لاپور: وزیر قانون پنجاب رانا ثنا اللہ نے کہا کہ (ن) لیگ چھوڑنے والوں کے بارے میں ہمیں سب پتہ ہے کہ انہوں نے کہاں اور کب ملاقاتیں کیں اور کس کس سے ان کے رابطے ہوئے۔
لاہور میں میڈیا سے بات کرتے ہوئے رانا ثنا اللہ نے کہا کہ ہمیں عدلیہ پر پورا اعتماد ہے، عدلیہ کے ایک فیصلے سے اختلاف ہوسکتاہے لیکن اس کے وجود سے اختلاف نہیں ہوسکتا، آئین کی پاسداری کا حلف لینے کے بعد آمر کا حلف لینا جرم کے زمرے میں آتاہے، سیاست دانوں کا احتساب ان کی پیدائش سے پہلے ہوسکتا ہے تو سب کا احتساب ہونا چاہیے، ہم نہیں چاہتے کہ عدلیہ انتظامیہ کے ماتحت ہو۔
عمران خان ایسا بندرہے جو اسے چٹ دیتا اسے کہنا شروع کردیتا ہے، آج کل عمران خان شہبازشریف اور پنجاب حکومت پر دو الزامات لگا رہے ہیں، فیصل سبحان کے کردار پر عمران خان بڑی بات کررہے ہیں کیونکہ یہ فال پنکی پیر نے نکالی ہے حالانکہ فیصل سبحان کا ملتان میٹرو سے کوئی تعلق نہیں ہے، سبزہ زار واقعے میں عابد باکسر ایس ایچ او تھا لیکن وہ پولیس مقابلہ میں ملوث ہی نہیں تھا، عمران خان نے دو سال میں پنکی پیر والا کام کیا ہے جس کی بنیاد پر عابد باکسر کو ان کی شاگردی اختیار کرنی چاہیے۔
اس خبرکوبھی پڑھیں: رانا ثنا اللہ کو مستعفی ہونے کا مشورہ
دبئی سے لائے گئے ملزم عابد باکسر کے حوالے سے صوبائی وزیر کا کہنا تھا کہ جھوٹا انسان بار بار جھوٹ بولتا ہے، عمران خان جھوٹ بول کر عوام کو گمراہ کرنا چاہتے ہیں، عمران خان نے کہا کہ عابد باکسر نے اعتراف کیا کہ اس نے 250 افراد کو شہباز شریف کے کہنے پر قتل کیا حالانکہ حقیقت یہ ہے کہ عابد باکسر کے خلاف پنجاب پولیس کے پاس مجموعی طور پر 12 مقدمات ہیں، اس کے خلاف ایک بھی مقدمہ جعلی پولیس مقابلے کا نہیں ہے، اس کے خلاف قتل کے دو مقدمات جب کہ 6 سے 7 مقدمات جائیداد پر قبضے کے ہیں۔ فراڈ کرنے والے ٹولے نے منی لانڈرنگ کی، چین میں پکڑے جانے پر انہوں نے کہا کہ ملتان میں میٹرو منصوبے کا پراجیکٹ ہے، پنجاب حکومت نے فراڈ میں ملوث افراد کو گرفتار کرلیاہے، فیصل سبحان نامی کوئی کنٹریکٹر نہیں ہے۔
چوہدری نثارعلی خان کی ناراضی سے متعلق وزیر قانون پنجاب نے کہا کہ چوہدری نثار کو منانے کیلئے نواز شریف ہی کافی ہیں، میری اطلاع کے مطابق گزشتہ روز پارٹی کی سینٹرل ایگزیکٹیو کمیٹی کے اجلاس میں تمام رہنماؤں کو مدعو کیاگیا تھا لیکن چوہدری نثار علی خان ذاتی مصروفت کی وجہ سے نہیں آئے۔ جہاں تک پارٹی چھوڑنے والوں کا تعلق ہے اس بارے میں ہمیں سب پتہ ہے کہ انہوں نے کہاں اور کب ملاقاتیں کیں اور کس کس سے ان کے رابطے ہوئے۔ 6 مارچ کو مسلم لیگ (ن) کی مرکزی کمیٹی کا اجلاس ہوگا،جس میں پارٹی کے مستقل صدر کا فیصلہ ہوگا۔
The post (ن) لیگ چھوڑنے والوں نے کہاں اور کب ملاقاتیں کیں سب پتہ ہے، رانا ثنا اللہ appeared first on ایکسپریس اردو.
from ایکسپریس اردو » پاکستان http://ift.tt/2HR8JQ5