Skip to main content

ویسٹ انڈین ٹیم کو اسٹیٹ گیسٹ کا درجہ دے دیا، ناصر حسین شاہ

کراچی:  صوبائی وزیر اطلاعات سندھ ناصر حسین شاہ نے کہا ہے کہ کراچی آنے والی ویسٹ انڈیز کرکٹ ٹیم کو اسٹیٹ گیسٹ کا درجہ دے دیا گیا ہے اورانھیں وی وی آئی پی پروٹوکول اور سیکیورٹی فراہم کی جائے گی۔

ڈی آئی جی ایسٹ کے دفترمیں یکم اپریل سے 3 اپریل تک نیشنل اسٹیڈیم کراچی میں پاکستان اور ویسٹ انڈیز کی ٹیموں کے درمیان کھیلے جانے والے ٹی 20 سیریز کے حوالے سے بریفنگ دیتے یوئے صوبائی وزیر اطلاعات سندھ ناصر حسین شاہ نے بتایا کہ پی ایس ایل کے فائنل  میچ کے بعد اب میڈیا سے ویسٹ انڈیز ٹیم کے ساتھ سیریز پر میڈیا کی سپورٹ چاہیے۔

ناصر حسین کا کہنا تھا کہ گرمی کی شدت میں ہونے والے اضافے کو دیکھتے ہوئے نیشنل اسٹیڈیم میں شائقین کرکٹ کے  داخلے کا وقت  سہ پہر3 بجے سے شام 7 بجے تک کردیا گیا ہے، تینوں میچوں کے لیے پارکنگ ایریاز بنائے جائیں گے اور شٹل سروس کے ذریعے شائقین کرکٹ کو ڈراپ زون تک چھوڑا جائے گا ان کا کہنا تھا کہ پی ایس ایل کے فائنل میچ کے دوران جو کمی بیشی رہ گئی تھی اور اس مرتبہ پوری کردی جائے گی اور پوری کوشش کی جائے گی کہ کسی کو بھی زحمت کا سامنا نہ کرنا پڑے۔

صوبائی وزیر نے بتایا کہ اسپتال ایریاز سے کچھ  شکایات موصول ہوئی تھیں، اس مرتبہ ان علاقوں کو کلیئر رکھا گیا ہے، بھٹائی رینجرزکے ونگ کمانڈر بریگیڈیئر شاہد نے بتایا کہ جس طرح پی ایس ایل کے فائنل میچ  کے موقع پر سیکیورٹی فراہم کی گئی تھی اسی طرح اس سیریز کی بھی  فل پروف سیکیورٹی ہوگی، ان کا کہنا تھا جو سیکیورٹی اقدامات کیے جائیں گے ان کا مقصد شہریوں کو سہولتیں فراہم کرنا ہے۔

بریگیڈیئر شاہد کا کہنا تھا کہ داخلے کا وقت سہ پہر3تا شام 7 بجے ہوگا،  پہلا میچ  ہفتہ وار تعطیل اور دیگر 2 میچ ورکنگ ڈیزکے دوران کھیلے جائیں گے جس کے باعث سیکیورٹی پلان میں لچک رکھی گئی ہے اور شہریوں کی جو معمول کے مطابق آمدو رفت ہے اس میں شہریوں کو زیادہ سے زیادہ سہولتیں فراہم کرنے کی کوشش کی جا ئے گی تاکہ کسی قسم کا کوئی مسئلہ نہ ہو اور شائقین کرکٹ اچھی طرح میچ انجوائے کر سکیں۔

بریگیڈیئر شاہد کا کہنا تھا کہ اس مرتبہ شٹل سروس کے ڈراپ زون پی ایس ایل فائنل کے مقابلے میں اسٹیڈیم سے زیادہ قریب رکھے گئے ہیں اور خاص  طور پر آغا خان اسپتال کے قریب جو ڈراپ زون تھا اسے اسٹیڈیم فلائی اوور لایا جائے گا تاکہ آغا خان اور لیاقت نیشنل اسپتال آنے اور جانے والے مریضوں، تیماداروں اور دیگر افراد کو سہولت فراہم کی جا سکے، بریگیڈیئر شاہد کا کہنا تھا کہ چیکنگ کا عمل پی ایس ایل فائنل میچ والا ہی ہوگا اور ممنوع اشیا کی فہرست گزشتہ میچ والی ہی رکھی گئی ہیں ۔

 

The post ویسٹ انڈین ٹیم کو اسٹیٹ گیسٹ کا درجہ دے دیا، ناصر حسین شاہ appeared first on ایکسپریس اردو.



from ایکسپریس اردو » پاکستان https://ift.tt/2EbPga4
Labels:

Popular posts from this blog

ملیے جاپان کی سب سے خوبصورت ٹرک ڈرائیور سے

ٹوکیو:  بہت بڑا ٹریلر یا ٹرک عموماً مرد حضرات ہی چلاتے ہیں لیکن جاپان میں 24 سالہ خوبرو لڑکی بڑی مہارت سے یہ ٹرک چلاتی ہے اور اس کا حسن دیکھ کر لوگ اسے سراہتے ہیں تاہم وہ چاہتی ہے کہ لڑکیاں بھی اس شعبے میں مردوں کے شانہ بشانہ کام کریں۔ رائنو ساساکی جاپانی علاقے کوچی میں رہتی ہے اور 7 سال قبل اس کے ٹرک ڈرائیور والد شدید بیمار ہوگئے جس کے بعد رائنو نے سیکڑوں میل دور اکیلے ٹرک چلانے میں والد کی مددگار بننے کا فیصلہ کیا۔ 21 سال کی عمر میں رائنو نے رقص کی تعلیم ادھوری چھوڑ کر خود ڈرائیونگ سیٹ سنبھالی لی۔ رائنو اب ٹرک میں اپنے والد کے ساتھ سفر کرتی ہے اور ان سے ٹرک ڈرائیونگ کے گُر بھی سیکھتی رہتی ہے۔ اس کے حسن اور ہمت کی بنا پر فیس بک، ٹویٹر اور انسٹا گرام پر ہزاروں لوگ رائنو کے فالوورز بن چکے ہیں اور اس کی مقبولیت میں اضافہ ہوتا جارہا ہے۔ اب رائنو کو جاپان کی سب سے خوبصورت ٹرک ڈرائیور کے نام سے بھی پکارا جارہا ہے۔ رائنو کو ٹرک چلاتے ہوئے 7 برس ہوگئے ہیں لیکن اب تک اس کی جسامت کے مطابق یونیفارم نہیں مل سکا کیونکہ جیکٹ، پینٹ اور دستانے وغیرہ سب مردوں کے لیے تیار کیے جاتے ہیں۔ وہ مست...
Read more

ملک میں معدومی کا شکار گدھوں کی تعداد میں اضافہ ہونے لگا

 لاہور:  پاکستان کے بیشتر علاقوں میں گدھ کو نایاب ہوئے کئی برس گزر گئے مگر چولستان اورمکران کے ساحلی علاقوں میں یورپی گرفن اورمصری نسل کے گدھ دیکھے گئے ہیں ، محکمہ تحفظ جنگلی حیات کے مطابق پنجاب سمیت ملک کے مختلف خطوں میں معدومی کا شکار گدھوں کی تعداد مسلسل بڑھ رہی ہے۔ محکمہ تحفظ جنگلی حیات پنجاب کی طرف سے سوشل میڈیا پر مصری نسل اور یورپی گرفن نسل کے گدھوں کی ویڈیو اور تصاویر شیئر کی گئی ہیں۔ پنجاب وائلڈ لائف کے ڈائریکٹر محمد نعیم بھٹی نے تصدیق کرتے ہوئے بتایا کہ پنجاب میں چولستان اور رحیم یارخان کے علاقوں میں گدھ دیکھے گئے ہیں اور ان کی تعداد میں اضافہ ہورہا ہے۔ رپورٹس کے مطابق سندھ کے ضلع تھرپارکر میں بھی چند مقامات پر سفید اور بھورے مصری گدھ نظر آتے ہیں جن کی نسل دنیا بھر میں خطرے سے دوچار ہے۔ مصری گدھ نسبتاً چھوٹی جسامت کے ہوتے ہیں جبکہ بلوچستان میں مکران کی ساحلی پٹی کے علاقے میں بھی مصری اوریورپی گرفن گدھ دیکھے جاسکتے ہیں۔ ضلع ننگرپارکرمیں لمبی چونج والے گدھ اور سفید پشت والے گدھ بھی موجود ہیں تاہم ان کی تعداد خاصی کم ہے، سفید پشت والے گدھوں کی چھانگامانگا میں بنائے...
Read more

اردو اوربرصغیر کی دیگرزبانوں میں پودوں، سبزیوں اور پھلوں کے مشترک نام

زباں فہمی کالم نمبر53 (آخری حصہ) اسی کالم کی پچھلی قسط میں لہسن کے عربی نام، تُوم کے براہوئی میں جُوں کے تُوں استعمال ہونے کی بات ہوئی تو یہ ذکر رہ گیا کہ اس اتفاق کا پس منظر بہت حیران کُن ہے۔ موئن جودَڑو، ہڑپہ اور (ان دونوں سے زیادہ قدیم) مہرگڑھ کے آثار کی زبان پڑھنے میں کامیابی حاصل کرنے والے ماہرِلسانیات ابوالجلال ندوی مرحوم نے انکشاف کیا تھا کہ یہ کوئی اور زبان نہیں، بلکہ عربی کی ابتدائی شکل ہے جوکسی باقاعدہ رسم الخط کی ایجاد سے قبل، تصویری انداز میں تحریر کی جاتی تھی۔ مہابھارت کے عہد تک خطۂ ہند میں عربی بولی جاتی تھی (بحوالہ ’’ہند و عرب کے تعلقات‘‘ از علامہ سید سلیمان ندوی بحوالہ ستیارتھ پرکاش، منقولہ در مضمون ’سندھی مُہریں‘ از قلم ابوالجلال ندوی)۔ انھوں نے یہ دعویٰ بھی کیا تھا کہ بعض آثار کے تجزیے سے پتا چلتا ہے کہ کسی زمانے میں یہاں کا مذہب، حضرت ابراہیم علیہ السلام کا ’’دینِ حنیف‘‘ تھا یعنی اسلام کی ابتدائی شکل۔ یہ تمام تفصیل ذہن میں رکھیں تو براہوئی ہی نہیں، بلکہ ویدِک، سنسکِرِت، قدیم ہندی، سندھی، سرائیکی، پنجابی، بلوچی اور ہندکو زبان میں پایا جانے والا عربی ذخیرۂ الف...
Read more