ویلنگٹن: فائزر کی کورونا ویکسین لگوانے سے نیوزی لینڈ کی ایک خاتون دل کے عضلات میں سوزش کے باعث جان کی بازی کی ہار گئیں۔
عالمی خبر رساں ادارے کے مطابق نیوزی لینڈ میں کورونا ویکسین سے پہلی ہلاکت سامنے آئی ہے۔ خاتون نے فائزر کی کورونا ویکسین لگوائی تھی جس سے ممکنہ طور پر وہ مائیوکارڈیٹس یعنی دل کے عضلات میں سوزش کا شکار ہوئی تھیں۔
ویکسین سیفٹی مانیٹرنگ بورڈ نے تصدیق کی ہے کہ خاتون کی ہلاکت ممکنہ طور پر دل کے عضلات میں سوزش کی وجہ سے ہوئی ہے تاہم ایسا پرانے امراض کے باعث بھی ہوسکتا ہے۔
ادھر یورپین ریگولیٹری اتھارٹی کا کہنا ہے کہ کورونا ویکسین سے دل کے عضلات کی سوزش کا مرض ہونے کا امکان انتہائی کم ہے تاہم ویکسین کے فوائد اس سے کہیں زیادہ ہیں۔
برطانیہ میں 195 افراد میں فائزر ویکسین لگوانے کے بعد دل کے عضلات میں سوزش کی شکایات سامنے آئی ہیں تاہم یہ 10 لاکھ میں صرف 5 افراد میں پائی گئیں اور ان میں بھی زیادہ تر معمولی نوعیت کی تھیں۔
طبی ماہرین کا کہنا ہے کہ دل کے عضلات میں سوزش کی علامات ویکسین لگانے کے بعد سینے میں درد، سانس لینے میں دشواری اور دل کی دھڑکن میں بے ترتیبی ہے اور اگر ایسا ہو تو فوری طور پر اسپتال جانا چاہیئے۔
The post نیوزی لینڈ میں فائزر کی کورونا ویکسین لگوانے سے خاتون ہلاک appeared first on ایکسپریس اردو.
from ایکسپریس اردو » انٹر نیشنل https://ift.tt/3t1PJ9Q