Skip to main content

آرمی چیف نے کہا کہ فوج بھی حکومت کا ماتحت ادارہ ہے، فواد چوہدری

 اسلام آباد: وفاقی وزیر اطلاعات و نشریات فواد چوہدری نے کہا ہے کہ وزیراعظم سے ملاقات کے دوران آرمی چیف نے کہا کہ فوج بھی حکومت کا ماتحت ادارہ ہے۔

اسلام آباد میں میڈیا سے بات کرتے ہوئے فواد چوہدری نے کہا کہ ہم ملک میں استحکام چاہتے ہیں، تمام اداروں کی مشترکہ حکمت عملی سے ہی آگے بڑھ سکتے ہیں۔ پالیسی بنانا حکومت کا کام ہے، حکومتی پالیسی ذاتی نہیں بلکہ ریاست کے تمام اداروں اور پارلیمان کی تجاویز اور عوام کے اعتماد پر مبنی ہوگی۔

گستاخانہ خاکے

فواد چوہدری نے کہا کہ گستاخانہ خاکوں سے امت مسلمہ میں بدامنی پیدا کرنے کی کوشش کی گئی تھی، یورپ اور برطانیہ میں بھی لوگ خاکوں کے خلاف تھے، مغرب کو ایسے واقعات روکنے کیلیے قوانین لانے چاہییں۔ وزیر اعظم عمران خان خاکوں کےمعاملے پر بہت دکھی تھے، انہوں نے ہالینڈ کے وزیر خارجہ کو باور کرایا کہ خاکوں کے معاملے سے لاتعلقی کافی نہیں، پاکستان کی کوششوں کے باعث مقابلہ منسوخ کیا گیا۔

وزیر اعظم کی آرمی چیف سے ملاقات

وزیر اعظم عمران خان کی گزشتہ روز آرمی چیف سے ملاقات ہوئی، آرمی چیف اورعسکری قیادت نے دفاعی اور سیکیورٹی معاملات پر بریفنگ دی، اس بریفنگ کا تعلق ملکی دفاع اور حساس معلومات سے تھا، گزشتہ رات وزیراعظم سے ملاقات کے دوران آرمی چیف نے کہا کہ فوج بھی حکومت کا ماتحت ادارہ ہے، فوج ہر اس پالیسی کو نافذ کرنے کی پابند ہے جو حکومت بنائے۔

پاک بھارت تعلقات

پاک بھارت تعلقات کے حوالے سے وفاقی وزیر نے کہا کہ بھارت کے ساتھ مذکرات اور بہتر تعلقات ہمارے ایجنڈے کا حصہ ہے، پاکستان اور بھارت دونوں ایٹمی ملک ہیں، یہ جنگ کے متحمل نہیں ہوسکتے، دونوں ملکوں کو غربت اور جہالت کے خلاف لڑنا چاہیے، کشمیر کے معاملے پر مذاکرات تک خطے میں ترقی ممکن نہیں۔

خارجہ تعلقات

وزیر اطلاعات کا کہنا تھا کہ دیگر ممالک سے تعلقات معمول پر لاکر ہی وزیراعظم کے خواب کی تعبیر مل سکتی ہے، سعودی عرب بھی ہمارا اسٹریٹجک پارٹنر ہے۔ ہم امریکا اور روس کے ساتھ تعلقات کو بہتر بنانا چاہتے ہیں، افغانستان کا معاملہ سادہ نہیں انتہائی پیچیدہ ہے، ہم افغانستان میں استحکام چاہتے ہیں اور اس کےلیے کردار ادا کریں گے۔

سی پیک

فواد چوہدری نے کہا کہ پاکستان اور چین کے درمیان جیوپولیٹیکل اور اکنامک معاہدے تو ہیں تاہم کوئی اسٹریٹجک معاہدہ نہیں ہے، سی پیک کے تحت توانائی اور انفرااسٹرکچر منصوبے زیر تکمیل ہیں، ہم سی پیک کو نہ صرف مکمل بلکہ آگے لے کر جانا چاہتے ہیں۔ سی پیک کے تحت مزید پراجیکٹ آنے ہیں۔

The post آرمی چیف نے کہا کہ فوج بھی حکومت کا ماتحت ادارہ ہے، فواد چوہدری appeared first on ایکسپریس اردو.



from ایکسپریس اردو » پاکستان https://ift.tt/2MDMljj
Labels:

Popular posts from this blog

افغانستان میں 6.1 شدت کا زلزلہ، 250 افراد ہلاک

کابل:  افغانستان میں 6.1 شدت کے زلزلے سے 250 افراد ہلاک اور500 سے زائد  زخمی ہوگئے۔ غیرملکی میڈیا نے افغان حکام کے حوالے سے بتایا کہ افغانستان کے مختلف علاقوں میں  زلزلے سے 250 افراد ہلاک اور500 سے زائد افراد زخمی ہوگئے۔زلزلے سے پکتیکا میں 50 افراد ہلاک ہوئے۔ امریکی جیولوجیکل سروے کا کہنا ہے کہ زلزلے کا مرکز خوست شہر سے 27 میل دور تھا اوراس کی گہرائی 31 میل تھی۔ زلزلے کے جھٹکے افغان دارالحکومت کابل میں بھی محسوس کئے گئے۔افغان حکام نے امدادی ٹیموں سے زلزلے سے متاثرہ علاقوں میں پہنچنے کی اپیل کی ہے۔ افغانستان میں زلزلے نے تباہی مچا دی، 250 سے زائد افراد جاں بحق، صوبہ پکتیکا سب سے زیادہ متاثر ہوا، ریسکیو ٹیمیں پکتیکا پہنچ گئیں، امدادی سرگرمیاں شروع، زلزلے سے اب تک 1250 افراد زخمی ہوئے ہیں pic.twitter.com/5BoyWwge9P — ترکیہ اردو (@TurkeyUrdu) June 22, 2022 زلزلے سے کچے مکانات گر گئے اورزمین میں دراڑیں پڑگئیں۔حکام نے زلزلے سے اموات میں اضافے کا خدشہ ظاہرکیا ہے۔ زلزلہ بھارت کے کچھ علاقوں میں بھی محسوس کیا گیا۔ The post افغانستان میں 6.1 شدت کا زلزلہ، 250 ا...
Read more

ملیے جاپان کی سب سے خوبصورت ٹرک ڈرائیور سے

ٹوکیو:  بہت بڑا ٹریلر یا ٹرک عموماً مرد حضرات ہی چلاتے ہیں لیکن جاپان میں 24 سالہ خوبرو لڑکی بڑی مہارت سے یہ ٹرک چلاتی ہے اور اس کا حسن دیکھ کر لوگ اسے سراہتے ہیں تاہم وہ چاہتی ہے کہ لڑکیاں بھی اس شعبے میں مردوں کے شانہ بشانہ کام کریں۔ رائنو ساساکی جاپانی علاقے کوچی میں رہتی ہے اور 7 سال قبل اس کے ٹرک ڈرائیور والد شدید بیمار ہوگئے جس کے بعد رائنو نے سیکڑوں میل دور اکیلے ٹرک چلانے میں والد کی مددگار بننے کا فیصلہ کیا۔ 21 سال کی عمر میں رائنو نے رقص کی تعلیم ادھوری چھوڑ کر خود ڈرائیونگ سیٹ سنبھالی لی۔ رائنو اب ٹرک میں اپنے والد کے ساتھ سفر کرتی ہے اور ان سے ٹرک ڈرائیونگ کے گُر بھی سیکھتی رہتی ہے۔ اس کے حسن اور ہمت کی بنا پر فیس بک، ٹویٹر اور انسٹا گرام پر ہزاروں لوگ رائنو کے فالوورز بن چکے ہیں اور اس کی مقبولیت میں اضافہ ہوتا جارہا ہے۔ اب رائنو کو جاپان کی سب سے خوبصورت ٹرک ڈرائیور کے نام سے بھی پکارا جارہا ہے۔ رائنو کو ٹرک چلاتے ہوئے 7 برس ہوگئے ہیں لیکن اب تک اس کی جسامت کے مطابق یونیفارم نہیں مل سکا کیونکہ جیکٹ، پینٹ اور دستانے وغیرہ سب مردوں کے لیے تیار کیے جاتے ہیں۔ وہ مست...
Read more

اس وقت تک چین سے نہیں بیٹھیں گے جب تک ہم داﺅد ابراہیم کو واپس نہیں لے آتے

dawood ibrahim نئی دہلی : ہندوستانی وزیر داخلہ راج ناتھ سنگھ نے ایک بار دعویٰ کیا ہے کہ ان کے ملک کے پاس داﺅد ابراہیم کی پاکستان میں موجودگی کے شواہد موجود ہیں اور اسے ہر صورت میں واپس لایا جائے گا۔ ہندوستانی چینیل این ڈی ٹی وی کے مطابق راج ناتھ سنگھ نے لوک سبھا میں خطاب کرتے ہوئے کہا کہ چاہے ہمیں پاکستان کے پیچھے لگنا پڑے یا اس پر دباﺅ ڈالنا پڑے، ہم اس وقت تک چین سے نہیں بیٹھیں گے جب تک ہم داﺅد ابراہیم کو واپس نہیں لے آتے۔ ہندوستانی وزیر کے مطابق ہماری حکومت اپنی طاقت کے مطابق سب کچھ کرے گی تاکہ داﺅد ابراہیم کو واپس لایا جاسکے۔ راج ناتھ سنگھ کا یہ بیان اس وقت سامنے آیا ہے جب گزشتہ دنوں ہندوستان کے ہی وزیر مملکت برائے داخلہ امور ہری بھائی چوہدری نے پارلیمنٹ کو بتایا تھا کہ انڈیا کو معلوم نہیں کہ داﺅد ابراہیم کہاں موجود ہے۔ ان کا کہنا تھا کہ داﺅد ابراہیم کہاں موجود ہے وہ اب تک پتا نہیں چل سکتا ہے، داﺅد ابراہیم کی ملک واپسی کے حوالے سے اقدامات اسی وقت ہوسکتے ہیں جب معلوم ہوجائے کہ وہاں کہاں ہے۔ مگر آج لوک سبھا میں خطاب کرتے ہوئے ہندوستانی وزیر داخلہ راج ناتھ سنگھ کا بیان ت...
Read more