روم: کورونا وبا کے بعد پہلی بار دنیا کی 20 بڑی معیشتوں کے فورم ’’جی ٹوئنٹی‘‘ کے سربراہان کا ون ٹو ون غیر معمولی اجلاس اٹلی کے شہر روم میں جاری ہے۔
عالمی خبر رساں ادارے کے مطابق اٹلی میں جی-20 ممالک کے سربراہان کے اجلاس کا آغاز ہوگیا ہے جس میں 18 ممالک کے سربراہان شریک ہیں جب کہ روس اور چین کے سربراہان کسی وجہ سے روم نہ پہنچنے کے باعث آن لائن شرکت کر رہے ہیں۔
دو روز تک جاری رہنے والے اس اجلاس میں عالمی معیشت کی بحالی، موسمیاتی تبدیلی، کورونا ویکسین، سپلائی چین اور پیٹرولیم مصنوعات کی قیمتوں میں اضافہ جیسے دنیا کو درپیش مسائل پر تبادلہ خیال کیا جائے گا۔
اجلاس کا فائدہ اُٹھاتے ہوئے کئی عالمی رہنما الگ الگ ملاقاتيں بھی کر رہے ہيں جب کہ ايک روز قبل جمعے کو بھی رکن ممالک کے وزرائے خزانہ اور وزرائے صحت نے بھی ملاقاتیں کی تھیں اور کئی اہم فيصلے کيے گئے تھے۔
واضح رہے کہ جی ٹوئنٹی میں یورپی یونین سمیت 19 ممالک شامل ہیں جن میں امریکا، برطانیہ، روس، چین، سعودی عرب، ترکی، ارجنٹائن، آسٹریلیا، برازیل، ، کینیڈا، فرانس، جرمنی، بھارت، انڈونیشیا، اٹلی، جاپان، میکسیکو، جنوبی افریقا اور جنوبی کوریا شامل ہیں۔
The post کورونا وبا کے بعد ’جی-20‘ کا پہلا اجلاس اٹلی میں جاری appeared first on ایکسپریس اردو.
from ایکسپریس اردو » انٹر نیشنل https://ift.tt/3Gv2SOZ