صوبائی حکومتوں کی تشہیری مہم قبل از الیکشن دھاندلی ہے، چیف جسٹس

اسلام آباد: چیف جسٹس ثاقب نثار نے صوبائی حکومتوں کی جانب سے میڈیا ہاؤسز کو سرکاری اشتہارات دینے کو قبل از انتخابات دھاندلی قرار دیتے ہوئے ازخود نوٹس لے لیا ہے۔

چیف جسٹس نے سپریم کورٹ میں ادویات کی قیمتوں سے متعلق کیس کی سماعت کے دوران سرکاری اشتہارات پر ازخود نوٹس لیتے ہوئے اپنی سربراہی میں تین رکنی بینچ تشکیل دے دیا ہے جب کہ سماعت کے لیے 12 مارچ کی تاریخ مقرر کردی گئی ہے، اس موقع پر چیف جسٹس ثاقب نثار نے سندھ، پنجاب اور خیبر پختونخواہ کے سیکرٹری اطلاعات اور چیف سیکرٹری کو گزشتہ ایک ماہ کے سرکاری اشتہارات کی تفصیلی رپورٹ ایک ہفتے کے اندر جمع کرانے کا حکم دیا۔

چیف جسٹس ثاقب نثار کا کہنا تھا کہ حکومتیں عوام کے ٹیکسوں سے حاصل ہونے والی رقوم کو اپنی ذاتی تشہیر کے لیے استعمال کر رہی ہیں جو کہ ’پری پول‘ دھاندلی ہے، ذاتی تشہیر کے لیے لوگوں کو جرات کر کے اپنی جیب سے رقوم خرچ کرنا چاہیے، یہاں اربوں روپے اشتہارات کی مد میں خرچ کردیے جاتے ہیں جب کہ اسپتالوں میں بنیادی سہولیات اور ادویات تک دستیاب نہیں ہیں اور ساڑھے چار ہزار اسکولوں میں بچوں کو پینے کا پانی تک میسر نہیں۔

چیف جسٹس نے ادویات کی قیمتوں سے متعلق ازخود نوٹس کی سماعت کو کل تک کے لیے ملتوی کرتے ہوئے کہا کہ ہماری خواہش ہے یہ معاملہ ایک ماہ کے درمیان حل ہوجائے جس کے لیے سیکرٹری صحت بھی تیار نظر آتے ہیں چنانچہ کمپنیوں کے وکلا، ڈریپ اور سیکرٹری صحت مل بیٹھ کر تجاویز تیار کریں، ہم کل تجاویز کا جائزہ لے کر فیصلہ دے دیں گے اور کوئی حکم امتناع اس فیصلے کی راہ میں رکاوٹ نہیں بنے گا۔

The post صوبائی حکومتوں کی تشہیری مہم قبل از الیکشن دھاندلی ہے، چیف جسٹس appeared first on ایکسپریس اردو.

from ایکسپریس اردو » پاکستان http://ift.tt/2ouuwFk

ملیے جاپان کی سب سے خوبصورت ٹرک ڈرائیور سے

ٹوکیو: بہت بڑا ٹریلر یا ٹرک عموماً مرد حضرات ہی چلاتے ہیں لیکن جاپان میں 24 سالہ خوبرو لڑکی بڑی مہارت سے یہ ٹرک چلاتی ہے اور اس کا حسن دیکھ کر لوگ اسے سراہتے ہیں تاہم وہ چاہتی ہے کہ لڑکیاں بھی اس شعبے میں مردوں کے شانہ بشانہ کام کریں۔ رائنو ساساکی جاپانی علاقے کوچی میں رہتی ہے اور 7 سال قبل اس کے ٹرک ڈرائیور والد شدید بیمار ہوگئے جس کے بعد رائنو نے سیکڑوں میل دور اکیلے ٹرک چلانے میں والد کی مددگار بننے کا فیصلہ کیا۔ 21 سال کی عمر میں رائنو نے رقص کی تعلیم ادھوری چھوڑ کر خود ڈرائیونگ سیٹ سنبھالی لی۔ رائنو اب ٹرک میں اپنے والد کے ساتھ سفر کرتی ہے اور ان سے ٹرک ڈرائیونگ کے گُر بھی سیکھتی رہتی ہے۔ اس کے حسن اور ہمت کی بنا پر فیس بک، ٹویٹر اور انسٹا گرام پر ہزاروں لوگ رائنو کے فالوورز بن چکے ہیں اور اس کی مقبولیت میں اضافہ ہوتا جارہا ہے۔ اب رائنو کو جاپان کی سب سے خوبصورت ٹرک ڈرائیور کے نام سے بھی پکارا جارہا ہے۔ رائنو کو ٹرک چلاتے ہوئے 7 برس ہوگئے ہیں لیکن اب تک اس کی جسامت کے مطابق یونیفارم نہیں مل سکا کیونکہ جیکٹ، پینٹ اور دستانے وغیرہ سب مردوں کے لیے تیار کیے جاتے ہیں۔ وہ مست...

افغانستان میں 6.1 شدت کا زلزلہ، 250 افراد ہلاک

کابل: افغانستان میں 6.1 شدت کے زلزلے سے 250 افراد ہلاک اور500 سے زائد زخمی ہوگئے۔ غیرملکی میڈیا نے افغان حکام کے حوالے سے بتایا کہ افغانستان کے مختلف علاقوں میں زلزلے سے 250 افراد ہلاک اور500 سے زائد افراد زخمی ہوگئے۔زلزلے سے پکتیکا میں 50 افراد ہلاک ہوئے۔ امریکی جیولوجیکل سروے کا کہنا ہے کہ زلزلے کا مرکز خوست شہر سے 27 میل دور تھا اوراس کی گہرائی 31 میل تھی۔ زلزلے کے جھٹکے افغان دارالحکومت کابل میں بھی محسوس کئے گئے۔افغان حکام نے امدادی ٹیموں سے زلزلے سے متاثرہ علاقوں میں پہنچنے کی اپیل کی ہے۔ افغانستان میں زلزلے نے تباہی مچا دی، 250 سے زائد افراد جاں بحق، صوبہ پکتیکا سب سے زیادہ متاثر ہوا، ریسکیو ٹیمیں پکتیکا پہنچ گئیں، امدادی سرگرمیاں شروع، زلزلے سے اب تک 1250 افراد زخمی ہوئے ہیں pic.twitter.com/5BoyWwge9P — ترکیہ اردو (@TurkeyUrdu) June 22, 2022 زلزلے سے کچے مکانات گر گئے اورزمین میں دراڑیں پڑگئیں۔حکام نے زلزلے سے اموات میں اضافے کا خدشہ ظاہرکیا ہے۔ زلزلہ بھارت کے کچھ علاقوں میں بھی محسوس کیا گیا۔ The post افغانستان میں 6.1 شدت کا زلزلہ، 250 ا...

ملک میں معدومی کا شکار گدھوں کی تعداد میں اضافہ ہونے لگا

لاہور: پاکستان کے بیشتر علاقوں میں گدھ کو نایاب ہوئے کئی برس گزر گئے مگر چولستان اورمکران کے ساحلی علاقوں میں یورپی گرفن اورمصری نسل کے گدھ دیکھے گئے ہیں ، محکمہ تحفظ جنگلی حیات کے مطابق پنجاب سمیت ملک کے مختلف خطوں میں معدومی کا شکار گدھوں کی تعداد مسلسل بڑھ رہی ہے۔ محکمہ تحفظ جنگلی حیات پنجاب کی طرف سے سوشل میڈیا پر مصری نسل اور یورپی گرفن نسل کے گدھوں کی ویڈیو اور تصاویر شیئر کی گئی ہیں۔ پنجاب وائلڈ لائف کے ڈائریکٹر محمد نعیم بھٹی نے تصدیق کرتے ہوئے بتایا کہ پنجاب میں چولستان اور رحیم یارخان کے علاقوں میں گدھ دیکھے گئے ہیں اور ان کی تعداد میں اضافہ ہورہا ہے۔ رپورٹس کے مطابق سندھ کے ضلع تھرپارکر میں بھی چند مقامات پر سفید اور بھورے مصری گدھ نظر آتے ہیں جن کی نسل دنیا بھر میں خطرے سے دوچار ہے۔ مصری گدھ نسبتاً چھوٹی جسامت کے ہوتے ہیں جبکہ بلوچستان میں مکران کی ساحلی پٹی کے علاقے میں بھی مصری اوریورپی گرفن گدھ دیکھے جاسکتے ہیں۔ ضلع ننگرپارکرمیں لمبی چونج والے گدھ اور سفید پشت والے گدھ بھی موجود ہیں تاہم ان کی تعداد خاصی کم ہے، سفید پشت والے گدھوں کی چھانگامانگا میں بنائے...

Dalesman

Search This Blog