لاہور ہائیکورٹ نے منی لانڈرنگ کیس میں شہباز شریف کی اہلیہ نصرت شہباز کو اشتہاری قرار دینے کا فیصلہ کالعدم قرار دے دیا۔
عدالت نے نصرت شہباز کا پلیڈر مقرر کرنے کا حکم دیتے ہوئے ہدایت کی کہ نصرت شہباز صحتیاب ہوکر عدالتی کارروائی میں شامل ہوں، پلیڈر نصرت شہباز کو ہر سماعت کی کارروائی سے آگاہ کرنے کا بھی پابند ہوگا۔
یہ بھی پڑھیں: منی لانڈرنگ کیس میں شہباز شریف کی اہلیہ نصرت شہباز اشتہاری قرار
جسٹس سردار سرفراز ڈوگر کی سربراہی میں 2 رکنی بنچ نے نصرت شہباز کی درخواست پر سماعت کی تو نیب کی طرف سے سپیشل پراسکیوٹر سید فیصل رضا بخاری پیش ہوئے اور کہا کہ 3 شرائط مان لیں تو نصرت شہباز کی درخواست منظوری پر کوئی اعتراض نہیں، نصرت شہباز کا پلیڈر ہر تاریخ پر عدالت میں پیش ہو جو ہر سماعت کی کارروائی سے ملزمہ کو آگاہ کرے، نصرت شہباز صحتیابی کے بعد عدالت میں پیش ہونے کی پابند ہوں۔ وکیل نصرت شہباز نے شرائط مانتے ہوئے کہا کہ ہمیں کوئی اعتراض نہیں ہے۔
نصرت شہباز نے درخواست میں چیئرمین نیب اور احتساب عدالت کے جج کو فریق بناتے ہوئے کہا ہے کہ احتساب عدالت کا نصرت شہباز کی حاضری سے استثنی کی درخواست خارج کرنے کا حکم کالعدم کیا جائے، ملزمہ کی عدم پیشی نصرت شہباز کیخلاف پر جاری کارروائی بھی کالعدم کی جائے، بیماری کی بنیاد پر انہیں حاضری سے استثنی دیا جائے۔
درخواست میں مزید کہا گیا کہ نصرت شہباز کو منی لانڈرنگ ریفرنس میں ملزمہ بنایا گیا ہے، وہ 66 سالہ بوڑھی خاتون ہیں اور متعدد امراض میں مبتلا ہے، انہیں علاج کی غرض سے جنوری 2019ء کو برطانیہ جانا پڑا، ان کے بیرون ملک جانے تک نیب نے کوئی ریفرنس دائر نہیں کیا تھا، ریفرنس دائر ہونے کے بعد احتساب عدالت میں حاضری سے استثنی کی درخواست بھی دائر کی تھی جو خارج کر دی گئی، حاضری سے استثنی کیلئے میڈیکل سرٹیفیکیٹس بھی عدالت میں پیش کئے تھے، احتساب عدالت کو حاضری سے استثنی دینے کی درخواست خارج کرنے اور ناقابل ضمانت وارنٹ گرفتاری جاری کرنے کا کوئی اختیار نہیں، احتساب عدالت نے نصرت شہباز کے ٹرائل میں شامل ہونے کی رضامندی کو بھی پذیرائی نہیں دی، نصرت شہباز جان بوجھ کر ٹرائل سے غیر حاضر نہیں بلکہ وہ بیماری کی وجہ بیرون ملک ہیں۔
The post منی لانڈرنگ کیس میں نصرت شہباز کو اشتہاری قرار دینے کا فیصلہ کالعدم appeared first on ایکسپریس اردو.
from ایکسپریس اردو » پاکستان https://ift.tt/3m3HUN4