان کے شمال میں ایک جھڑپ میں قومی اپوزیشن گروپ کے 8 مزاحمتی جنگجوؤں کو ہلاک کر دیا۔ غیرملکی خبررساں ادارے ’اے ایف پی‘ کے مطابق پولیس کے مطابق طالبان اور نیشنل ریزسٹنس فرنٹ (این آر ایف) کے جنگجو کے مابین صوبہ بلخ میں لڑائی ہوئی تھی۔ واضح رہے کہ این آر ایف کی قیادت طالبان مخالف کمانڈر احمد شاہ مسعود کے بیٹے کر رہے ہیں۔ صوبائی پولیس کے ترجمان آصف وزیری نے ایک آڈیو پیغام میں صحافیوں کو بتایا کہ این آر ایف کے 8 جنگجو طالبان کے ساتھ ’براہ راست جھڑپ‘ میں مارے گئے۔ مزید پڑھیں:  سرحدی جھڑپ میں ایران کے 9سرحدی گارڈز ہلاک ہوئے،طالبان انہوں نے بتایا کہ طالبان فورسز نے این آر ایف کے جنگجوؤں سے گولہ بارود اور مشین گنیں بھی قبضے میں لے لیں۔ این آر ایف کے ترجمان نے تاحال تبصرہ کرنے کی درخواست کا کوئی جواب نہیں دیا۔ یہ لڑائی طالبان کے وزیر خارجہ امیر خان متقی کی تہران میں احمد شاہ مسعود کے بیٹے احمد مسعود کے ساتھ بات چیت کے دو ہفتے سے بھی کم وقت کے بعد ہوئی ہے۔ اس سربراہی اجلاس کے بعد مزاحمتی دھڑے کے ایک اہلکار نے کہا تھا کہ این آر ایف اور طالبان ’الگ الگ صفح...

بھارتی ریاست کرناٹک کے ایک گورنمنٹ کالج میں مسلم طالبات کے حجاب پہن کر آنے پر کالج کی انتظامیہ اور طالبات میں 3 ہفتے سے جاری تنازعہ شدت اختیار کرچکا ہے۔ بھارتی میڈیا کے مطابق کرناٹک کے وزیر تعلیم نے این ڈی ٹی وی کو بیان دیتے ہوئے کہا کہ اسکول اور کالجوں میں حجاب کرنا ڈسپلن کیخلاف ورزی ہے۔ انہوں نے کہا کہ اسکول یا کالجز اپنی مذہبی روایات کو اپنانے کی جگہ نہیں ہے۔ دوسری جانب مسلم طالبات کا کہنا ہے کہ یہ ان کے بنیادی حق چھیننے کے مترادف ہے۔ انہوں نے بتایا کہ مرد حضرات لیکچرار کے سامنے وہ حجاب لیتی ہیں۔ عالیہ نامی طالبہ نے بتایا کہ ہمیں آج بھی حجاب کی وجہ سے کلاسوں میں بیٹھنے نہیں دیا گیا۔ عالیہ نے مزید کہا کہ 20 دن گزرچکے ہیں اور ہمیں کلاسوں میں آنے سے روکا جارہا ہے۔ حجاب کرنے کی اجازت ہمیں آئین نے دی ہے، کالج ہمیں کیوں روک رہا ہے؟۔ The post بھارت میں وزیر تعلیم نے حجاب کو ڈسپلن کی خلاف ورزی قرار دے دیا appeared first on ایکسپریس اردو . from ایکسپریس اردو » انٹر نیشنل https://ift.tt/3nJeIwS

پیرس:  فرانس کی سینٹ نے حجاب پہن کرکھیلوں کے مقابلوں میں شرکت پرپابندی کی قرارداد منظورکرلی۔ غیرملکی میڈیا کے مطابق حجاب پرپابندی کے حق میں 160 اورمخالفت میں 143 ووٹ ڈالے گئے۔ حجاب پرپابندی کی ترمیمی قرارداد انتہاپسند دائیں بازو کے گروپ نے دی تھی۔ قرارداد میں کھیلوں کے مقابلوں میں حجاب پہن کرشرکت پرپابندی کے لئے ڈسپلن کی خلاف ورزی کا جواز بنایا گیا ہے۔ فرانسیسی سینٹ اورایوان زیریں کے ارکان پرمشتمل کمیشن قرارداد کے مسودے کوحتمی شکل دے گا۔ The post فرانس نے کھیلوں کے مقابلوں میں حجاب پہننے پرپابندی لگا دی appeared first on ایکسپریس اردو . from ایکسپریس اردو » انٹر نیشنل https://ift.tt/3qGexV7

نئی دہلی:  بھارت نے براہموس سپرسونک میزائل کا تجربہ کیا ہے۔ بھارتی میڈیا کے مطابق براہموس سپرسونک کروز میزائل کے نئے ورژن کا تجربہ اڑیسہ کے ساحل پرکیا گیا۔ براہموس سپرسونک میزائل میں نئی ٹیکنالوجی استعمال کی گئی ہے۔ بھارت نے 11 جنوری کو بھی بحریہ کے لئے استعمال ہونے والے براہموس میزائل کا تجربہ کیا تھا۔ بھارت نے براہموس میزائل روس کے اشتراک سے تیارکیا ہے۔ The post بھارت کا براہموس میزائل کا تجربہ appeared first on ایکسپریس اردو . from ایکسپریس اردو » انٹر نیشنل https://ift.tt/3nHnWtK

 واشنگٹن:  امریکی صدرجوبائیڈن نے روس کی جانب سے یوکرین پرحملے کا خدشہ ظاہرکردیا۔ امریکی صدرجوبائیڈن نے نیوزکانفرنس سے خطاب میں کہا کہ روس یوکرین پرحملہ کرسکتا ہے۔ ایسا ہواتواس کی ذمہ داری مکمل طورپرروسی صدرولادی میرپیوٹن پرعائد ہوگی۔ امریکی صدرکا کہنا تھا کہ روس نے یوکرین میں کارروائی کی تو یہ وعدہ ہے کہ روس پراسی پابندیاں عائد کریں گے جو پہلے کبھی کسی نے نہیں دیکھی ہوں گی۔ دوسری جنگ عظیم کے بعد روس کا یوکرین پرحملہ ایسا اقدام ہوگا جس کے دوررس نتائج نکلیں گے۔روس یوکرین میں کچھ کرنا چاہتا ہے اوروہ کرے گا۔ امریکی صدرجوبائیڈن نے مزید کہا کہ امریکا پولینڈ سمیت خطے میں اپنے فوجیوں کی تعداد بڑھا رہا ہے۔ ایسا نیٹو معاہدے کے تحت کیا جارہا ہے۔ روس نے 2014 میں کریمیا پرحملہ کرکے قبضہ کرلیا تھا۔ The post روس یوکرین پرحملہ کرسکتا ہے، امریکی صدر appeared first on ایکسپریس اردو . from ایکسپریس اردو » انٹر نیشنل https://ift.tt/3FR5qWc

کابل:  افغانستان کے صوبے کنٹرمیں فائرنگ سے طالبان کمانڈرسمیت 6 افراد ہلاک ہوگئے۔ افغان میڈیا کے مطابق کنڑمیں فائرنگ سے طالبان کمانڈرسمیت 6 افراد ہلاک ہوگئے۔ مقامی حکام کا کہنا ہے کہ مرنے والوں میں کمانڈرکا بیٹا بھی شامل ہے۔ واقعہ ذاتی دشمنی کا نتیجہ معلوم  ہوتا ہے۔ طالبان حکام کا کہنا ہے کہ فائرنگ کے واقعہ کی تحقیقات کی جارہی ہیں۔افغانستان میں فائرنگ کے واقعات میں لوگوں کی ہلاکت میں اضافہ ہوا ہے۔ The post افغانستان میں فائرنگ، طالبان کمانڈرسمیت6 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/3nFFW7C

سرینگر:  مقبوضہ کشمیرمیں بھارتی فوجی نے خودکشی کرلی۔ کشمیری میڈیا  کے مطابق بھارتی سیکورٹی فورسزکے اہلکارنے سرینگرمیں خودکشی کرلی۔ بھارتی فوجی نے سرکاری اسلحے سے خودکشی کی۔ بھارتی فوجی کا تعلق گجرات سے تھا اوروہ کچھ عرصے سے ڈسٹرکٹ سرینگرمیں تعینات تھا۔حکام کا کہنا ہے کہ خودکشی کے واقعہ کی تحقیقات کی جارہی ہیں۔ اس قبل بھی مقبوضہ کشمیرمیں متعدد بھارتی فوجی خودکشی کرچکے ہیں۔ The post مقبوضہ کشمیرمیں بھارتی فوجی نے خودکشی کرلی appeared first on ایکسپریس اردو . from ایکسپریس اردو » انٹر نیشنل https://ift.tt/3qFBJTw

 لندن:  برطانوی وزیراعظم بورس جانسن نے27 جنوری سے کورونا پابندیاں نرم کرنے کا اعلان کردیا۔ ماسک پہننے کی پابندی بھی ختم کردی جائیگی۔ برطانیہ کے وزیراعظم بورس جانسن نے ہاؤس آف کامنز میں خطاب کرتے ہوئے کہ کہا 27جنوری سے ملک میں عائد کورونا پابندیوں میں نرمی کی جائے گی۔ عوامی مقامات پرماسک پہننا بھی لازمی نہیں ہوگا۔ کورونا کے مریضوں کو گھرمیں قطرنطینہ کرنا ہوگا۔ شہریوں کوگھروں سے کام کرنے کا حکم بھی واپس لے لیا گیا۔ برطانوی میڈیا کے مطابق 27 جنوری سے تقریبات میں شرکت کے لئے ویکسینیشن کی حیثیت یا تازہ منفی ٹیسٹ دکھانا لازمی نہیں ہوگا۔ The post برطانیہ کا کورونا پابندیوں میں نرمی کا اعلان، ماسک کی پابندی ختم appeared first on ایکسپریس اردو . from ایکسپریس اردو » انٹر نیشنل https://ift.tt/33SELdX

 لندن:  کورونا لاک ڈاؤن کے دوران پارٹی میں شرکت کرنے پر برطانوی وزیر اعظم بورس جانسن سے استعفیٰ دینے کا مطالبہ جہاں زور پکڑ رہا ہے وہیں حکومتی جماعت کے اراکین اپوزیشن میں شمولیت اختیار کررہے ہیں۔ بین الاقوامی میڈیا کے مطابق ہاؤس آف کامنز میں بورس جانسن کو اس وقت شرمندگی کا سامنا کرنا پڑا جب اُن کی کنزرویٹیو پارٹی کے 7 اراکین نے وزیر اعظم کیخلاف عدم اعتماد کی ووٹنگ کا مطالبہ کردیا جبکہ 20 اراکین نے پارٹی سے علیحدگی اختیار کرکے حکومت کیخلاف الگ محاذ قائم کرلیا۔ عدم اعتماد کی ووٹنگ کا مطالبہ کرنے والے 7 اراکین میں سے ایک کارکن کرسچن ویکفورڈ نے ہاؤس آف کامنز میں ہی اپوزیشن لیبر پارٹی میں شمولیت کا اعلان کیا۔ لیبر پارٹی میں شامل ہونے والے کرسچن ویکفورڈ نے بورس جانسن کو مخاطب کرتے ہوئے کہا کہ یہ واضح ہوچکا ہے ہے کہ آپ اور آپ کی پارٹی اقتدار کے اہل نہیں ہیں۔ خیال رہے کہ برطانوی وزیر اعظم پر تنقیدوں نے اُس وقت اور شدت اختیار کی جب انہوں نے دعویٰ کیا کہ میں ایک کام کی تقریب سمجھ کر شریک ہوا، مجھے نہیں پتہ تھا کہ وہ ایک پارٹی کی تقریب تھی۔ The post برطانوی وزیر ا...

برلن:  جرمنی کے چانسلر اولف شولٹز نے کہا ہے کہ اگر روس نے یوکرین پر حملہ کیا تو روس سے جرمنی آنے والی نورڈ اسٹریم 2 گیس پائپ لائن بلاک کردی جائے گی۔ رائٹرز کے مطابق گزشتہ ہفتے یوکرین مسئلے پر روس اور مغربی ممالک کے درمیان مذاکرات کے بےنتیجہ ثابت ہونے کے بعد جرمن چانسلر اولف شولٹز نے نیٹو چیف سے برلن میں ملاقات کی تھی اور اگلے اقدامات کے بارے میں تبادلہ خیال کیا تھا۔ اس سے قبل بھی شولٹز بیان میں کہہ چکے ہیں کہ یوکرین پر حملے کے نتیجے میں جرمنی کسی بھی قسم کی پابندی لگانے میں آزاد ہوگا جس میں روس سے آنے والی گیس پائپ لائن کو بلاک کرنا بھی شامل ہے۔ انہوں نے صحافیوں سے گفتگو کرتے ہوئے کہا کہ یہ بات صاف ہے کہ یوکرین پر حملے کر روکنے کیلئے تمام پہلوؤں پر بحث کی ضرورت ہے اور اگر حالات اس کے برخلاف ہوتے ہیں تو اس کی بہت بھاری قیمت چکانی ہوگی۔ دوسری جانب یوکرین اور امریکا یہ بات کہہ چکے ہیں کہ نورڈ اسٹریم 2 پائپ لائن کی وجہ سے جرمنی روس پر زیادہ انحصار کرنے لگ جائے گا۔ The post یوکرین تنازعہ: جرمنی نے روس کو گیس پائپ لائن بلاک کرنے کی دھمکی دے دی appeared first on ایکسپریس اردو . ...

 ماسکو:  روس نے یوکرین تنازعہ پر امریکا سے مذاکرات کا نیا دور شروع کرنے سے انکار کردیا ہے۔ بین الاقوامی میڈیا کے مطابق روس نے کہا ہے کہ جب تک امریکا ہمارے مطالبات کا جواب نہیں دے گا تب تک مذاکرات نہیں ہونگے۔ روسی وزیر خارجہ سرجی لیورو نے پریس کانفرنس سے خطاب کرتے ہوئے کہا کہ اُس وقت تک مذاکرات دوبارہ شروع نہیں ہوسکتے جب تک مطالبات کا واضح جواب نہ دیا جائے۔ امید کریں کہ مذاکرات دوبارہ ہوں۔ انہوں نے کہا کہ ہم سے وعدہ کیا گیا تھا کہ مطالبات کا جواب دیں گے اور ہم انتظار کررہے ہیں۔ دوسری جانب نیٹو چیف اسٹولٹنبرگ نے کہا ہے ہم نے مستقبل میں دوبارہ مذاکرات کیلئے نیٹو اتحاد اور روس کو دعوت دی ہے۔ اس میں دونوں فریقین  کے تحفظات کو مدِنظر رکھا جائے گا تاکہ یوکرین پر ممکنہ حملے کو روکا جاسکے۔ خیال رہے کہ امریکی وزارت خارجہ کے مطابق اینتھونی بلنکن یوکرین کے دورے پر بدھ کو روانہ ہونگے جس میں وہ صدر وولوڈمیر زیلنسکی سے ملاقات کریں گے اور یوکرین کو امریکی حمایت کی یقین دہانی کرائیں گے۔ The post یوکرین کے مسئلے پر روس کا امریکا سے دوبارہ مذاکرات سے انکار appeared first on...

 واشنگٹن:  امریکا کی متعدد بڑی ایئرلائنز نے جوبائیڈن انتظامیہ سے مطالبہ کیا ہے کہ 5G ٹیکنالوجی کو ایئرپورٹس کے قریب نصب نہ کیا جائے۔ امریکی میڈیا کے مطابق ایئرلائنز نے ہوائی اڈوں کے قریب 5G ٹیکنالوجی کی تنصیبات سے مخالفت کرتے ہوئے کہا کہ اس سے مسافروں، مال برداری اور سپلائی کے حوالے سے کئی اہم آپریشن متاثر ہونگے۔ یہ بات امریکا کی 10 بڑی ایئرلائنز کے ناظمین امور کی جانب سے دستخط کردہ خط میں کہی گئی جسے امریکا کے وفاقی ہوابازی ایڈمنسٹریٹر اسٹیفن ڈیکسن، ٹرانسپورٹ سیکریٹری پیٹ بٹیگیگ اور دیگر متعلقہ حکام کو ارسال کردیا گیا ہے۔ خط میں مندرجات میں ایئرلائنز کی انتظامیہ کا یہ بھی کہنا تھا کہ حکومت کے اس اقدام سے مسافروں، کارگو، ہماری معیشت اور آپرشنز پر جو اثرات مرتب ہونگے اُس کا اندازہ بھی نہیں لگایا جاسکتا۔ ایئرلائن انڈسٹری نے خدشہ ظاہر کیا ہے کہ 5G ٹیکنالوجی ریڈار الٹیمیٹر (بلندی کی پیمائش کا آلہ) میں مداخلت کرے گا۔ جس کے نتائج کسی حادثے کی صورت میں بھی نکل سکتے ہیں۔ The post امریکی ایئرلائنز کا حکومت سے ائیرپورٹس کے قریب 5G ٹیکنالوجی نہ لانے کا مطالبہ appe...

نئی دہلی:  بھارتی وزیراعظم نریندرمودی ٹیلی پرومپڑ کی خرابی کے بعد دوران تقریر ہچکچا کر خاموش ہوگئے۔  ورلڈاکنامک فورم سے خطاب میں بھارتی وزیراعظم نریندرمودی کے غیرتحریرشدہ تقریر( فی البدیہہ) کرنے کے دعویٰ کا پول کھل گیا۔ ٹٰیلی پرومپٹرخراب ہوا تو مودی بھی گڑبڑا کرخاموش ہوگئے۔ بھارتی وزیراعظم کی کچھ سمجھ میں نہیں آٰیا توپہلے ادھرادھردیکھا اوراس کے بعد موضوع سے ہٹ کر کچھ اورہی باتیں شروع کردیں۔ بھارتی وزیراعظم نریندرمودی کا تحریر کے بغیر بات نہ کرپانا سوشل میڈیا پرمذاق بن گیا۔سوشل میڈیا پربھارتی وزیراعظم کی میمز وائرل ہوگئیں۔ کانگریس رہنما راہول گاندھی بھی پیچھے نہیں رہے اورکہا کہ وزیراعظم نریندرمودی کا جھوٹ ٹیلی پرومپٹر بھی برداشت نہیں کرسکا۔ The post ٹیلی پرومپٹرکی خرابی نے بھارتی وزیراعظم کا بھانڈہ پھوڑدیا appeared first on ایکسپریس اردو . from ایکسپریس اردو » انٹر نیشنل https://ift.tt/3fvT6Qm

ریاض:  یمن کے دارالحکومت صنعا میں سعودی اتحاد کی بمباری سے 12 افراد ہلاک ہوگئے۔ عرب میڈیا کے مطابق سعودی اتحاد نے یمن کے دارالحکومت صنعا میں مختلف مقامات پربمباری کی سعودی اتحاد کی جانب سے جاری بیان کے مطابق صنعا میں فضائی کارروائی کے دوران  حوثی باغیوں کے ٹھکانوں کونشانہ بنایا گیا۔ ہلاک ہونے والوں میں سابق فوجی اہلکاربھی شامل ہے۔حوثی باغیوں نے عرب اتحاد کے فضائی حملوں میں 20 افراد کی ہلاکت کا دعویٰ کیا ہے۔   The post سعودی اتحاد کی یمن میں حوثی باغیوں کے ٹھکانوں پربمباری ، 12 افراد ہلاک appeared first on ایکسپریس اردو . from ایکسپریس اردو » انٹر نیشنل https://ift.tt/3tBnwst

جکارتا:  انڈونیشیا کا دارالحکومت جکارتا سے منتقل کرنے کا بل منظورکرلیا گیا۔ غیرملکی خبرایجنسی کے مطابق انڈونیشیا کی پارلیمنٹ نے دارالحکومت جکارتا سے منتقل کرنے کی منظوری دے دی۔ انڈونیشیا کے وزیرمنصوبہ بندی کا کہنا تھا کہ  انڈونیشیا کے نئے دارالحکومت کا نام  نوسنتارا ہوگا جوبونیو آئی لینڈ میں واقع ہے۔ نیا دارالحکومت قوم کی شناخت اوراقتصادی سرگرمیوں کا مرکز ہوگا۔ انڈونیشیا کے دارالحکومت کو جکارتا سے منتقل کرنے کا اعلان 2019 میں کیا گیا تھا تاہم کورونا وبا کی وجہ سے عملدرآمد میں تاخیرہوئی۔ ماہرین نے دارالحکومت کی منتقلی کوتنقید کا نشانہ بناتے ہوئے کہا کہ تبدیلی کے لئے عوام سے رائے نہیں لی گئی اورنہ ہی ماحولیاتی حوالے کو مدنظررکھا گیا۔ The post انڈونیشیا کا دارالحکومت جکارتا سے منتقل کرنے کا بل منظور appeared first on ایکسپریس اردو . from ایکسپریس اردو » انٹر نیشنل https://ift.tt/3fFRWl7